Balkenweed
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27404 | |
| Vörwahl: | 04285 | |
| Geograafsche Laag: | Koordinaten:53° 18′ N, 9° 7′ O53° 18′ N, 9° 7′ O | |
|
| ||
Balkenweed (hoochdüütsch Balkenwede) is en lütten Oort in de Gemeen Rhaar (Samtgemeen Sürsen) in’n Landkreis Rodenborg, Neddersassen. De Oort höört polietsch al von öllers bi Rohreis mit bi.
Geografie
[ännern | Bornkood ännern]De Naveröörd sünd Rhaar un Rohreis in’n Noorden, Oostereis un Wennbossel in’n Oosten, Schohöben, Badenst, Wentel un Karktimk in’n Süüdoosten, Westertimk in’n Süden, Hepst un Wist in’n Süüdwesten, Ehbrook un Breddörp in’n Westen un Hanst in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Karktimk in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Böörd Rhaar in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.
De Oort is an’n 1. März 1974 as Deel von de Gemeen Rohreis mit de Gemeenreform in Neddersassen an de Gemeen Rhaar kamen.
Inwahnertall
[ännern | Bornkood ännern]| Johr | Inwahners |
|---|---|
| 1793[1] | 1 Füürsteed |
| 1812[2] | 11 |
| 1824[3] | 1 Füürsteed |
| 1848[4] | 17 Lüüd, 2 Hüüs |
| 1. Dezember 1871[5] | 12 Lüüd, 2 Hüüs |
Religion
[ännern | Bornkood ännern]Balkenweed is evangeelsch-luthersch präägt un höört to dat Kaspel von de Gallus-Kark in Rhaar.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]De Straat dör Balkenweed löppt in’n Westen na Breddörp an de Kreisstraat 114 un de Kreisstraat 135, de in’n Westen över Oostersood na Vollerso an de Bundsstraat 74 geiht. De K 114 geiht in’n Süden na Hepst, Tarmst un Wilst. In’n Noordoosten geiht de Straat dör Balkenweed na Rohreis an de Landsstraat 122, de in’n Noordwesten över Glinst un Korlshöben na Gnarrenborg an de B 74 un in’n Süüdoosten över Oostereis na Zeven geiht.
De nächste Autobahn is de Autobahn 1. De Opfohrt 48 Elsdörp liggt so 21 Kilometer in’n Süüdoosten von Balkenweed.
De nächste Bahnhoff is so bi 25 Kilometer wied weg in’n Westen de Bahnhoff Olenbüttel an de Bahnlien Bremen–Bremerhoben. Fröher hett dat in de Neegd ok en Bahnhoff an de Bahnlien Wilst–Töst geven. De weer blots en poor hunnert Meter in’n Oosten de Bahnhoff Rohreis. Personenverkehr hett dat dor von 1917 bet 1964 geven.
Footnoten
[ännern | Bornkood ännern]- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 14: https://books.google.de/books?id=jN5QAAAAcAAJ&pg=RA1-PA14
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 97: http://books.google.de/books?id=Q 5OAAAAcAAJ&pg=PA97
- ↑ C. H. Jansen: Statistisches Handbuch des Königreichs Hannover. 1824, Sied 84: http://books.google.de/books?id=tG0AAAAAcAAJ&pg=RA1-PA84
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 140: http://books.google.de/books?id=eOI-AAAAcAAJ&pg=PA140
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 171: https://books.google.de/books?id=qTZDAQAAMAAJ&pg=RA1-PA171
