Olenbrügg

Vun Wikipedia
(wiederwiest vun Altenbrück)
Wapen/Flagg Koort
hett keen Wapen
Olenbrügg
Laag vun Olenbrügg in Düütschland
Basisdaten
Bundsland: Neddersassen
Landkreis: Oosterholt
Gemeen: Oosterholt-Scharmbeek
Inwahners:
Postleettall: 27711
Vörwahl: 04791
Geograafsche Laag:
Koordinaten:53° 15′ N, 8° 51′ O
53° 15′ N, 8° 51′ O

Karte

Olenbrügg (hoochdüütsch Altenbrück) is en lütt Dörp in de Gemeen Oosterholt-Scharmbeek in’n Landkreis Oosterholt, Neddersassen.

Geografie[ännern | Bornkood ännern]

De Oort liggt in dat Moor an de Beek an’n Oostrand von dat Naturschuulrebeed Pennigbütteler Moor. Dat Water ut dat Rebeed flütt över’n Speckgraven na de Beek hen af.

De Naveröörd sünd Wulfsborg un Neddersandhusen in’n Noorden, Düvelsmoor in’n Noordoosten, Överhamm un Weyerdelen in’n Oosten, Oosterweed, Worpsweed un Weyermoor in’n Süüdoosten, Waakhusen un Viehland in’n Süden, Neenfeld, Ahrensfeld un Oosterholt in’n Süüdwesten, Neendamm un Pennigbüttel in’n Westen un Olendamm un Sandhusen in’n Noordwesten.

Historie[ännern | Bornkood ännern]

Olenbrügg is 1760 as Moorkolonie grünnt worrn[1] un hett in de eerste Tied noch Olenbrook heten.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Oosterholt in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Vaagdie Scharmbeek in dat Amt Oosterholt tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.

De Oort hett en egen Gemeen billt, is aver to Anfang von dat 20. Johrhunnert Deel von de Gemeen Pennigbüttel worrn. Pennigbüttel is denn an’n 1. März 1974 mit de Gemeenreform in Neddersassen Deel von de Gemeen Oosterholt-Scharmbeek worrn.

Inwahnertall[ännern | Bornkood ännern]

Johr Inwahners
1791-00-001791[2] 10 Füürsteden
1812-00-001812[3] 56
1824-00-001824[4] 10 Füürsteden
1848-00-001848[5] 62 Lüüd, 10 Hüüs
1871-12-011. Dezember 1871[6] 67 Lüüd, 10 Hüüs
1910-12-011. Dezember 1910[7] 54

Religion[ännern | Bornkood ännern]

Olenbrügg is evangeelsch-luthersch präägt un höört to dat Kaspel von de Wilhadi-Kark in Scharmbeek.

För de Kathoolschen is de Hillige-Familie-Kark in Oosterholt tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

De eenzige Straat ut Olenbrügg rut is de Olenbrügger Straat, de över Neendamm in’n Westen na Pennigbüttel löppt un dor an de Kreisstraat 5 ran. De K 5 geiht in’n Noorden an de Landsstraat 153 un in’n Süden na Oosterholt. De L 153 föhrt in’n Westen al na 200 Meter an de Bundsstraat 74 un in’n Oosten na Nee Sankt Jürgen un na Worpsweed. De B 74 föhrt in’n Noordoosten an Hambargen un Gnarrenborg langs na Bremervöör un in’n Süüdwesten na Hu’e un Bremen-Noord.

De Opfohrt 16 Bremen-Noord op de Autobahn 27 (Afsnidd BremenBremerhoben) un de A 270 liggt so 14 Kilometer in’n Süüdwesten von Olenbrügg.

De nächste Bahnhoff is so bi söss Kilometer wied weg in’n Süüdwesten de Bahnhoff Oosterholt-Scharmbeek an de Bahnlien Bremen–Bremerhoben.

Scholen[ännern | Bornkood ännern]

De Kinner sünd fröher na Neendamm op Volksschool gahn. Vondaag gaht de Kinner na de Grundschool Pennigbüttel.

Footnoten[ännern | Bornkood ännern]

  1. Robert Gradmann (Rutgever): Forschungen zur Deutschen Landes- und Volkskunde. Utgaav 25, Engelhorn Verlag, Stuttgart 1928, Sied 395
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 8
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 105
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 14
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 137
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 156
  7. Inwahnertallen op gemeindeverzeichnis.de