Richard Milhous Nixon

Disse Artikel is man blots en Stubben. Du kannst Wikipedia helpen un em verbetern.

Richard Milhous Nixon (* 9. Januar 1913 in Yorba Linda, Kalifornien; † 22. April 1994 in New York) weer en US-amerikaanschen Politiker vun de Republikaansche Partei. In de Johren vun 1969 bit 1974 weer he de 37. Präsident vun de USA. Bit up den hüdigen Dag is Nixon de eenzige Präsident, de al vör dat Enn vun siene Amtstied Bott geven möss. Grund weer de Watergate-Schandaal.

Nixon folg up Lyndon B. Johnson. Sien Nafolger is denn Gerald Ford ween.

Leven

Kindheit

Nixon sien Öllern weern Francis Anthony („Frank“) un Hannah Milhous Nixon. Hannah hör Familie stamm ut Düütschland; deren oorsprünglich Naam weer „Milhausen“, wat Nixon ok sien Middelnaam „Milhous“ inbroch. Sien Uptrecken folg streng nah de Regeln vun dat Quäkerdom. Hannah Nixon hett hör Söhnas evangelikalen Quäker uptrucken, wiel se haapt hett, dat he villicht Missionar weeern würr. De Familie leev alkoholabstinent; Spelen, Danzen un Fluchen weern verpönt. Nixon sien Vader Frank weer vör sien Ehe Methodist un weer wegen sien Fru konverteert.

Nixon sien Vader bedreev en Laden för Levensmiddel un Benzin. Nixon hett vun sien Öllern immer mit groot Ehrfurcht snackt. He hett up sien Moder as en „quäkerische Hillige“ verwiest, un fung sien Memoiren mit den Satz, „Ich wurde in einem Haus geboren, das mein Vater selber aufgebaut hatte“ an. Hüüd hett man dat Richard Nixon Library & Birthplace Museum in Yorba Linda glieks neben dat original Huus upbaut. Dat Huus is hüüd för Besichtigungen apenlich zugänglich. Dennoch is Nixon eegentlich in de Lüttstadt Whittier upwussen, eenige Mielen vun dat Öllernhuus weg. Hüüd is disse Gegend dicht besiedelt, aber dormals bestunn se blots ut Ackerland. Nixon harr veer Bröers: Harold, Arthur, Donald und Edward. Arthur is all mit söben Johr storven un Harold is mit 23 Johren an Tuberkulose storven.