Huututtreckers

Vun Wikipedia
Zur Navigation springen Zur Suche springen
Huututtreckers
En Zikade treckt de ole Huut ut.
Systematik
Domään: Eukaryota

ahn Rang: Amorphea
ahn Rang: Opisthokonta
ahn Rang: Holozoa
ahn Rang: Veelzellers (Metazoa)
Afdeel: Geweevdeerter (Eumetazoa)
Ünnerafdeel: Tweesiedendeerter (Bilateria)

ahn Rang: Ehrdermünner (Protostomia)
Böverstamm: Huututtreckers (Ecdysozoa)
Wetenschoplich Naam
Ecdysozoa
Aguinaldo et al., 1997

De Huututtreckers (Ecdysozoa) sünd en Böverstamm vun de Deerter, de in de WetenschopEhrdermünner“ (Protostomia) nömmt weert. To de Huututtreckers höört de Liddpoten (Insekten, Keevklauendregers, Kreefte, Dusendfööt), Fadenwörmer un en poor lüttjere Stämme mit to. To’n eersten Mol beschreven wurrn sünd se in en Studie ut dat Johr 1997. En grote Unnersöken vun 2008 hett kloormaakt, datt de Huututtreckers worraftig as en taxonoomsche Grupp ankeken weern mutt.

All Deerter, de to düsse Grupp tohöören doot, stimmt in en poor Kennteken in de Morphologie overeen un köönt beschreven weern, as Deerter, de ehr Exoskelett verleert (Huututtuusch). Dor kummt ok de wetenschoppliche Naam ecdysis vun her. Gruppen, de mehr oder minner overeenkaamt mit de Ecdysozoa sünd al ehrder beschreven wurrn dör Perrier 1897 un Seurat 1920.

Dat gifft en lüttje Grupp Biologen, de wüllt de Huututtreckers as Gruppen nich gellen laten.

Kennteken[ännern | Bornkood ännern]

Huututtrecken[ännern | Bornkood ännern]

Dat wichtigste Kennteken vun düsse Gruppen is ehre Butenhuut, de ut dree Lagen vun orgaanschen Material tohopenboot is un de uttrocken warrt, wenn dat Deert wasst. De Huut sitt fast as en Panzer un kann nich mitwassen. Vundeswegen mutt se afsmeten weern.

Annere Kennteken[ännern | Bornkood ännern]

De Deerter ut düsse Grupp hefft keen Beverhaare (Flagatella), wo se mit vorut kaamt. Se produzeert meist amöbenhaftig Sperma un ehre Embryos kennt keen spiralformte Zelldelen, as de annern Oormünner. Dat gifft noch en Reeg vun annere Kennteken for düsse Grupp, as de dreihsymmetrische Strott bi Baardeertken, Seespinnen un Fadenwörmer.

Wie de Huututtreckers indeelt weert[ännern | Bornkood ännern]

To de Huututtreckers höört düsse Stämm to:

Liddpoten (dor höört Insekten, Keevklauendregers, Kreefte un Dusendfööt to), Stummelfööt, Waterboren, Stickelwörmer (Kynorhyncha), Peniswörmer, Korsettdeerter, Fadenwörmer un Snarenwörmer. En poor annere Gruppen, as de Buukhaarten, weert as möögliche Liddmaten vun de Huututtreckers ankeken, man dor fehlt en poor wichtige Kennteken un vundeswegen sünd se annerwegens indeelt. De Liddfööt, Stummelfööt un Waterboren weert as sunnerliche Gruppen mank de Huututtreckers ankeken, vunwegen dat se ut en Lief mit Segmente tohopensett sünd.