Sandra Bullock

Vun Wikipedia

Wesseln na: Navigatschoon, Söök
Sandra Bullock in’n September 2006

Sandra Annette Bullock (* 26. Juli 1964 in Arlington, Virginia, USA) is en US-amerikaansche Schauspelerin.

Inholtsverteken

[ännern] Leven un Wark

Sandra Bullock weer 1964 as Sandra Annette Bullock in den US-amerikaanschen Bundsstaat Virginia boren. Ehr Mudder weer de düütsche Opernsingerin Helga Meyer, de an’n 4. April 2000 doodbleeven is. Ehr Vadder is de US-amerikaansch Gesangschoolmeester John Bullock. Tohopen mit ehr jüngeren Süster Gesine, stünn Sandra Bullock in’n Kinnerchor vun en Oper op, wiel jemehr Mudder speelt hett. De eersten twölf Johren hett se sik faken in Nürnbarg ophollen, wo se de Waldörpschool besocht hett, aver ok in Soltborg un Wien. Se kann dorüm teemlich goot Düütsch snacken mit en lichten frankschen Akzent, man ut enige Interviews is bekannt, dat se dat nich geern doon mag vun wegen ehr slecht Grammatik. Dorüm hett se ok noch nie en längeret Interview op Düütsch geven.

An ehr Highschool weer se Kaptein vun de Cheerleaders. Na de Highschool hett Bullock de East Carolina University in’n Bundstaat North Carolina besocht, wo se Schauspeel studeert hett. Dat Studium hett se aver afbroken, üm lever in New York City praktisch Insichten in de Schauspeleree to winnen. Dat weer aver nich so eenfach, as se dacht hett. So hett se ok en Tiet as Kellnerin arbeidt, bevör se bi Sanford Meisner ehr Utbilln to End maakt hett. Dorna güng se na Los Angeles, wo se en poor lütte Film- un Fernsehrullen speelt hett.

Ehr eerste grote Rull keem 1993 in den Film Demolition Man, wo se an de Siet vun Wesley Snipes un Sylvester Stallone en Polizistin speelt hett. Dormit is se in Hollywood bekannt worrn. De Dörbrook keem man een Johr later in den Film Speed mit Keanu Reeves un Dennis Hopper. Siet de Tiet is se faken in Hollywoodfilmen to sehn wesen, wo se sik vör allen in romantische Kummedien as eerstklassige Dorstellersche en Naam maakt hett.

Sandra Bullock hett mehrere Johren versocht, Geldgevers to finnen för en Drama üm en Boxerin – ahn Spood. Man de Achtergrund weer 2004 denn ünner den Titel Million Dollar Baby ahn Mitwarken vun Bullock vun Clint Eastwood mit Hilary Swank in de Hööftrull ümsett. Bullock hett dorna verkloort, dat se, as to höörn weer, de Rull nich aflehnt harr. Hilary Swank kreeg dorför ehrn tweeten Oscar.

Bullock leeft in Austin (Texas). Siet den 16. Juli 2005 is se mit den Moderater vun „Monster Garage“ un Biker Jesse G. James verheiraat. Se hett en egen Produktschoonsfirma mit den Naam Fortis Films, vun de ehr Süster Gesine Bullock-Prado de Vize-Präsidentin is. In’n November 2006 hett se butendem in Austin en Nobelrestaurant mit den Naam BESS apenmaakt. In de Johren 1996 un 1999 is Sandra Bullock vun dat US-Magazin People ünner de 50 schönsten Minschen op de Welt wählt worrn.

Sandra Bullock hett in mehr as 40 Filmen mitspeelt. Ehr düütsche Synchronsnackerin vun Sandra Bullack is tomeist Bettina Weiß. Bito hett se mehr as teihn Filmen produzeert un weer bi den Film Making Sandwiches, för den se dat Dreihbook schreven hett, ok al Speelbaas.

[ännern] Filmrullen (Utwahl)

Johr Titel Synchroonsnacker
2009 The Proposal
dt.: Selbst ist die Braut		  
2007 Premonition
dt.: Die Vorahnung		 Bettina Weiß
2006 Infamous  
2006 The Lake House
dt.: Das Haus am See		 Bettina Weiß
2005 Miss Congeniality 2: Armed & Fabulous
dt.: Miss Undercover 2		 Bettina Weiß
2002 Two Weeks Notice
dt.: Ein Chef zum Verlieben		 Bettina Weiß
2002 Divine Secrets of the Ya-Ya Sisterhood
dt.: Die Göttlichen Geheimnisse der Ya-Ya Schwestern		 Bettina Weiß
2002 Murder by Numbers
dt.: Mord nach Plan		 Bettina Weiß
2000 Miss Congeniality
dt.: Miss Undercover		 Bettina Weiß
2000 28 Days
dt.: 28 Tage		 Nana Spier
1999 Forces of Nature
dt.: Auf die stürmische Art		 Bettina Weiß
1998 Practical Magic
dt.: Zauberhafte Schwestern		 Bettina Weiß
1998 Making Sandwiches  
1997 Speed 2: Cruise Control
dt.: Speed 2 – Cruise Control		 Bettina Weiß
1996 A Time to Kill
dt.: Die Jury		 Bettina Weiß
1996 Two If by Sea
dt.: Gestohlene Herzen		 Bettina Weiß
1995 The Net
dt.: Das Netz		 Michaela Geuer
1995 While You Were Sleeping
dt.: Während Du schliefst		 Bettina Weiß
1994 Who Do I Gotta Kill?
dt.: Wo bitte geht’s zur Mafia?		  
1994 Speed Bettina Weiß
1993 Wrestling Ernest Hemingway
dt.: Walter & Frank – Ein schräges Paar		  
1993 Demolition Man Bettina Weiß
1993 The Vanishing
dt.: Spurlos		 Maud Ackermann
1992 Love Potion No. 9
dt.: Love Potion No. 9 – Der Duft der Liebe		  
1987 Hangmen  

[ännern] Utteken

Sandra Bullock bi de Berlinale 2005

Sandra Bullock is opstunns mit 29 Priesen uttekend worrn un weer för wietere 25 Utteken, dorünnern tweemol för den Golden Globe, nomineert. Siet 2005 is Sandra Bullock ok mit en Steern op’n Walk of Fame verewigt.

En Utwahl vun de Filmpriesen, de se wunnen hett:

[ännern] Literatur

[ännern] Websteden

Sandra Bullock. Mehr Biller, Videos oder Audiodateien to't Thema gifft dat bi Wikimedia Commons.
Vun „http://nds.wikipedia.org/wiki/Sandra_Bullock“
Persönliche Warktüüch