Engelsche Spraak

Vun Wikipedia
Wesseln na: Navigatschoon, Söök
Engelsche Spraak
Warrt snackt in: Australien, Ghana, Grootbritannien, Indien, Irland, Jamaika, Kanada, Neeseeland, Nigeria, Pakistan, USA un 94 annere Länner
Sprekertall: 340 Mio. as Mudderspraak un 350 Mio. - 1 Mrd. as tweete Spraak
Spraakfamilie:
Offiziellen Status
Amtsspraak in: Australien, Ghana, Grootbritannien, Indien, Irland, Jamaika, Kanada, Neeseeland, Nigeria, Pakistan, USA un allerhand annere Länner
Spraakkoods
ISO 639-1: en
ISO 639-2 (B): eng
SIL: ENG

Ingelsch is een Süsterspraak to dat Plattdüütsche. Ingelsch is een Weltspraak. Kümmt ut England, wat hüüt to Grootbritannien to heurt.

Historie[ännern | Bornkood ännern]

Ingelsch hett desülven Wuddeln as dat Ooltsassische un dat Ooldfreesche. Een Verwandtschap mit dat Nedderlannsche un Nedderfranksche is betherto ümstridden. De Verwandtschap keem dorvun, dat so üm dat Enn vun de Römertiet Angeln, Sassen, Nedderfranken un Fresen na Britannien seilt sünd. Dat geef denn dat Angelsassisch ellers Anglosaxon, wat teemlich dicht bi dat ole Sassisch is un vermoodlich fröher ok gegensiedig verstännig weer. De Angeln un Sassen hebbt obers ok wat vun de Römers övernahm.

Denn weern dor ok de Dänen un Norwegers. De sünd as Wikingers ok na England röver un harrn dor röövt, later obers ok Land nahmen. So kreeg dat Angelsassische ok noch wat vun de Skandinaavschen Spraken mit.

Denn keem 1066. Dat wöör dat Johr, as Willem, de Normann, ut de Normandie na Hastings schippert is. De Normannen weern twoors ok Wikingers, man se harrn de franzöösche Spraak al opnahmen. So keem dat Franzöösche in dat Ingelsche rin. De franzööschen Influss keem ok vör allen daarvun, dat dat vele Französen in de högeren Bevölkernsklassen geev.

Later weer dat denn, dat in de Hansetied de Kooplü ok na England sünd. Un denn sünd jo ingelsche Lü op plattdüütsche Scheep fohrt, obers besünners hebbt ok plattdüütsche Lü op ingelsche un amerikaansche Scheep anhüürt. So keem dat ok to plattdüütsche Utdrück in dat Ingelsche un ingelsche in dat Plattdüütsche.

De Spraak[ännern | Bornkood ännern]

Ingelsch is in sien Grammatik minner kumplezeert as anner Spraken. Dat gifft dree Fäll: Nominativ, Genitiv un Objektiv. Man de Objektfall is morpholoogsch nich mehr markeert un warrt dör Präpositschonen utdrückt. (To'n Verliek, dat Plattdüütsche kennt bloots twee Fäll, den Nominativ un den Objektfall.) Bispeel:

The cat is white. - The cat’s food is brown. - I give the cat food. - I see the cat.
De Katt is witt. - De Katt ehr Foder is bruun. - Ik geev de Katt Foder. - Ik seh de Katt.

Weblenken[ännern | Bornkood ännern]

Wiktionary Wiktionary: Engelsch – Bedüdensverklaren, Woortherkamen, Synonymen, Översetten