Overwarf
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 1,68 km² | |
| Inwahners: | 147 (30. Juni 2019) | |
| Inwahnerdicht: | 87,5 Inwahners pro km² | |
| Hööchd: | 1 m över NHN | |
| Postleettall: | 27612 | |
| Vörwahl: | 04740 | |
| Geograafsche Laag: | Koordinaten:53° 28′ N, 8° 32′ O53° 28′ N, 8° 32′ O | |
 | ||
|
| ||
Overwarf (hoochdüütsch Overwarfe) is en Dörp in de Gemeen Lox in’n Landkreis Cuxhoben, Neddersassen. Binnen de Gemeen billt de Oort ok en polietsche Oortschop mit egen Oortsvörsteiher.
Geografie
[ännern | Bornkood ännern]Overwarf is so bi 2,5 Kilometer von de Werser af in de Masch von Landwöörden. In’n Noorden liggt de Luunplaat. Dat Water ut dat Rebeed flütt över dat Overwarfer Sieldeep in de Werser. Fröher leeg de Oort dicht an de Ole Werser, de vondaag aver dör Diekboarbeiden nich mehr besteiht.
De Naveröörd sünd Üterlann un Jührde in’n Noordoosten, Fleest in’n Oosten, Stotel un Speckje in’n Süüdoosten, Maihusen in’n Süden, Deesdorp un Wiemsdörp in’n Süüdwesten un Overwarfersiel in’n Westen.
Historie
[ännern | Bornkood ännern]Fröher weer Overwarf as Deel von Landwöörden in dat Land Ollnborg un hett bet 1933 to dat Amt Braak tohöört. Von 1933 bet 1939 weer dat Deel von dat Amt Wersermasch, denn hett dat Amt den ne’en Naam Landkreis Wersermasch kregen.
Bet 1974 noch hett Overwarf to de Gemeen Deesdörp/Landwöörden tohöört, de 1974 von’n Landkreis Wersermasch na’n Landkreis Wersermünn wesselt is. 1977 is dat denn Deel von’n Landkreis Cuxhoben worrn.
In’n Eersten Weltkrieg sünd 15 Soldaten ut Overwarf/Üterlann fullen oder vermisst, un in’n Tweten fiev[1].
Religion
[ännern | Bornkood ännern]Overwarf is evangeelsch-luthersch präägt un höört to dat Kaspel von de Laurentius-Kark in Deesdorp.
Oortsvörsteihers
[ännern | Bornkood ännern]- üm 2011: Erika Heitmann
- opstunns: Eymer Köhnken (SPD)
Kultur
[ännern | Bornkood ännern]
En Denkmaal för de Fullenen ut Overwarf ut de twee Weltkrieg’ steiht an de Hauptstraat.
De Oort hett tohoop mit Üterlann en Oortsgemeenschopshuus.
Weertschop un Infrastruktur
[ännern | Bornkood ännern]Overwarf hett tohoop mit Üterlann en freewillige Füürwehr, de ehr Sprüttenhuus twüschen de beiden Dörper hett un an’n 18. März 1930 grünnt worrn is.
Verkehr
[ännern | Bornkood ännern]Overwarf liggt an de Landsstraat 121, de in’n Noordoosten över Üterlann un Lanhusen in Wulsdörp na de Bundsstraat 6 föhrt un in’n Süüdwesten över Deesdorp na de Bundsstraat 437. De B 437 löppt von dor dör’n Wersertunnel na dat annere Över von de Werser.
De nächste Autobahn is de Autobahn 27 (Afsnidd Bremen–Bremerhoben). De Opfohrten 9 Wulsdörp un 10 Bremerhoben-Süüd doot all beid so acht Kilometer wied weg liggen.
De nächste Bahnhoff is de Bahnhoff Wulsdörp an de Bahnlien Bremen–Cuxhoben, de negen Kilometer in’n Noordoosten liggt.
Scholen
[ännern | Bornkood ännern]De Oort harr fröher tohoop mit Üterlann en egen Volksschool. Vondaag gaht de Kinner na de Grundschool Stotel. Dat gifft aver in de fröhere School en Kinnergoorn. De Kinnergoorn is 1972 as Speelkreis grünnt worrn.
