Bossel (Jörk)
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Postleettall: | 21635 | |
| Vörwahl: | 04162 | |
| Geograafsche Laag: | Koordinaten:53° 32′ N, 9° 41′ O53° 32′ N, 9° 41′ O | |
|
| ||
Bossel (hoochdüütsch Borstel) is en Dörp in de Gemeen Jörk in’n Landkreis Stood, Neddersassen. Bi Bossel bi höört ok de Öörd Höhen, Lüh, Wisch, Neenslüüs, Gehrden, Kohlenhusen un Achterbraak.
Geografie
[ännern | Bornkood ännern]
Bossel liggt in de Masch glieks achtern Elvdiek un höört to Oolland. Bossel reckt von de Lüh (Öörd Lüh un Höhen) bet kort vör de Eest (Oort Achterbraak, de Öörd Cranz un Hoov, de an de Eest liggen doot, höört dor nich mehr to). Vör Bossel in de Elv liggt de Eilannen Hahnöversand, Hanskalfsand un Nesssand. Op Hanskalfsand un Nesssand stött Bossel an Sleswig-Holsteen un Hamborg.
Dicht bi is dat Naturschuulrebeed Bosseler Binnenelv un Groot Braak.
De Naveröörd sünd Cranz in’n Oosten, Hoov un Königriek in’n Süüdoosten, Ooster- un Wester-Jörk in’n Süden, Mittelskark in’n Westen un Greundiek in’n Noordwesten.
Historie
[ännern | Bornkood ännern]Bossel kummt an’n 31. Mai 1221 toeerst in de Oorkunnen vör. De Naam von’n Oort bedüüdt Burensteed (-bossel).
De Wehrtsche Hoff, de üm un bi 1632 boot worrn is, hett en Tied Hans Christoph von Königsmarck tohöört.
De Bosseler Möhl is 1856 boot worrn.
De Oort weer vör 1885 Deel von dat Amt Jörk un weer denn in’n Kreis Jörk. 1932 is dat an’n Landkreis Stood kamen.
Bossel is mit de Gemeenreform in Neddersassen an’n 1. Juli 1972 Deel von de Gemeen Jörk worrn.
In’n Eersten Weltkrieg sünd 102 Soldaten ut Bossel fullen oder vermisst un in’n Tweten 103[1].
Inwahnertall
[ännern | Bornkood ännern]| Johr | Inwahners |
|---|---|
| 1824[2] | 236 Füürsteden |
| 1848[3] | 1.843 Lüüd, 272 Hüüs |
| 1885[4] | 1.909 |
| 1. Dezember 1910[5] | 1.827 |
| 1933[4] | 1.819 |
| 1939[4] | 1.974 |
Börgermeesters
[ännern | Bornkood ännern]- -30. Juni 1972: Heinrich Hauschildt[6]
Wapen
[ännern | Bornkood ännern]Dat Wapen wiest op roden Grund en sülvern Escher, de na ünnen wiest un mit de Spitz op den grönen Schildfoot stött, de spitz na baven tolöppt un en sülvern Rand hett.
De Escher steiht för dat Spadenrecht, dat fröher för Bossel temlich wichtig weer. Dat Dörp hett dat Wapen dör Erlass von dat Neddersassische Binnenministerium an’n 31. März 1948 kregen.
Religion
[ännern | Bornkood ännern]
Bossel is evangeelsch-luthersch präägt un billt mit de St.-Nicolai-Kark en egen Kaspel.
Kultur
[ännern | Bornkood ännern]Bi’n Bosseler Karkhoff steiht en Denkmaal för de Fullenen ut de twee Weltkrieg’.
In Bossel warrt jümmer an’n eersten Advent bi de Kark Wiehnachtsmarkt fiert.
Verenen
[ännern | Bornkood ännern]De Schützenvereen Bossel is 1953 grünnt worrn.
Weertschop un Infrastruktur
[ännern | Bornkood ännern]
Bossel hett en egene freewillige Füürwehr. Dat aktuelle Sprüttenhuus is 2010 boot worrn.
Verkehr
[ännern | Bornkood ännern]Bossel liggt an de Kreisstraat 39, de von de Landsstraat 140 in Greundiek in’n Noordwesten kummt, ganz an’n Elvdiek langsgeiht un in’n Süüdoosten na Cranz un wieder na Finkwarder löppt. Von de K 39 geiht na Süden de K 26 af, de na Jörk, Laadkup un denn na Neeklooster op de Geest rop un an de Bundsstraat 73 ran löppt. Bi Neenslüüs löppt de K 38 na Wester-Jörk un Wester-Laadkup. Ans gifft dat noch lüttjere Straten von Höhen na Mittelskark un von Achterbraak na Hoov.
De nächsten Bahnhööv sünd an de Nedderelvbahn de Bahnhoff Neeklooster un de Bahnhoff Buxthu.
Ver- un Entsorgung
[ännern | Bornkood ännern]För dat Afwater is de Afwaterverband Oolland un Geestrand mit dat Klärwark Wetterndörp tostännig.
Lüüd
[ännern | Bornkood ännern]De Inschenör Claus Koepcke is 1831 in Bossel boren un de Wedderständler Rudolf Welskopf 1902.
Literatur
[ännern | Bornkood ännern]- Hans Peter Siemens: Borstel, Jork, Ladekop: ein Stück Altländer Siedlungskunde. 1958
- Carl Röper: 750 Jahre Jork-Borstel: 1221 - 1971. Ein Beitrag zur Geschichte des Alten Landes. 1971
Footnoten
[ännern | Bornkood ännern]- ↑ http://www.denkmalprojekt.org/2010/jork-borstel_wk1u2_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 76: http://books.google.de/books?id=tG0AAAAAcAAJ&pg=PA76
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 143: http://books.google.de/books?id=eOI-AAAAcAAJ&pg=PA143
- ↑ a b c http://www.verwaltungsgeschichte.de/jork.html
- ↑ http://www.gemeindeverzeichnis.de/gem1900/gem1900.htm?hannover/jork.htm
- ↑ Gebietsänderungsvertrag vom 20. Juni 1972