John Adams

Vun Wikipedia
Wesseln na: Navigatschoon, Söök

John Adams (* 30. Oktober 1735 in Braintree, Suffolk County, Massachusetts; † 4. Juli 1826 in Quincy) weer de eerste (17891797) Viezpräsident van de USA un de tweete (17971801) Präsident van dat Land. John Quincy Adams, de sösste Präsident van de USA, weer sien Söhn.

Leben[ännern | Bornkood ännern]

John Adams
Ünnerschrift

Adams is 1735 in de nöördlich Gemeend van Braintree, siet 1792 Quincy, in Massachusetts boren. Sien Vader John weer en Buer (Farmer) un in de veerde Generatschoon Nahfohr van de Immigrant Henry Adams, de um 1636 ut Devon in England nah Massachusetts översiedelt weer, sien Moder weer Susanna Boylston Adams. Verheiraad weer John Adams mit Abigail Smith.

John Adams het 1755 de Harvard Universität afslotten un an de School in Worcester lehrt. As Afkaat weer he in de Kanzlei van Rufus Putnam. 1758 is he in de Afkaatenkammer intreeden. Nebenbi hett he sük al fröh as Schriever betätigt un hett dat Entstahn van de Kolonie fast hollen.

Gesund weer Adams nich. He de al siet sein 8. Lebensjohr rooken un harr, genauso as George Washington, nahst nich een Teen mehr. Washington droog aber een künstlich Gebitt, Adams wull dat aber nich. Dat geev denn dat Problem, dat man hüm bi Reden bold nich verstahn kunn, wor sük de Tohörers düchtig dröver upreegt hebbt. As he Präsident weer is he een paar Mal tosommenklappt. Sien Depress’schoonen hett he denn mit een Melk-Toast-Diät behannelt.

John Adams weer eegentlich nich beliebt. He weer een Verfatensrechtler un harr dordör Infloot. He wuss, wat he wull, un wat sein Meenung we, hett he ok dörtosetten versöcht. Dit Wesen we aber ok sien gröttste Brems bi sien politisch Karriere.

He hett eerst bi de Whigs in’ Achtergrund arbeit. 1765 hett he, deelwies anonym, Afhandlungen schreben över dat Stempelstürgesetz. 1770 hett he in Boston britsch Soldaten verteedigt, de an dat Boston-Massaker bedeeligt weern. De meesten dorvan sünd freespraken wurn.

He weer donah maßgebend bedeeligt an dat Herstellen van de Unafhängigkeitserklärung, de woll van Thomas Jefferson schreben wurrn is aber in völ Debatten vörher harr Adams de Weg upbereit.

Nah een paar anner diplomatisch Tätigkeiten, de hüm ok nah Europa föhrt harrn, hett he de Präsidentschaftskampf gegen Thomas Jefferson wunn’, nahdem George Washington nich noch Mal antreden weer

Sien Präsidentschopp weer aber nich besünners erfolgriek. Dat geev to vööl Intrigen. Mit sien Parteikolleeg Alexander Hamilton, de ok noch vööl Ministers up sien Siet trecken kunn, harr he vööl Striet. Dorto keem noch, dat ok de USA van de Kriegeree in Europa negativ beinfloot wurr.

1800 sull Adams noch Mal as Kandidat van de Föderalisten för dat Präsidentenamt uptreden, aber he tro sien eegen Partei nich. Dorto keem, dat sien Gegner, Thomas Jefferson, vööl beliebter weer, as he, un denn ok wunnen hett. Adams is denn Privatier wurrn.

He is an den glieken Dag at Thomas Jefferson storven, an 4. Juli 1826, wat dorto ok de amerikaansch Natschonaalfierdag is.

Religiöös hett sük Adams to’n Unitarismus bekennt.

Literatur[ännern | Bornkood ännern]

  • James Truslow Adams: The Adams Family. Little Brown, Boston 1930
  • John Adams: Letters from the Hon. John Adams, to the Hon. Wm. Tudor, and others, on the events of the American Revolution. Quincy MA, 1818? (Digitalisat)
  • Ralph Adams Brown: The Presidency of John Adams. University Press of Kansas, Lawrence 1975
  • Gilbert Chinard: Honest John Adams. Little Brown, Boston 1933
  • John P. Diggins: John Adams. Times Books, New York 2003
  • Joseph J. Ellis: Passionate Sage : The Character and Legacy of John Adams. Norton, New York 1993
  • John E. Ferling: John Adams : A Life. University of Tennessee Press, Knoxville 1992
  • David McCullough: John Adams. Simon & Schuster, New York 2001

Weblenken[ännern | Bornkood ännern]

Wikiquote-logo.svg Op Wikiquote gifft dat Zitaten to, över oder vun „John Adams (Präsident)“ (hoochdüütsch).
Commons-logo.svg John Adams. Mehr Biller, Videos oder Audiodateien to’t Thema gifft dat bi Wikimedia Commons.