ISO 639

Vun Wikipedia
Wesseln na: Navigatschoon, Söök

ISO 639 is en internatschonalen Standard vun de Internatschonale Organisatschoon för Normen. Dor weert Kennungen för Naams vun Spraken in Spraakkoods mit fastleggt. Düsse Standard hett en Reeg vun Ünnerdelen. Dree Delen för Kennungen mit twee Bookstaven (ISO 639-1) un dree Bookstaven (ISO 639-2 un ISO 639-3) sünd al rut un weert wiethen bruukt. Anner Delen (ISO 639-4 bit -6) schöllt dor up upboen un sünd al in Arbeit (Stand: August 2007).

Wie de Kennungen bruukt weert[ännern | Bornkood ännern]

De Kennungen, de in de Norm fastleggt sünd weert bruukt in de Lexikographie, Linguistik, in Bökereen, Informatschoonsdensten un bi den Datenverkehr. Se schöllt dorför sorgen, dat eendüdig seggt weern kann, üm wat vun Spraak dat geiht un dat se in Dokumenten ok ohn Twiefel betekent weern könnt. De Kennungen könnt nich as Afkörten verstahn weern [1], vunwegen dat de Kennung nich in jeden Fall mit de Spraak, de betekent warrt, ähnlich is. De Koods könnt groot oder lütt schreven weern.

De Spraakkoods vun düsse Norm gellt för natüürliche Spraken un Plaanspraken, man nich för Spraken, de maschinell bruukt weern schöllt, as Programmeerspraken.

Footnoten[ännern | Bornkood ännern]

  1. Frequently Asked Questions (FAQ) - Codes for the representation of names of languages (Library of Congress), Kongressbibliothek, ISO 639-2 Registration Authority, [1]