Wist (Gemeen Hepst)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27412 | |
| Vörwahl: | 04283 | |
| Geograafsche Laag: | Koordinaten:53° 16′ N, 9° 7′ O53° 16′ N, 9° 7′ O | |
|
| ||
Wist (hoochdüütsch Wiste) is en lütten Oort in de Gemeen Hepst (Samtgemeen Tarms) in’n Landkreis Rodenborg, Neddersassen. De Oort höört von öllers bi dat Dörp Hepst mit bi.
Geografie
[ännern | Bornkood ännern]De Oort liggt op de Zevener Geest. In’n Noordoosten liggt de Ummel. Dat Water ut dat Rebeed flütt över de Schmoo un den Reithbeek af.
De Naveröörd sünd Ehbrook un Balkenweed in’n Noorden, Rohreis, Oostereis mit Wennbossel un Badenst in’n Noordoosten, Oostertimk in’n Oosten, Karktimk un Westertimk in’n Süüdoosten, Tarmst in’n Süüdwesten, Hepst in’n Westen un Breddörp in’n Noordwesten.
Historie
[ännern | Bornkood ännern]De Oort besteiht vondaag blots ut’n Buurnhoff von de Familie Blanken, op den Swienmast bedreven warrt. Stand 2013 harrn de Ställ Platz för 1500 Swien.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Karktimk in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to de Amtsvaagdie Wilst in dat Amt Otterbarg tohöört un is 1859 in dat Amt Zeven wesselt. Na 1885 weer dat in’n Kreis Zeven. 1932 is dat Deel von’n Kreis Bremervöör worrn un 1977 von’n Landkreis Rodenborg.
Inwahnertall
[ännern | Bornkood ännern]| Johr | Inwahners |
|---|---|
| 1791[2] | 1 Füürsteed |
| 1812[3] | 16 |
| 1824[4] | 2 Füürsteden |
| 1. Dezember 1871[5] | 12 Lüüd, 2 Hüüs |
| 1. Dezember 1885[6] | 15 Lüüd, 2 Hüüs |
| 1. Dezember 1905[7] | 12 Lüüd, 2 Hüüs |
Religion
[ännern | Bornkood ännern]Wist is evangeelsch-luthersch präägt un höört to dat Kaspel von de Lamberti-Kark in Karktimk.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]An Wist langs löppt de Kreisstraat 133, de in’n Westen in Hepst in de K 114 münnt un in’n Oosten in Karktimk in de Landsstraat 133. De K 114 löppt in’n Süden na Tarmst un in’n Noorden na Breddörp un Rhaar. De L 133 geiht in’n Noordoosten na Zeven un in’n Süüdwesten över Tarmst na Grasbarg un Leendaal.
De nächste Autobahn is de Autobahn 1 (Afsnidd Hamborg–Bremen). De Opfohrt 49 Bokel liggt so 18 Kilometer in’n Süüdoosten von Wist an de B 71.
De nächste Bahnhoff is so bi 22 Kilometer wied weg in’n Süden de Bahnhoff Otterbarg an de Bahnlien Hamborg–Bremen. Fröher hett dat in de Neegd ok en Bahnhoff an de Bahnlien Wilst–Töst geven. De weer blots knapp twee Kilometer in’n Westen de Bahnhoff Hepst. Personenverkehr hett dat dor von 1917 bet 1964 geven.
Footnoten
[ännern | Bornkood ännern]- ↑ Johannes Heeg: Landwirte kritisieren strengere Auflagen. Wümme-Zeitung an’n 16. Mai 2013
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 120
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 97
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 674
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 171
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 182
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 195