Franklin Pierce

Vun Wikipedia
Wesseln na: Navigatschoon, Söök
Franklin Pierce

Franklin Pierce (* 23. November 1804 in Hillsboro, New Hampshire; † 8. Oktober 1869 in Concord, N. H.) weer de 14. Präsident van de USA van 4. März 1853 bit 4. März 1857.

Franklin Pierce hett eerst Juristeree studeert un denn af 1827 as Afkaat in Hillsboro (oder Hillsborough) arbeit. Van 1829 bit 1833 weer he Liddmaat van de "State general court" (Staatsgerichtshof) un 1832/33 ok Sprecher. Dornah gung he in de Politik un weer 1833 bit 1837 för de Demokraatsche Partei Demokraten Limat van dat Repräsentantenhuus un van 1837 bit 1842 Senator för de Bundsstaat New Hampshire. He weer dor ok Vörsitter van de Utschuss för Pengschoonen.

Nah sien Senatorposten is he weer as Afkaat anfungen, he weer aber jetzt in Concord. He wuur denn Staatsanwalt in New Hampshire, hett aber dat Angebot van Präsident James Knox Polk afschlaan, Generalstaatsanwalt van de USA to wurrn. Pierve hett denn sogor in de Mexikaansch-Amerikaansch Krieg van 1846/48 deent un as Colonel (Oberst) bzw. Brigadegeneral. 1850 weer he Präsident van de Verfatenskonvent van New Hampshire.

1852 hett he för de Demokraatsche Partei as Präsident kandideert un is wählt wurrn. Twee Maand, bevör he 1853 sien Amt antreden hett, överleev he man knapp een swoor Iesenbahnunglück, sien elf Johr old Söhn keem dorbi aber to Dood. Sein Fru, de dat Unglück ok överleevt harr, sall över dit Unglück ehr Verstand verloren hebben. Ok hüm sülvst gung dat nervlich mehr as schlecht, as he sien Amt antreden hett. Pierce harr Depressionen un weer ok as Alkoholiker bekannt. Sien Viezpräsident weer William R. King.

In sien Antrittsreed hett he een Tiet van Freeden un Wohlstand för sien Land un een stark Uptreden in de Bezug up anner Natschoonen. Dat kunn ok wesen, dat de USA noch mehr an Land för ehr eegen Sekerheit koopen mussen. He weer de eerste Präsident, de nicht de Präsidenteneid schwört hett, sondern de an Eides statt bekräftigt hett.

Pierce harr zwar blots Andüüdungen makt van Expansion, aber dat lang ut, üm de Politikers ut’ Nörden van de USA tegen sük uptobringen. Se schmeeten hüm för, een Handlanger van de Süüdstaaten to wesen, de blots de Slaavere in anner Rebeeten bringen wullen.

He hett denn ok för 10 Million Dollar dat süüdliche Arizona un een Deel van dat süüdliche New Mexiko köfft, dormit dor een Iesenbahnstreck baut wurrn kunn. Dat hett he mit dat Kansas-Nebraska-Gesetz dörkregen, aber he hett ok fix Wind van vörn kregen. Dat för to’n Ennen dorto, dat se sük in Kansas all gegensietig beschooten hebbt, een Vörboot van de Börgerkrieg.

In sien Regeerenstiet hett he aber ok versöcht, mit Japan Hannelsbeziehungen uptonemmen.

He is denn aber van de Demokraaten nich weer för de Präsidentschopp upstellt wurrn. He hett dor över denn de Witz makt, dat hüm nu ja nix anners över bleev as (Alkohol) to drinken, wat he woll ok dahn hett. He sall later henn mit een Kutsch een öller Frau ümfohren hemm’, aber se kunnen hüm nichts nahwiesen, un se hebbt de Fall wiels se kien Bewiesen harrn fallen laten.

Stürben is he 1869 an een Leberzirrhose.

Weblinks[ännern | Bornkood ännern]

Commons-logo.svg Franklin Pierce. Mehr Biller, Videos oder Audiodateien to’t Thema gifft dat bi Wikimedia Commons.