Internet Movie Database

Vun Wikipedia
Wesseln na: Navigatschoon, Söök

De Internet Movie Database (IMDb) is en Datenbank in Form vun en Websteed över Filmen, Feernsehserien, Videoprodukschonen un Videospelen, as ok över Personen, de bi de Herstellen disse Saken mitarbeiten doot. Opstunns gifft dat in de Daten bank Indrääg to en knappen Million Filmen und to öber 2,25 Millionen Minschen.[1]. De Bruuk vun de Websteed is grundsätzlich kostenfree. Gegen Betahlen gifft dat mit IMDbPro.cmo aver en Anbott mit tosätzlich Informatschonen (Togreepsstatistiken, Agenten-Kontakten usw.) Vun de IMDb gifft ok en düütsche Version.

Inholt[ännern | Bornkood ännern]

In de Datenbank is en Grootdeel vun all Kino un Feernsehfilmen spiekert, de siet Anfang vun de Kinematographie dreiht worrn sünd. Anners as bi lieke Projekten vun disse Oort, sünd in de Internet Movie Database aver ok pornograafsch Filmen bedacht. Fehlend Infromatschonen künnt vun jeden Besöker nadragen warrn, dorto mutt een sik aver toeerst mol anmellen un registreeren.

In de Datenbank kann man na Filmen, Personen, Filmrullen, Zitaten un veele annere Angaven söken. De Ümfang vun de anbaden Informationen is dorbi afhangig dorvun wo bekannt en Film worrn is, btw. woveel Material vun intresseerte Besökers an de IMDb övermiddelt worrn is. Filmen un filmschapend Minschen ut Hollywood sünd weltwiet an bekannt’sten, dorüm gifft dat to jem ok de meisten Informatschonen

Besökers künnt to de Filmen Punkte vergeven un egen Kommentaren un Anmerken maken. De Punkte warrt na en op de Bayessche Wohrschienlichkeitsverdelen baseerend System utweert. Eenmol warrt to jeden FIlm, de tomindst fief Stimmen kregen hett en Dörsnittsweert anwiest, to’n annern warrt na en anneret Rekensystemen List mit de 250 (in de IMDbPro-Version 500) besten un 100 slechtesten Filmen tohopenstellt. Siet Juli 2006 kann man ok över Feernsehserien un ok enkelte Serienfolgen afstimmen.

Bi de düütsche Version sünd opstunns blots enkelte Begrepen op de Bavenflach (t. B. Schauspieler an Steed vun Actor) in’t Hoochdüütsche översett worrn. Sonst aver grippt de düütsche version op de lieke Datenbank to as de Versionen in annere Spraken. Düütsche Titels künnt aver ok socht warrn, as ok intenatschonale Filmtitels mit wiest warrt.

Historie[ännern | Bornkood ännern]

De Oorsprung vun de IMDb liggt in de Newsgroup rec.arts.movies, wat en Diskussionsplattform för Filmintresseerte weer. Al lang vör 1990 hebbt eenige Deelnehmers dormit anfungen, Listen över Schauspelers, Speelbasen un annere Saken tohopentostellen un regelmatig över rec.arts.movies publik to maken. In’n Oktober 1990 weern in disse vun Hand föhrte Listen över 23.000 Indrääg, de Col Needham mit Help vun en poor Programmen tosamenföhrt un dörsöökbor maakt hett. Dat Ergevnis weer de Internet Movie Database: Episode I – The Text-Only Unix Version. Dat System weer mit den vun vundaag nich to verglieken. To de Tiet müss jeder, de wat söken wull, eerst de ganze List op den egen Rekner kopeeren, bevör he ehr nütten kunn.

1994 is de Datenbank denn över Nettbreef togänglich worrn un kort dorna nehm de eerste Web-Version Gestalt an – noch bevör de eerste grote Webbrowser NCSA Mosaic rutkeem.

De stiegende Tall vun Bruker un Daten hett dat 1996 nödig maakt, dat dat private Projekt IMDb na böse Diskussionen för un gegen de Kommerzialiseeren in en Firma ümwannelt worrn is. De Besitters vun de Firma weern de Lüüd, de ok dorvör al de Listen föhrt un in Orden hollen harrn. De Arbeit an de Internet Movie Database, Ltd. hebbt se tomeist neven Studium, Berop oder School maakt.

Bit 1998 hett sik de Grött vun 1996 noch eenmol verdubbelt. De Bruuk an Ressourcen drauh, de Mööglichkeiten vun de nevenberoplich Arbeit, för de dat jo ok so goot as keen Lohn geev, to överstiegen. Wieldat man Angst harr, dat Projekt künn woll in sien Bestanddelen uteneen nahmen warrn, hebbt de Lüüd toeerst eenige Koopanbotten utslahn. 1998 güng IMDb denn an dat Internet-Versandhuus Amazon.com.

De Anfäng vun dat Projekt markt man vundaag noch. De Datenbank levt to’n groten Deel jümmer noch vun de Mitarbeit vun de Webgemeen un gifft den kumpletten Bestan ok hüüt noch kostenfree an de Besökers wedder torüch. Un dat nich blots över dat Webportal, man gröttstendeels ok in Form vun de Rohdaten.

Beweerten[ännern | Bornkood ännern]

De Registreeten Bruuker künnt all Filmem mit Punkten vun 1 bit 10 beweerten. Sünd noog (tomindst fief) Beweerten för en Film dor, warrt en Dörsnitt utrekend un anwiest. Kommt noch veel mehr Stimmen tohopen, dennkann de Film bi bannig hooge oder bannig siete Punkttall in een vun de Ranglisten opduken. De Listen gifft dat global vör all Filmen un för Filmrebeden (Dokumentatschoon, Kriegsfilmen, Drama usw.) Jüst so kann man op personenbetogen Artikels ünner „sorted by rating“ sehn, wo goot de Filmen vun en Speelbaas oder Schauspeler ünnerenanner afsneden hebbt.

Üm ünner de 250 besten Filmen to kommen, mutt en Film opstunns vun tomindst 1300 Bruker un mit en dörsnittlich Punkttall vun tomindst 7,8 beweert worrn wesen. Dat allen reckt aver noch nich, wiel noch annere Saken dorbi en Rull speelt, de aver nich apentlich bekannt sind.

Websteden[ännern | Bornkood ännern]

Bornen[ännern | Bornkood ännern]

  1. http://german.imdb.com/database_statistics