Maiflegen
| Maiflegen | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||
| Systematik | ||||||||||||||||||||||
| ||||||||||||||||||||||
| Wetenschoplich Naam | ||||||||||||||||||||||
| Ephemeroptera | ||||||||||||||||||||||
| Hyatt & Arms, 1890 |
De Maiflegen (ooldgr. Ephemeroptera; vun ephemeros – (for) een Dag, pteron – Flunk) sünd de ollerhaftigsten mank de Fleeginsekten (Pterygota). Se billt en Ornen binnen de Klass vun de Insekten (Insecta). Dor höört alltohopen mehr as 3.000 Aarden[1] in 42 Familien mit mehr as 400 Geslechter to. Dor sünd se een vun de Ornens mit, de nich so unbannig veel Aarden uptowiesen hefft. Vun düsse Aarden leevt in Europa bi 300, in Middeleuropa mehr as 100. De Deerter weert over’t Lief 3 bit hen to 38 Millimeters lang un könnt ehre Flunken bit hen to 80 Millimeters wiet ut’neenspannen bi de Aarden vun dat Geslecht Euthyplocia. De gröttste Aart in Europa is de Theiß-Maiflege (Palingenia longicauda). Se kann mit Steertanhäng an’t Achterlief alltohopen bit to 120 Millimeters lang weern. De Mundwarktüge bi de adulten Maiflegen sünd vermickert un ehr Darm is to’n Verdauen nich to bruken. De Middeldarm is stramm mit Luft anfüllt un hollt dat Lief as en Aart vun Skelett in Form. Vun’n Vördarm un Achterdarm is he afslaten. Düsse Organe sünd mit de Evolutschoon ummudeelt wurrn, vunwegen datt de Deerter nich mehr freten doot, wenn se ut ehre Poppen utkrapen sünd.
Kiek ok bi
[ännern | Bornkood ännern]Belege
[ännern | Bornkood ännern]- ↑ Helen M. Barber-James, Jean-Luc Gattolliat, Michel Sartori, Michael D. Hubbard (2008): Global diversity of mayflies (Ephemeroptera, Insecta) in freshwater. Hydrobiologie 595(1): S. 339–350.
