Doans

Wapen/Flagg

Koort

Basisdaten

Bundsland: Neddersassen

Landkreis: Stood

Gemeen: Buxthu

Inwahners:

374 (2017-12-3131. Dezember 2017)

38 m över NHN

21614

04161

Koordinaten:53° 25′ N, 9° 42′ O53° 25′ N, 9° 42′ O

Doans (hoochdüütsch Daensen) is en Dörp in de Gemeen Buxthu in’n Landkreis Stood, Neddersassen. Binnen de Gemeen billt de Oort en egen polietsche Oortschop.

Geografie

De Naveröörd sünd Pippens in’n Noorden, Imbeek in’n Noordoosten, Arsdörp un Elsdörp in’n Oosten, Grauen in’n Süüdoosten, Mesborg in’n Süden, Nindörp in’n Westen un Heimbrook in’n Noordwesten.

Historie

Doans kummt 1141 as Dodenhusen toeerst in de Oorkunnen vör. De Naam kummt wohrschienlich von en Person mit’n Naam „Dodo“. De Naam is later to de hüdige Form afslepen.

En wichtigen archäoloogschen Fund is de Klappstohl, de in en Bronztied-Hünengraff bi Doans funnen worrn is un nu in dat Hambörger Museum för Archäologie to sehn is.

In’n Eersten Weltkrieg sünd veer Soldaten ut Doans fullen oder vermisst un in’n Tweten ölven^[1].

Verwaltungsgeschicht

Von 1819 af an hett Doans tohoop mit Pippens un Heimbrook en Gemeen billt. De Gemeen leeg vör 1859 in’t Amt Mesborg, denn bet 1885 in’t Amt Töst un weer na 1885 Deel von’n Kreis Horborg un von 1932 af an Landkreis Horborg.

De Gemeen is an’n 1. Juli 1972 bi de Gemeenreform in Neddersassen mit de Gemeen Buxthu tohoopleggt worrn un dorbi von’n Landkreis Horborg to’n Landkreis Stood wesselt. Vondaag billt de dree Öörd tohoop en Oortschop mit Oortsvörsteiher binnen Buxthu.

Inwahnertall

Johr	Inwahners
1824-00-001824^[2]	13 Füürsteden
1848-00-001848^[3]	106 Lüüd, 15 Hüüs
1871-12-011. Dezember 1871^[4]	117 Lüüd, 21 Hüüs
1910-12-011. Dezember 1910^[5]	232
1925-00-001925^[6]	238
1933-00-001933^[6]	207
1939-00-001939^[6]	194
1997-00-001997^[7]	405
2006-12-3131. Dezember 2006^[7]	386

Religion

Doans is evangeelsch-luthersch präägt un höört to dat Kaspel Mesborg.

För de Kathoolschen is de St.-Maria-Kark in Buxthu tostännig.

Wapen

Dat Wapen wiest op blauen Grund twee krüüzte Peerköpp in Gold, so as se an de Gevels von Buurhüüs in de Region to finnen sünd.

Börgermeesters

Tied	Börgermeester
12. November 1981 bet 15. April 2009	Otto Prigge
15. April 2009 bet nu	Uwe Borchers

Kultur

En Denkmaal för de Fullenen ut Doans, Pippens un Heimbrook ut de twee Weltkrieg’ steiht in Pippens.

Weertschop un Infrastruktur

De Freewillige Füürwehr is 1903 grünnt worrn. Dat Sprüttenhuus von de Füürwehr is 1979 boot worrn.

Verkehr

Doans liggt an de Landsstraat 141, de in’n Noorden na Buxthu löppt un in’n Süden na Mesborg.

Scholen

Na Grundschool gaht de Kinner op de Grundschool Ooldklooster.

Ver- un Entsorgung

För dat Afwater is de Stadtentwässerung Buxthu tostännig.

Literatur

Arbeitskreis der Dorfgemeinden: Pippensen, Heimbruch, Daensen – drei Dörfer, eine Gemeinschaft. rutgeven in’n August 1996
Willi Meyne: Die ehemalige Hausvogtei Moisburg. Geschichte ihrer Dörfer und Höfe. 1936
Wilhelm Marquart: Die Harburger Geestdörfer der Stadt Buxtehude. Buxtehude, 1981
Willi Wegewitz: Die Urnenfriedhöfe von Dohren und Daensen im Kreise Harburg. 1961

Footnoten

↑ http://www.denkmalprojekt.org/dkm_deutschland/buxtehude-pippensen_wk1u2_ns.htm
↑ C. H. Jansen: Statistisches Handbuch des Königreichs Hannover. 1824, Sied 120: http://books.google.de/books?id=tG0AAAAAcAAJ&pg=PA120
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 99: http://books.google.de/books?id=eOI-AAAAcAAJ&pg=PA99
↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131: https://books.google.de/books?id=qTZDAQAAMAAJ&pg=RA2-PA131
↑ http://www.gemeindeverzeichnis.de/gem1900/gem1900.htm?hannover/harburg.htm
↑ ^a ^b ^c http://www.verwaltungsgeschichte.de/harburg.html
↑ ^a ^b http://www.buxtehude.de/v1/UPLOAD/Formulare/Buergerservice/Einwohnerstatistik 2006.pdf

Oortschoppen von de Gemeen Buxthu

[1] ttp://www.denkmalprojekt.org/dkm_deutschland/buxtehude-pippensen_wk1u2_ns.htm

[InwahnertallRef1-2] C. H. Jansen: Statistisches Handbuch des Königreichs Hannover. 1824, Sied 120: http://books.google.de/books?id=tG0AAAAAcAAJ&pg=PA120

[InwahnertallRef2-3] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 99: http://books.google.de/books?id=eOI-AAAAcAAJ&pg=PA99

[InwahnertallRef3-4] Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131: https://books.google.de/books?id=qTZDAQAAMAAJ&pg=RA2-PA131

[InwahnertallRef4-5] ttp://www.gemeindeverzeichnis.de/gem1900/gem1900.htm?hannover/harburg.htm

[verwg.de-6] ttp://www.verwaltungsgeschichte.de/harburg.html

[inwstat-7] ttp://www.buxtehude.de/v1/UPLOAD/Formulare/Buergerservice/Einwohnerstatistik 2006.pdf

[1]

[2]

[3]

[4]

[5]

[6]

[7]