Rotten Tomatoes

Vun Wikipedia
Wesseln na: Navigatschoon, Söök

Rotten Tomatoes („Fule Tomaten“) is en engelschspraakige Websteed, de Berichten, Informatschonen un Narichten över Filmen un Computerspelen anbeden deit.

De Naam is afleidt vun’t Klischee vun en ollen Bruuk ut de Vaudeville-Ära, bi den de Tokiekers mit Tomaten oder anner’t Grööntüüch na de Bühnenschauspelers smeten hebbt, wenn jem jemehr Speel nich gefallen hett.

Prinzip vun Rotten Tomatoes[ännern | Bornkood ännern]

De Mitarbeiters vun Rotten Tomatoes sökkt in’t Internett, üm mööglichst vele Filmkritiken vun Amateuren bit hen to professchonelle Rezensionen to finnen. Wenn en Bericht goot utfallen is, warrt de dör en fresh („frisch“) kenntekent, also mit en lütt Icon vun en rode Tomaat. Wenn en Bericht slecht utfallen is, denn warrt de entspreken as rotten („verfuult“) inordent un dör gröne, opplatzte Tomaten kenntekent. Wenn keen Oordeel geven worrn is, quantifizeert de Redakschoon sülvst.[1]

Bi grode Filmen kann de Tall vun de Kritiken op ruchweg 200 stiegen. Wenn en Film/Speel to mehr as 60 % positiv beweert warrt, denn warrt de Film mit fresh oordeelt, anners warrt de Film oder dat Speel as rotten markeert.

Siet 2000 warrt butendem jeed Johr Golden Tomato Awards an de an’n besten besnackten Filmen vun’t vörherige Johr vergeven. („The Golden Tomato Awards pay tribute to the best-reviewed films of the previous year as determined by the website Rottentomatoes.com.“)

Firmenhistorie[ännern | Bornkood ännern]

Rotten Tomatoes weer 1998 grünnt un 2004 vun IGN Entertainment övernahmen. In’n September vun’t opfolgen Johr weer IGN vun Rupert Murdochs News Corp. opköfft.

Borns[ännern | Bornkood ännern]

  1. http://uk.rottentomatoes.com/help_desk/faq.php#judge

Weblenk[ännern | Bornkood ännern]