Mark Espat

Vun Wikipedia
Zur Navigation springen Zur Suche springen

Mark Anthony Espat (* 26. Oktober 1970 in Belize-Stadt) is en Politiker ut Belize (PUP).

Leven[ännern | Bornkood ännern]

Espat is 1970 in Belize-Stadt boren[1] un de Broder to Jorge Espat. He weer op de Holy Redeemer Primary School un denn op dat St. John’s College in Belize-Stadt.[1] Studeert hett he Business Administration an dat Viterbo College in La Crosse (USA).[1] Von 1991 bet 1996 hett he as Manager för dat Ramada Royal Reef Resort & Marina (höört to de Renaissance Hotels) in Belize-Stadt arbeidt.[1] Von Februar bet Juni 1993 weer he ok Vörsitter von dat Belize Tourist Board un Repräsentant von Belize in de Mundo Maya Organization.[1] He leevt in Belize-Stadt.[1]

Politik[ännern | Bornkood ännern]

Bi de Parlamentswahl in Belize 1998 weer he Kannedaat för de PUP in’n Wahlkreis Albert un hett de Wahl mit 69,84 % von de Stimmen gegen Thomas Morrison von de UDP wunnen. Ok bi de Wahl 2003 (82,83 % von de Stimmen gegen Marilyn Williams, UDP, un den unafhängigen Sydney Fuller) un bi de Wahl 2008 (62,90 % gegen Tom Morrison, UDP) kunn he sik in’n sülven Wahlkreis wedder dörsetten.

Dormit weer he von’n 27. August 1998 bet 7. März 2012 Afornten von dat Repräsentantenhuus von Belize. He is 1998 ünner Premierminister Said Musa Minister för Tourismus worrn (Kabinett Musa I).

1999 is he tosätzlich Minister för Junge Lüüd worrn. He hett düt Amt von Dolores Balderamos övernahmen. An’n 15. Oktober 2001 hett he dat Themenfeld Junge Lüüd wedder an Cordel Hyde afgeven un dorför Kultur tokregen.[2]

In’n August 2002 hett he de Themenfeller Informatschoon un Rundfunk tokregen.

An’n 5. Januar 2004 is he tosätzlich Minister för Investment worrn, nadem Eamon Courtenay düt Amt opgeven müss.[3] Ut dat Themenfeld Investment is an’n 18. August 2004 dat Themenfeld Ünnernehmens worrn.[4]

An’n 28. Dezember 2004 müss he siene Ämter as Minister afgeven. Tourismus hett Godfrey Smith övernahmen un Kultur Francis Fonseca.

An’n 3. November 2005 is he wedder Minister worrn un hett dat Leid över de Ministerien för Natschonale Entwicklung, Investment un Kultur kregen.[5]

An’n 22. Mai 2007 müss he siene Ministerposten all afgeven.[6] Natschonale Entwicklung güng an Said Musa un Kultur an Francis Fonseca.

Bi de Parlamentswahl 2012 hett siene Partei em nich wedder as Kannedaat opstellt.

Footnoten[ännern | Bornkood ännern]

  1. a b c d e f Hon. Mark Espat, Biographical Data, UNESCO
  2. Cabinet shuffle promotes Price, Samuels, Shoman, Channel 5 Belize an’n 15. Oktober 2001
  3. Cabinet has new look for 2004, Channel 5 Belize an’n 5. Januar 2004
  4. 7 return, 3 added to new cabinet, Channel 5 Belize an’n 18. August 2004
  5. “Uneasy arrangement at best,” say Cabinet ministers, Channel 5 Belize an’n 3. November 2005
  6. Deputy Prime Minister John Briceno Resigns, Eamon Courtenay Joins Him, 7 News Belize an’n 4. Juni 2007