Beck (Landkreis Heidkreis)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29699 | |
| Vörwahl: | 05197 | |
| Geograafsche Laag: | Koordinaten:52° 57′ N, 9° 42′ O52° 57′ N, 9° 42′ O | |
|
| ||
Beck (hoochdüütsch Beck) is en lütten Oort in de Gemeen Bomlitz in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Bommessen.
Geografie[ännern | Bornkood ännern]
De Oort liggt in de Lümbörger Heid un nich wied af von de Bomlitz.
De Naveröörd sünd Krüüzkamp in’n Noorden, Wolten un Bossel in’n Noordoosten, Grubenthal in’n Oosten, Amtsfeln un Riep in’n Süüdoosten, Dehnbossel un Bommessen in’n Süden, Ohrsen in’n Süüdwesten un Löverschen in’n Noordwesten.
Historie[ännern | Bornkood ännern]
De öllsten Hööv von Beck sünd de Jürgenshoff un de Beekenhoff, de all beid as Bodenkmaal schuult sünd.
Verwaltungsgeschicht[ännern | Bornkood ännern]
In de Franzosentied hett de Oort toeerst 1810 bet 1811 binnen dat Königriek Westfalen to de Mairie Buurschop Riep in’n Kanton Visselhöövd höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Soltau in’n Kanton Wasra.
De Oort hett vör 1852 to de Huusvaagdie von de Amtsvaagdie Fambossel-Soltau tohöört un na 1852 to dat Amt Soltau. Na 1885 is ut dat Amt de Kreis Soltau worrn. An’n 1. Oktober 1932 is de Kreis mit’n Kreis Fambossel tohoopleggt worrn, wat aver al to’n 1. Oktober 1933 wedder trüggännert worrn is. Eerst 1977 sünd de Kreise wedder tohoopleggt worrn un hebbt denn Landkreis Soltau-Fambossel heten. 2011 hett düsse Landkreis den ne’en Naam Landkreis Heidkreis kregen.
De Oort hett von öllers bi de Buurschop un later Gemeen Bommessen mit bihöört, de an’n 1. März 1974 mit de Gemeenreform in Neddersassen Deel von de Gemeen Bomlitz worrn is. Sietdem höört de Oort binnen de Gemeen to de Oortschop Bommessen, de en egen Oortsvörsteiher hett.
Inwahnertall[ännern | Bornkood ännern]
| Johr | Inwahners |
|---|---|
| 1791[1] | 2 Füürsteden |
| 1812[2] | 26 |
| 1824[3] | 2 Füürsteden |
| 1848[4] | 25 Lüüd, 3 Hüüs |
| 1. Dezember 1871[5] | 21 Lüüd, 3 Hüüs |
| 1. Dezember 1885[6] | 28 Lüüd, 3 Hüüs |
Religion[ännern | Bornkood ännern]
Beck is evangeelsch-luthersch präägt un höört to dat Kaspel von de Fredenskark in Bommessen. Bevör de Fredenskark 1929 boot worrn is, hett de Oort to dat Kaspel von de Dionysius-Kark in Fambossel höört.
För de Kathoolschen is de St.-Maria-von’n-hilligen-Rosenkranz-Kark in Soltau tostännig.
Weertschop un Infrastruktur[ännern | Bornkood ännern]
För Beck is de freewillige Füürwehr Bommessen mit tostännig.
Verkehr[ännern | Bornkood ännern]
Dör Beck löppt de Kreisstraat 139, de in’n Süüdwesten bi Bommessen in de Bundsstraat 440 münnt un in’n Noorden in de K 17 övergeiht un över Wolten un Frielingen na Neenkerken föhrt. De B 440 geiht in’n Noordwesten över Oddingen na Visselhöövd un Rodenborg un in’n Süüdoosten över Kraug na Derpmark.
De nächste Autobahn is de Autobahn 7 (Afsnidd Hamborg–Hannover). De Opfohrt 46 Derpmark liggt so teihn Kilometer in’n Süüdoosten von Beck an de B 440.
De nächste Bahnhoff is so bi teihn Kilometer wied weg in’n Süüdoosten de Bahnhoff Derpmark an de Heidbahn. De Bahnhööv Visselhöövd (Bahnlien Ülzen–Langwedel), Fambossel (Heidbahn) un Soltau (Bahnlien Ülzen–Langwedel un Heidbahn) sünd all so bi ölven Kilometer wied weg.
Footnoten[ännern | Bornkood ännern]
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 18
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 44
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 109
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 89
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 96