The Net

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: The Net
Düütsch Titel: Das Netz
Produkschoonsland: USA
Johr vun’t Rutkamen: 1995
Läng: 109 Minuten
Originalspraak: Engelsch
Öllersfreegaav in Düütschland: FSK 12
Filmkru
Speelbaas: Irwin Winkler
Dreihbook: John D. Brancato, Michael Ferris
Produkschoon: Irwin Winkler, Rob Cowan
Musik: Mark Isham
Kamera: Jack N. Green
Snitt: Jimmy Giritlian, Richard Halsey
Dorstellers

The Net (op Platt so veel as „Dat Nett“; dt. Titel: Das Netz) is en US-amerikaanschen Thriller ut dat Johr 1995 vun den Speelbaas Irwin Winkler. In de Hööftrull speelt Sandra Bullock en torüchtogene Reeknerfachfro, de wat Intressant opdecken deiht un dorophen ehr Identität wegnahmen warrt.

Inholt[ännern | Bornkood ännern]

Angela Bennett is Reeknerfachfro un leevt teemlich isoleert vun de Butenwelt. Ehr Pizza bestellt se över’t Internet, dat se avends denn ok to’n Chatten bruukt. Mit ehr Navers hett se kuum Kuntakt. De eenzige Minsch, mit de se sozial verkehren deit, is ehr Mudder, de aver an Alzheimer krank is un se nich mehr kennen deit. Anstellt is Angela bi de Softwarefirma Cathedral, arbeit aver vun tohuus ut, so dat se ehr Kollegen ok blots över’t Nett oder vun’t Telefon kennt. Een Dag kriggt se vun een Kollegen en seltsome Diskette toschickt, de se glieks in ehrn Reekner inleggt. Mit ehr Help hett se op eenmol Togreep to Internetsieten, de an sik geheem sünd. Korte Tiet later kummt ehr Kolleg üm, as he op’n Weg na Angela mit’n Fleger afstört.

Üm de Diskette wedder torüch to kriegen oder tonichten to maken, warrt op Angela en Killer ansett, de ehr toeerst Honig üm’n Bort smeert un mit ehr goot Fründ maakt. Se kann jüst noch utneihn, as se dat spitz kriggt, mutt aver ehr Tasch mit ehr Papieren torüch laten. Man, denn mutt se faststellen, dat ehr persönlichen elektroonschen Daten un dorm,it ok ehr wohre Identität verännert warrt. To’n Bispeel warrt to ehr Register en poor Verbreken toföögt, so dat se vun nu an vun de Polizei söcht warrt. Ehr Leven wannelt sik op eenmol in een bösen Droom, vun wegen, dat nümms ehr wohre Identität betügen kann.

De eenzige Person, de se kennt un an de se sik to wennen troet, is ehr fröheren Leefsten un Psycholoog. Man de Killer kriggt dat hen, ok sien Daten to verännern, so dat he in en Krankenhuus dood blifft, vun wegen dat he verkehrt behannelt warrt.

Angela finnt opletzt rut, dat dat sünnerliche Programm en Trojaansch Peerd is, dat as Schuulprogramm tarnt is. Dormit hollt sik en Koppel vun Hackers, de sik sülvst Pärtorianer nöömt, Togang to de wichtigen Reeknernetten. De sülve Koppel is dat ok, de na un na bedüdene Nettwarken angrippt, üm jemehr „Schuulprogramm“ achteran an de angrepen Firmen un Behörden as vörgeevliche Sekerheitslösung antobeden un to verköpen. Ok de Killer bruukt dat Programm gegen Angela.

An’t Enn kann Angela sik vun ehrn Arbeitsplatz ut – woneem se in de Twüschentiet dör en Dubbelgängersche uttuuscht worrn is – Bewiesen gegen den Besitter vun de Herstellerfirma vun dat „Schuulprogramm“ un gegen de de Prätorianer sammeln un an dat FBI övermiddeln. As se dat över Nettbreef maakt hett, warrt se noch vun den Killer un ehr Dubbelgängersche verfolgt. Ut Versehn schütt de Killer dorbi ehr Double doot. He sülvst warrt vun Angela mit en Füerlöscher angrepen un fallt vun en hooch Gerüst.

As denn de Verbinnen twüschen de Prätorianer un den Hersteller vun dat Programm nawiest warrn kann, warrt de fastnahmen un Angela kriggt ehr oolt Leven torüch.

Kritiken[ännern | Bornkood ännern]

film-dienst an’n 26. September 1995: Der thematisch reizvolle Hi-Tec-Thriller baut eher auf aktionsreiche Verwicklungen, statt auch die spannungsvolle psychologische Situation auszuloten. Gezielte Effekte erhöhen spekulativ die Faszination der Datenwelt, ohne ihre problematischen Seiten ernstlich in den Blick zu nehmen.

Cinema 10/1995: Ähnlich wie „Während Du schliefst ...“ ist auch „Das Netz“ letztlich eine gut gespielte One-woman-Show des Hollywood-Shooting-Stars Sandra Bullock. Als solche offenbart Winklers Thriller allerdings schon in den ersten Szenen seinen eklatantesten Schwachpunkt: Die Faszination des Internets hin oder her – wer glaubt einer Frau wie Sandra schon, dass sie ihre Abende allein mit einer Pizza am heimischen Computer verbringt?

Utteken[ännern | Bornkood ännern]

De Film hett keen Utteken kregen. Dat geev aver een Nomineeren för Sandra Bullock för den MTV Movie Award in de Kategorie Begehrnsweertste Fro.

Anners Wat[ännern | Bornkood ännern]

  • Vun 1998 bit 1999 geev dat en US-amerikaansche Feernsehreeg, de ok den Titel The Net harr un op den Film baseeren de.
  • 2006 is en wieteren Film ünner den Titel The Net 2.0 glieks op DVD rutkamen

Websteden[ännern | Bornkood ännern]