Termiten

Vun Wikipedia
Termiten
Coptotermes formosanus
Systematik
Stamm: Liddfööt (Arthopoda)
Ünnerstamm: Tracheendeerter (Tracheata)
Böverklass: Sessfööt (Hexapoda)
Klass: Insekten (Insecta)
Ünnerklass: Fleeginsekten (Pterygota)
Böverornen: Neeflunken (Neoptera)
Ornen: Termiten (Isoptera)
Wetenschoplich Naam
Isoptera
Brullé, 1832

Termiten (Isoptera) sünd en Ornen mank de Insekten. Se leevt in grote Gruppen as eusoziale Deerter. Termiten sünd nich eng verwandt mit Iemecken. Vun de Evolutschoon her hefft se sik utspunnen ut Kakerlaken un weert dör moderne Taxonomen ankeken as een Twieg vun de Blattdodea, tohopen mit de Kakerlaken.

Kennteken[ännern | Bornkood ännern]

Just so, as bi de Immen un Iemecken gifft dat bi de Termiten bloß man unfruchtbore Deerter, mol afsehn vun de Königin (Mudder, Wiese) un en Reeg vun Heken in’t Johr, de avers man slank dood gaht. De wecken Königinnen könnt wohrschienlich twuschen twintig un foftig Johre oold weern.[1]. Dor sünd de Termiten mit groten Afstand mit dat Insekt, dat an’n langsten leven deit. Termiten hefft keen sunnerlich goden Roop, man up de annere Siet bruukt de wecken Deerter, as Iemeckeneters un en Reeg vun Eerdkrupers, Termiten to’n leven. Bi Termiten gifft dat Arbeiders (unfruchtbare Seken) un ok Suldaten (unfruchtbore Heken). Bi de wecken Aarden ut de Tropen könnt de Suldaten mit bannig grote Keven orrig tobieten, oder se sünd giftig, oder beides.

Wo se vorkamen un leven doot[ännern | Bornkood ännern]

En Kolonie Termiten leevt boven un ok unner de Eer. Boven de Eer is se to sehn as Termitenbulten. De meisten Aarden gift dat in Afrika, Asien un Ozeanien.

Wat se freten doot[ännern | Bornkood ännern]

De wecken Aarden mank de Termiten leevt bloß man vun Holt. So weer dat toeerst ok bi all Termiten. Annere freet nu Humus ut'e Eer. Ehr Darm is wat langer maakt un updeelt in en Reeg vun Kamern, de een up de annere folgen doot. Düsse Kamern verscheelt sik bannig na de physikocheemschen Umstänn dorin un in jedeen Kamer sitt en sunnerliche Mikroflora vun Bakterien in.

De Termiten weert in twee Gruppen indeelt, je nadem, wie se leven doot. Dat gifft de so nömmten „neddern Termiten“, de leevt meist heel un deel bloß vun Holt. Dor höört de Familien Mastotermitidae, Kalotermitidae, Termopsidae, Hodotermitidae, Rhinotermitidae un Serritermitidae to. Ehre Nester liggt normolerwiese binnenin in dat Substrat, wat se freten doot, dat is meist Doodholt, wat al to'n Deel ut'neenfullen is, man dat kann ok hart un dröög Holt ween (u. a. bi de Kalotermitidae). Ok bi de neddern Termiten höört dat nich up un de wecken Aarden hefft sik wieter utspunnen, as de „Aarntetermiten“ ut de Familie Hodotermitidae. Se leevt vun verdröögt Gras. De so nömmten „högern Termiten“ höört all to de Familie Termitidae (mit allerhand Unnerfamilien). Düsse Familie hett sik in de Evolutschoon ut de neddern Termiten rutspunnen. Se hangt alltohopen nich mehr an dat Holt un bruukt dat nich mehr to'n Freten, man se hoolt sik an verscheden Substrate, dormank Humus, dode Blöder un Gras. De Aarden vun de Unnerfamilie Macrotermitinae bedrievt Anbo vun Swämme (just as Blattsniederiemecken) un fodert de in Breihkamern mit allerhand orgaansch Material.

Taxonomie[ännern | Bornkood ännern]

Bi de Termiten gifft dat düsse Familien:

Kiek ok bi[ännern | Bornkood ännern]

Belege[ännern | Bornkood ännern]

  1. Michael>Schneider, Michael F., Termite Life Cycle and Caste System,[1], University of Freiburg, 1999, geraadpleegd op 8 januari 2015

Weblenken[ännern | Bornkood ännern]

Termiten. Mehr Biller, Videos oder Audiodateien to’t Thema gifft dat bi Wikimedia Commons.