Wentel
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27412 | |
| Vörwahl: | 04289 | |
| Geograafsche Laag: | Koordinaten:53° 16′ N, 9° 9′ O53° 16′ N, 9° 9′ O | |
|
| ||
Wentel (hoochdüütsch Wentel) is en Hoff in de Gemeen Karktimk (Samtgemeen Tarms) in’n Landkreis Rodenborg, Neddersassen. Polietsch hett de Hoff al jümmer to Karktimk mit tohöört.
Geografie[ännern | Bornkood ännern]
De Hoff liggt op de Zevener Geest. Dat Water ut dat Rebeed flütt över’n Tanzbeek na de Baad hen af.
De Naveröörd sünd Rohreis in’n Noorden, Oostereis in’n Noordoosten, Badenst in’n Oosten, Oostertimk in’n Süüdoosten, Karktimk in’n Süden, Hepst in’n Süüdwesten un Breddörp in’n Noordwesten.
Historie[ännern | Bornkood ännern]
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Karktimk in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to de Amtsvaagdie Wilst in dat Amt Otterbarg tohöört. 1859 is dat as Deel von dat Kaspel Karktimk in dat Amt Zeven wesselt un weer na 1885 denn in’n Kreis Zeven. 1932 is dat Deel von’n Kreis Bremervöör worrn un 1977 von’n Landkreis Rodenborg.
Inwahnertall[ännern | Bornkood ännern]
| Johr | Inwahners |
|---|---|
| 1791[1] | 2 Füürsteden |
| 1812[2] | 9 |
| 1824[3] | 3 Füürsteden |
| 1. Dezember 1871[4] | 10 Lüüd, 2 Hüüs |
| 1. Dezember 1885[5] | 8 Lüüd, 1 Huus |
| 1. Dezember 1905[6] | 8 Lüüd, 1 Huus |
Religion[ännern | Bornkood ännern]
Wentel is evangeelsch-luthersch präägt un höört to dat Kaspel von de Lamberti-Kark in Karktimk.
För de Kathoolschen is de Corpus-Christi-Kark in Rodenborg tostännig.
Weertschop un Infrastruktur[ännern | Bornkood ännern]
För Wentel is de freewillige Füürwehr Karktimk tostännig.
Verkehr[ännern | Bornkood ännern]
Dör Wentel löppt de Wentelstraat, de in’n Noorden dör’n Ummel na Rohreis un dor an de Landsstraat 122 ran geiht un in’n Süden in Karktimk an de L 133. De L 133 löppt in’n Noordoosten över Oostertimk un Badenst na Zeven un in’n Süüdwesten över Westertimk na Tarms un Leendaal. De L 122 löppt von Rohreis in’n Noordwesten na Gnarrenborg.
De nächste Autobahn is de Autobahn 1 (Afsnidd Hamborg–Bremen). De Opfohrt 49 Bokel liggt so 17 Kilometer in’n Süüdoosten von Wentel an de B 71.
De nächste Bahnhoff is so bi 23 Kilometer wied weg in’n Süden de Bahnhoff Söttmer an de Bahnlien Hamborg–Bremen. Von 1917 bet 1964 hett dat ok op de Bahnlien Wilst–Töst Personenverkehr geven. De nächste Bahnhoff weer in disse Tied dree Kilometer in’n Noorden de Bahnhoff Rohreis.
Footnoten[ännern | Bornkood ännern]
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 245
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 97
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 650
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 171
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 183
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 195