Neemöhlen (bi Niewohl)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Neemöhlen
Laag vun Neemöhlen in Düütschland
Basisdaten
Bundsland: Neddersassen
Landkreis: Cuxhoben
Gemeen: Geestland
Inwahners:
Postleettall: 27607
Vörwahl: 04707
Geograafsche Laag:
Koordinaten:53° 42′ N, 8° 42′ O
53° 42′ N, 8° 42′ O

Neemöhlen (hoochdüütsch Neumühlen) is en lütten Oort in de Gemeen Geestland in’n Landkreis Cuxhoben, Neddersassen. De Oort höört polietsch al von öllers bi Niewohl mit bi un is vondaag Deel von de Oortschop Niewohl binnen de Gemeen.

Geografie[ännern | Bornkood ännern]

De Naveröörd sünd Krümpel in’n Noorden, Ahlen-Falkenbarg in’n Noordoosten, Flögeln in’n Süüdoosten, Hemendörp in’n Süden, Niewohl in’n Süüdwesten, Holsseln in’n Westen un Kraansborg un Millm in’n Noordwesten.

Historie[ännern | Bornkood ännern]

In Neemöhlen hett dat fröher en Watermöhl geven, de an de Neemöhlener Au leeg, de later in’n Dahlmer See münnt is. De Möhl hett dat Klooster Niewohl tohöört. De Möhl weer al 1677 brockfällig un is 1784 afbraken worrn.[1] De Möller Ehlbeck harr 1773 en Windmöhl in’n Westen von Niewohl boot. Liekers is de Hoff an de Steed von de ole Möhl wieder bewahnt ween.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Niewohl in’n Kanton Dorum höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Niewohl in de Böörd Ringst, Amt Beers, tohöört un denn von 1859 bet 1885 to dat Amt Leh. Na 1885 weer dat in’n Kreis Leh. 1932 is dat Deel von’n Landkreis Wersermünn worrn un 1977 von’n Landkreis Cuxhoben.

Neemöhlen is von öllers Deel von de Gemeen Niewohl ween. De Gemeen is 1971 Maat von de Samtgemeen Niewohl worrn. Mit de Gemeenreform in Neddersassen an’n 1. März 1974 sünd Gemeen un Samtgemeen oplööst worrn. Dat Rebeed hett denn to de Gemeen Langen tohöört. To’n 1. Januar 2015 is de Gemeen Langen denn in de Gemeen Geestland opgahn. Sietdem is Neemöhlen Deel von de Oortschop Niewohl binnen de Gemeen Geestland.

Inwahnertall[ännern | Bornkood ännern]

Johr Inwahners
1793-00-001793[2] 1 Füürsteed
1812-00-001812[3] 10
1824-00-001824[4] 1 Füürsteed

Religion[ännern | Bornkood ännern]

Neemöhlen is evangeelsch-luthersch präägt un höört to dat Kaspel von de Hilligkrüüzkark in Niewohl.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Neemöhlen liggt an en lüttje Blangenstraat von de Landsstraat 118, de in’n Noordoosten över Krümpel un Wannen na Oterndörp geiht un in’n Süüdwesten över Niewohl na Langen.

De nächste Autobahn is de Autobahn 27 (Afsnidd CuxhobenBremerhoben). De Opfohrt 4 Niewohl liggt so veer Kilometer in’n Süüdwesten von Neemöhlen.

De nächste Bahnhoff is so bi teihn Kilometer wied weg in’n Westen de Bahnhoff Dorum an de Bahnlien Bremerhoben–Cuxhoben.

Footnoten[ännern | Bornkood ännern]

  1. Otto Edert: Neuenwalde: Reformen im ländlichen Raum. 2013
  2. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 164: https://books.google.de/books?id=jN5QAAAAcAAJ&pg=PA164
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 104: http://books.google.de/books?id=Q 5OAAAAcAAJ&pg=PA104
  4. C. H. Jansen: Statistisches Handbuch des Königreichs Hannover. 1824, Sied 428: http://books.google.de/books?id=tG0AAAAAcAAJ&pg=PA428