Morphologie (Biologie)

Vun Wikipedia
Zur Navigation springen Zur Suche springen

De bioloogsche Morphologie befaat sik mit den utwennigen Upbo un de Form vun Organismen (Formlehr) un ehre Organe (Organlehr) un versocht, de grote Masse vun Formen un ehr verscheden Utsehn torüch to föhren up en Boplaan, de vun de Evolutschoon her to düden is.

Allgemeen warrt seggt, dat Johann Wolfgang von Goethe (1749-1832) de Eerste ween is, de den Begreep Morphologie bruukt hett. He weer dor vun overtüügt, datt achter den groten Verscheel vun all Blötenplanten en Boplaan steken dö, de for all Planten gellen dö un up den siene Grundlaag allens tostanne kamen weer, wat to siene Tied to finnen weer. In sien Book De Metamorphose der Pflanzen meent he, datt düsse Boplaan us in Stand sett, Form un Utsehn vun Planten, de noch nich entdeckt weern, vörher to seggen.

En wichtig Thema in de Biologie is de Tosamenhang twuschen Form un Funktschoon. De utwennige Upbo un de Form vun en Organismus staht unner Infloot vun de Gene un vun de Umwelt. De Phänotyp is dat, wat wi seht. He is de Folg vun den Infloot vun Genotyp un Umwelt.