Forces of Nature

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: Forces of Nature
Düütsch Titel: Auf die stürmische Art
Produkschoonsland: USA
Johr vun’t Rutkamen: 1999
Läng: 105 Minuten
Originalspraak: Engelsch
Öllersfreegaav in Düütschland: FSK 6
Filmkru
Speelbaas: Bronwen Hughes
Dreihbook: Marc Lawrence
Produkschoon: Susan Arnold
Ian Bryce
Donny Roth
Musik: Ian Ball
John Powell
Gavin Greenaway
Kamera: Elliot Davis
David Stockton
Snitt: Craig Wood
Dorstellers

Forces of Nature (op plattdüütsch co veel as „Kräft vun de Natur“; dt. Titel: Auf die stürmische Art) is de Titel vun en US-amerikaansche romantische Filmkummedie ut dat Johr 1999. Speelbaas weer Bronwen Hughes, de Hööftrullen weern mit Ben Affleck un Sandra Bullock besett.

Inholt[ännern | Bornkood ännern]

Affleck speelt in den Film den korrekten Schöönling Ben Holmes, de kort vör sien Hochtiet steiht. To’n Anfang vun’n Film fiert ne mit sien Frünnen Junggesellenafscheed, wo he noch mol de Söög rutlaten dröff. Sien Frünnen hebbt em sogor ok en Strippersche ranholt, dat he sik noch mol wat ankieken kann. Sien Grootvadder kriggt dat dor aver mit dat Hart bi. In’t Krankenhuus vertellt sien Opa em, dat he faken vun annere Fronslüüd dröömt harr. As he ünnerwegens is na Savannah, woneem he mit sien Bruut Bridget fiern will, vertellt em en Passageer, dat he de Eh för en groten Swinnel holt. Dat allen's gifft em to denken.

Mit de Reis na Savannah schient dat gor nich so eenfach to wesen: Sien Fründ hett de Ehringen vergeten un kann nich mitflegen. Bi’n Start vun sien Fleger kummt denn en Seemööv in’n Motor un de Fleger neiht in’n Dutt. Allns lett, as wenn dat mit de Hochtiet nich wesen schall. Op eenmol finnt sik Ben in Sellschop vun Sarah Lewis wedder, de he in’n Fleger drapen hett. Mit Auto, Bus un Bahn geiht de Reis wieter. Ünnerwegens beleevt se jümmer wedder Saken, de Ben sien Plaan to heiraden in Fraag stellt.

Sarah is op de annern Siet ünnerwegens, üm ehrn 10 Johr ollen Söhn to besöken, de bi ehrn eersten Mann leevt. Man, se is bang dorvör, vunwegen dat se ehr Kind lange Tiet nich mehr sehn hett. De Fohrt geiht drünner un dröver: Dat Geld geiht jem ut, se föhrt in de verkehrte Richt, un slaht sik mit Lögen dör. Mit de Tiet verkiekt de beiden sik inenanner. In Savannah ankamen steiht Ben vör de Fraag, wat he doon schall. Opletzt kann he nich anners, as doch sien Bridget to heiraden. Sarah beduert dat, dröpt denn aver ehr Kind wedder.

Kritiken[ännern | Bornkood ännern]

De Tietschrift TV Movie 10/1999 snack goot vunt Dreihbook un vun de Trickeffekten, Cinema 5/1999 beteken den Film as hööglich, film-dienst 9/1999 beschreev em as an’t Rietbrett utklamüstert un vorrutsehbor. In TV Spielfilm 10/1999 weer de Spelbaas loovt. epd Film 5/99 schreev: ... dank der Besetzung zwar einigermaßen geglückt, bleibt aber allzu verwechselbar. Hollywood-Konfektion mit drei schimmernden Pailletten.

Utteken[ännern | Bornkood ännern]

De Film is söven mol för Filmpriesen vörslahn worrn un hett an’t Enn twee Priesen wunnen:

Weblenken[ännern | Bornkood ännern]