Jerusalem (Landkreis Heidkreis)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29643 | |
| Vörwahl: | 05195 | |
| Geograafsche Laag: | Koordinaten:53° 4′ N, 9° 39′ O53° 4′ N, 9° 39′ O | |
|
| ||
Jerusalem (hoochdüütsch Jerusalem) is en lütten Oort in de Gemeen Neenkerken in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Täwel.
De Oort hett üm un bi 70 Inwahners un 20 Hüüs (Stand 1989).[1]
Geografie[ännern | Bornkood ännern]
De Oort liggt in de Lümbörger Heid. Dat Rebeed in’n Noordwesten un Noorden is Moor. Dat Water ut dat Rebeed flütt in’n Süüdwesten över Mehlandsbeek un Wiedau af un in’n Noordwesten över Grovenbeek un Brookwischenbeek na de Wiedau.
De Naveröörd sünd de Kreugerei in’n Noorden, Täwel-Moor in’n Noordoosten, Täwel in’n Oosten, Brook in’n Süüdoosten, Platenkamp in’n Süden, Moordörp in’n Süüdwesten un Söhlingen un Hemslingen in’n Noordwesten.
Historie[ännern | Bornkood ännern]
An’t Enn von’n Tweten Weltkrieg is de Oort an’n 17. April 1945 von engelsche Truppen innahmen worrn.
Verwaltungsgeschicht[ännern | Bornkood ännern]
De Oort weer fröher in’n Kreis Soltau. 1977 is dat Deel von’n Landkreis Soltau-Fambossel worrn, de 2011 den Naam Landkreis Heidkreis kregen hett.
De Oort hett von öllers bi de Gemeen Täwel mit bihöört, de an’n 1. März 1974 mit de Gemeenreform in Neddersassen Deel von de Gemeen Neenkerken worrn is. Sietdem höört Jerusalem binnen de Gemeen to de Oortschop Täwel, de en egen Oortsraad un Oortsbörgermeester hett.
Religion[ännern | Bornkood ännern]
Jerusalem is evangeelsch-luthersch präägt un höört to dat Kaspel von de Bartholomäus-Kark in Neenkerken.
För de Kathoolschen is de St.-Maria-von’n-hilligen-Rosenkranz-Kark in Soltau tostännig.
Weertschop un Infrastruktur[ännern | Bornkood ännern]
För Jerusalem is de freewillige Füürwehr Täwel mit tostännig.
Verkehr[ännern | Bornkood ännern]
Dör Jerusalem löppt de Bundsstraat 71, de in’n Noordwesten över Söhlingen, Hemslingen un Brookel na Rodenborg geiht un in’n Süüdoosten över Täwel, Brochdörp un Delsen na Neenkerken un Soltau.
De nächste Autobahn is de Autobahn 7 (Afsnidd Hamborg–Hannover). De Opfohrt 45 Soltau-Süüd liggt so 22 Kilometer in’n Süüdoosten von Jerusalem an de B 3.
De nächste Bahnhoff is so bi 13 Kilometer wied weg in’n Noordoosten de Bahnhoff Snevern an de Heidbahn. An de Bahnlien Langwedel–Ülzen doot de Bahnhööv Visselhöövd (16 Kilometer in’n Süüdwesten) un Soltau (18 Kilometer in’n Süüdoosten) liggen. De Bahnhoff Scheeßl an de Bahnlien Hamborg–Bremen liggt 17 Kilometer in’n Noordwesten.
Von 1917 bet 1961 hett dat ok Personenverkehr op de Bahnlien Soltau-Neenkerken geven. De Bahnhoff Neenkerken weer in düsse Tied söss Kilometer in’n Süüdoosten.
Scholen[ännern | Bornkood ännern]
De Kinner ut Jerusalem gaht na de Grundschool Neenkerken.
Footnoten[ännern | Bornkood ännern]
- ↑ Markus Asam: Manchmal verirrt sich ein Brief. Erkundungen in Jerusalem, Landkreis Soltau-Fallingbostel, Die Zeit an’n 24. März 1989