Schohöben
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27404 | |
| Vörwahl: | 04281 | |
| Geograafsche Laag: | Koordinaten:53° 17′ N, 9° 11′ O53° 17′ N, 9° 11′ O | |
|
| ||
Schohöben (hoochdüütsch Schohöfen) is en lütten Oort in de Gemeen Zeven in’n Landkreis Rodenborg, Neddersassen. De Oort höört polietsch al von öllers bi Badenst mit bi.
Geografie
[ännern | Bornkood ännern]Schohöben liggt twüschen Tanzbeek un Hollenbeek, de all beid in’n Oosten in de Baad münnen doot.
De Naveröörd sünd Baadmöhlen mit Övelgünn in’n Noordoosten, Badenst in’n Oosten, Oostertimk in’n Süüdoosten, Karktimk in’n Süüdwesten un Ehbrook, Balkenweed un Oostereis in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Karktimk in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to de Huusvaagdie Zeven in dat Amt Zeven tohöört. Mit de Verwaltungsreform 1859 is dat ole Kaspel Sürsen ut dat Amt Zeven in dat Amt Bremervöör wesselt. Dör en Verordnung von’n 22. Juni 1859 is Schohöben wedder an dat Amt Zeven gahn.[1] Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.
De Oort is an’n 1. März 1974 as Deel von de Gemeen Badenst mit de Gemeenreform in Neddersassen an de Gemeen Zeven kamen.
Inwahnertall
[ännern | Bornkood ännern]| Johr | Inwahners |
|---|---|
| 1793[2] | 2 Füürsteden |
| 1812[3] | 14 |
| 1824[4] | 1 Füürsteed |
| 1848[5] | 13 Lüüd, 1 Huus |
| 1. Dezember 1871[6] | 12 Lüüd, 1 Huus |
Religion
[ännern | Bornkood ännern]Schohöben is evangeelsch-luthersch präägt un höört to dat Kaspel von de Vitus-Kark in Zeven. In de Tied to Anfang von dat 19. Johrhunnert is de Oort ut dat Kaspel von de Lamberti-Kark in Sürsen in dat Kaspel von de Kark in Zeven wesselt.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör Schohöben löppt de Kreisstraat 137, de in’n Noordwesten in Oostereis an de Landsstraat 122 ran geiht un in’n Süüdoosten in Badenst an de L 133. L 122 un L 133 loopt in’n Oosten all beid na Zeven an de Bundsstraat 71 ran. De L 122 löppt in’n Noordwesten na Gnarrenborg un de L 133 in’n Süüdwesten na Tarmst un Leendaal.
De nächste Autobahn is de Autobahn 1. De Opfohrt 48 Elsdörp liggt so 14 Kilometer in’n Süüdoosten von Schohöben.
De nächste Bahnhoff is so bi 25 Kilometer wied weg in’n Süden de Bahnhoff Otterbarg an de Bahnlien Hamborg–Bremen.
Footnoten
[ännern | Bornkood ännern]- ↑ Sammlung der Gesetze, Verordnungen und Ausschreiben für das Königreich Hannover: vom Jahre 1859. Kius, 1859, Sied 693
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 205: https://books.google.de/books?id=jN5QAAAAcAAJ&pg=PA205
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 97: http://books.google.de/books?id=Q 5OAAAAcAAJ&pg=PA97
- ↑ C. H. Jansen: Statistisches Handbuch des Königreichs Hannover. 1824, Sied 546: http://books.google.de/books?id=tG0AAAAAcAAJ&pg=PA546
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 140: http://books.google.de/books?id=eOI-AAAAcAAJ&pg=PA140
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170: https://books.google.de/books?id=qTZDAQAAMAAJ&pg=RA1-PA170