Joseph Cayetano
Joseph John Cayetano (* 21. Januar 1949 in Monkey River Town) is en Politiker ut Belize (UDP).
Leven
[ännern | Bornkood ännern]Cayetano is 1949 in Monkey River Town as Söhn von Francis un Florencia Lucas Cayetano in ene Garifuna-Familie boren.[1][2] De Familie harr 14 Kinner.[1] He weer op dat Biscayne College von de St. Thomas University in Miami (USA) un hett dor 1983 en Bachelor of Arts in Bildungswetenschoppen maakt.[2] Ok dat Belize College of Arts, Sciences and Technology hett he besöcht.[2]
Cayetano hett as Schoolmeester an dat Toledo Community College un as Manager för de röömsch-kathoolschen Scholen in’n Distrikt Toledo arbeidt.[1]
Politik
[ännern | Bornkood ännern]He weer bi de Parlamentswahl in Belize 1993 Kannedaat för de UDP in’n Wahlkreis Toledo Oost un hett sik mit 50,1 % von de Stimmen gegen Michael Espat von de PUP dörsett. Cayetano harr dorbi blots veer Stimmen Vörsprung vör Espat.
Dormit weer he von 1993 bet 1998 Afornten in dat Repräsentantenhuus von Belize. He weer ünner Premierminister Manuel Esquivel bet 1998 Minister för Verkehr un Energie in dat Kabinett Esquivel II (1995 hett sien Ministerium den ne’en Naam Wetenschop, Technologie un Verkehr kregen).
