Neeflunken

Neeflunken
Langbeenmuggen paart sik
Systematik
Domään: Eukaryota ahn Rang: Veelzellers (Metazoa) Afdeel: Geweevdeerter (Eumetazoa) Ünnerafdeel: Tweesiedendeerter (Bilateria) ahn Rang: Ehrdermünner (Protostomia) Böverstamm: Huututtreckers (Ecdysozoa) Stamm: Liddfööt (Arthopoda) Ünnerstamm: Tracheendeerter (Tracheata) Böverklass: Sessfööt (Hexapoda) Klass: Insekten (Insecta) Böverornen: Neeflunken (Neoptera)
Wetenschoplich Naam
Neoptera
Martynov, 1923

De Neeflunken (Neoptera) sünd en Böver-Ornen mank de Insekten (Insecta). Ehr sunnerlich Kennteken is, datt se de Flunken nah achtern, over dat Achterlief, tohopenleggen könnt. Dor hölpt en sunnerlich Lidd mit de Muskels, de dor mit bi sünd, to. To de Neeflunken höört all Fleeginsekten (Pterygota) to, bloß nich de Maiflegen (Ephemeroptera) un de Goldpeer (Odonata).

Vunwegen, datt se de Flunken eng an dat Lief anleggen könnt, is dat mööglich, en ganze Reeg vun Levensrüme to besiedeln. So könnt se eerst in enge Bowarke un Spleten rinkamen. As, mit den Loop vun de Evolutschoon, de Le'e un de Muskeln ummuddelt wurrn sünd, möss ok de Flunken umboot weern, anners weer dat nich mööglich, em to folden. So sünd allerhand Fören in'n Flunken tostanne kamen. To allerhand Ornens mank de Neeflunken höört Insektenaarden, de Insektenstaten boon doot.

Systematik

To de Neeflunken weert düsse Ornens torekent:

• Ornen Steenflegen (Plecoptera)
• Ornen Hackenspinners (Embioptera)
• Ornen Heemkenkakerlaken (Notoptera)
• Ornen Ohrenkniepers (Dermaptera)
• Ornen Biddhaupeer (Mantodea)
• Ornen Kakerlaken (Blattodea)
• Ornen Termiten (Isoptera)
• Ornen Wanneltwiege un Wannelblöder (Phasmatodea)
• Ornen Hackenlopers (Mantophasmatodea)
• Ornen Haupeer (Orthoptera)
  • Unnerornen Langspriethaupeer (Ensifera)
  • Unnerornen Kortspriethaupeer (Caelifera)
• Ornen Eerdlüse (Zoraptera)
• Ornen Stofflüse (Psocoptera)
• Ornen Deertlüse (Phthiraptera), dormank de Echten Lüse mit de Minschenlüse (Schaamluus, Koppluus un Klederluus)
• Ornen Franjenflunken (Thysanoptera)
• Ornen Snavelinsekten (Hemiptera)
  • Unnerornen Zikaden (Auchenorrhyncha), mit de Infraordines Lantüchtendregers (Fulgoromorpha) un Singzikaden (Cicadomorpha)
  • Unnerornen Wandlüse (Heteroptera)
  • Unnerornen Schedensnavels (Coleorrhyncha)
  • Unnerornen Plantenlüse (Sternorrhyncha), mit Blattlüse un Schildlüse
• Ornen Kamelhalsflegen (Raphidioptera)
• Ornen Grootflunken (Megaloptera)
• Ornen Nettflunken (Neuroptera), mit de Florflegen, dormank de Gröne Florflege
• Ornen Kävers (Coleoptera)
• Ornen Weiherflunken (Strepsiptera)
• Ornen Huudflunken (Hymenoptera) mit Immen, Wöpsen un Iemecken
• Ornen Schietmotten (Trichoptera)
• Ornen Bottervagels (Lepidoptera)
• Ornen Snavelflegen (Mecoptera)
• Ornen Tweeflunken (Diptera)
  • Unnerornen Muggen
  • Unnerornen Flegen
• Ornen Flöh (Siphonaptera)

Kiek ok bi

• List vun Insekten

Literatur

• Bernhard Klausnitzer: Insecta (Hexapoda), Insekten In Westheide, Rieger (Hrsg.): Spezielle Zoologie Teil 1: Einzeller und Wirbellose Tiere. Gustav Fischer Verlag, Stuttgart, Jena 1997; Seiten 635ff.

Weblenken

Neeflunken. Mehr Biller, Videos oder Audiodateien to’t Thema gifft dat bi Wikimedia Commons.