Löverschen

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
XXX
Laag vun XXX in Düütschland
Basisdaten
Bundsland: Neddersassen
Landkreis: Heidkreis
Gemeen: Bomlitz
Inwahners:
Postleettall: 29699
Vörwahl: 04262
Geograafsche Laag:
Koordinaten:52° 57′ N, 9° 39′ O
52° 57′ N, 9° 39′ O

Löverschen (hoochdüütsch Löverschen) is en lütten Oort in de Gemeen Bomlitz in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Ohrsen.

Geografie[ännern | Bornkood ännern]

De Oort liggt in de Lümbörger Heid in en Holt, dat ok den Naam Löverschen driggt. Dat Holt is in’n Groten un Lütten Löverschen indeelt. Dat Water ut dat Rebeed flütt in’n Westen över de Warnau af, in’n Oosten aver över de Bomlitz. De höögste Punkt liggt in’n Groten Löverschen op 82 m över de See.

De Naveröörd sünd Eitze, Frielingen, Krüüzkamp un Wolten in’n Noordoosten, Beck in’n Oosten, Bommessen, Kraug, Hasbarg un Lütten Harl in’n Süüdoosten, Jarl un Ohrsen in’n Süüdwesten, de Meyerhoff in’n Westen un Oddingen un Riepholm in’n Noordwesten.

Historie[ännern | Bornkood ännern]

Löverschen is as Forsthuus anleggt worrn. De Naam Löverschen kummt na Ulrich Scheuermann[1] as Adjektivform von dat middelnedderdüütsche Woord lovere, wat so veel as „Loovwark“ bedüüdt.

In de Tied von 1938 bet 1940, kort vör un to Anfang von’n Tweten Weltkrieg, hett dat Rüstungsünnernehmen Eibia en Wark in’t Holt von Löverschen anleggt, in dat Scheetpulver herstellt worrn is. Dat Wark harr 87 Gebüüd op 78 Hektar.

An’t Enn von’n Tweten Weltkrieg is de Oort an’n 16. April 1945 von de Briten innahmen worrn.

Later hett de Bundswehr de Anlagen as Lager bruukt. De Bundswehr is in de Johren 1990 aftagen. 1999 hett de Investor Hans-Dieter Biehl dat Gelänn köfft. He wull dor tohoop mit Landal GreenParks en Feernpark anleggen. Dor is aver nix von worrn. De Anlagen warrt vondaag deelwies as gewarvliche Lagers bruukt.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Buurschop Riep in’n Kanton Visselhöövd höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Wasra in’n Kanton Wasra.

De Oort hett vör 1852 to de Vaagdie Wasra von de Amtsvaagdie Fambossel-Soltau tohöört un na 1852 to dat Amt Soltau. Na 1885 is ut dat Amt de Kreis Soltau worrn. An’n 1. Oktober 1932 is de Kreis mit’n Kreis Fambossel tohoopleggt worrn, wat aver al to’n 1. Oktober 1933 wedder trüggännert worrn is. Eerst 1977 sünd de Kreise wedder tohoopleggt worrn un hebbt denn Landkreis Soltau-Fambossel heten. 2011 hett düsse Landkreis den ne’en Naam Landkreis Heidkreis kregen.

De Oort höört von öllers bi de Buurschop un Gemeen Oost-Ohrsen mit bi, de sik later mit West-Ohrsen to de Gemeen Ohrsen tohoopslaten hett. Düsse Gemeen is an’n 1. März 1974 mit de Gemeenreform in Neddersassen Deel von de Gemeen Bomlitz worrn. Sietdem höört de Oort to de Oortschop Ohrsen, de en egen Oortsvörsteiher hett.

Inwahnertall[ännern | Bornkood ännern]

Johr Inwahners
1812-00-001812[2] 10
1824-00-001824[3] 2 Füürsteden
1848-00-001848[4] 6 Lüüd. 2 Hüüs
1871-12-011. Dezember 1871[5] 5 Lüüd. 1 Huus
1885-12-011. Dezember 1885[6] 5 Lüüd. 1 Huus
1905-12-011. Dezember 1905[7] 5 Lüüd. 1 Huus

Religion[ännern | Bornkood ännern]

Löverschen is evangeelsch-luthersch präägt un höört to dat Kaspel von de Johannis-Kark in Visselhöövd. Bet 1785 hett de Oort to dat Kaspel von de Dionysius-Kark in Fambossel höört, aver de Lüüd von Löverschen sünd op egen Wunsch na Visselhöövd wesselt, von wegen, dat dat dichter bi weer. Liekers warrt in dat 19. Johrhunnert faken schreven, dat de Oort to dat Kaspel von de Johannes-de-Döper-Kark in Wasra höört.

För de Kathoolschen is de St.-Maria-von’n-hilligen-Rosenkranz-Kark in Soltau tostännig.

Weertschop un Infrastruktur[ännern | Bornkood ännern]

För Löverschen is de freewillige Füürwehr Jarl-Ohrsen mit tostännig.

Verkehr[ännern | Bornkood ännern]

Dör Löverschen löppt de Bundsstraat 440, de in’n Noordwesten över Oddingen un Visselhöövd na Rodenborg föhrt un in’n Süüdoosten an Bommessen langs över Kraug na Derpmark. In’n Süüdwesten geiht von de B 440 de Kreisstraat 129 af, de in’n Süden över Jarl un Cordingen na de Landsstraat 161 bi Wasra löppt.

De nächste Autobahn is de Autobahn 7 (Afsnidd HamborgHannover). De Opfohrt 46 Derpmark liggt so twölv Kilometer in’n Süüdoosten von Löverschen an de B 440.

De nächste Bahnhoff is so bi söven Kilometer wied weg in’n Noordwesten de Bahnhoff Visselhöövd an de Bahnlien Ülzen–Langwedel. Von de Bahnlien Bomlitz–Wasra hett dat en Siedenstreck geven, de bet na dat Eibia-Wark in Löverschen reckt hett.

Footnoten[ännern | Bornkood ännern]

  1. Ulrich Scheuermann: Die Flurnamen des westlichen und südlichen Kreises Rotenburg (Wümme). C. Bösendahl, Rinteln 1971, Sied 278
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 115
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 378
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 111
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 89
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 99
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 46