SV Werder Bremen

Vun Wikipedia

Werder Bremen vun 1899 is en Sportvereen ut Bremen. Grünnt wurrn is he an’n 4. Februar 1899. Dor warrt in 7 Afdelen Sport bedreven. De Vereen besteiht ut den Sportvereen Werder Bremen vun 1899 e.V., de för den Amateursport tostännig is, un de Werder Bremen GmbH & KG a.A. (up Aktien), de an’n 27. Mai 2003 grünnt wurrn is. Düsse GmbH kümmert sik um den Profisport. De SV Werder Bremen warrt vun Klaus Dieter Fischer as Präsidenten anföhrt un de Sportdirektor heet Klaus Allofs. Geschäftsföhrer is Jürgen Ludger Born. De Trainer vun de Footballmannschafft heet Thomas Schaaf. De SV Werder is al veermol düütsche Meister in de Bundsliga wurrn: 1965, 1988, 1993 un 2004. In dat Johr 2004 hefft se dat „Dubbel“ hoolt, dat bedutt: Se sünd nich bloß Meister wurrn, man hefft ok den Düütschen Football-Pokal wunnen. 1992 hett de Vereen den Europa-Pokal vun de Pokalwinners hoolt. In de Johren 2005 un 2006 hett Werder bi de Champions-League mitspeelt un hett dat beide Molen bit in dat Achtelfinool schafft. 2008 hett sik de Vereen to’n föfften Mol achternanner qualifizeert för de Königsklass vun Europa. Werder is een vun de besten 20 Footballteams in Europa. De Vereen hett um un bi 20.000 Maten. Tohuus speelt de Vereen in dat „Werser-Stadion“. Dor paßt so um un bi 43.000 Lüde rin.

Inholtsverteken 1 Statistiken 1.1 Wat de Vereen schafft hett 1.2 König vun de Doorschütten 1.3 Höchste Siegen un Nedderlagen 1.4 1.Platz 1.5 Wie dat siet 1999 unner den Trainer Thomas Schaaf lopen is 2 Spelers un Trainers 2.1 Speler vundage (Saison 2008/2009) 2.2 Wen just weggahn is 2.3 Wen just kamen is 2.4 Wen tokünftig noch dorto kamen schall 2.5 Wen just to de Trainers tohören deit 2.6 Trainers ut de verleden Jahren 3 Anner düütsch Natschonalspeler, de vör Bremen speelt hebbt 4 Champions-League un UEFA-Cup 2008/2009 5 DFB-Pokal 6 Weblenken

[ännern] Statistiken

[ännern] Wat de Vereen schafft hett

• Düütsche Meester: 1965, 1988, 1993, 2004
• Düütsche Vizemeester: 1968, 1983, 1985, 1986, 1995, 2006, 2008
• Europapokal vun de Pokalwinners: 1992
• Winner vun den düütschen Pokal: 1961, 1991, 1994, 1999, 2004, 2009
• In’t Endspeel üm den düütschen Pokal: 1989, 1990, 2000
• Düütsche Supercup-Winner: 1988, 1993, 1994
• Düütsche Ligapokal-Winner: 2006
• UI-Cup: 1998
• Düütsche Meester vun de Amateuren: 1966, 1985, 1991

[ännern] König vun de Doorschütten

• Rudi Völler 1982/83 23 Doren
• Mario Basler 1994/95 20 Doren (tohopen mit Heiko Herrlich, Borussia Mönchengladbach)
• Ailton Gonçalves da Silva 2003/04 28 Doren
• Miroslav Klose 2005/06 25 Doren

[ännern] Höchste Siegen un Nedderlagen

• Höchste Sieg in de Bundsliga binnen:

8:1 gegen Kickers Offenbach 1983/1984

8:1 gegen Arminia Bielefeld 2007/2008

• Höchste Sieg in de Bundsliga buten:

7:0 gegen Borussia Mönchengladbach 1965/1966

• Höchst Nedderlaag in de Bundsliga binnen:

1:7 gegen Borussia Mönchengladbach 1986/1987

• Höchste Nedderlagen in de Bundesliga buten:

2:9 gegen Eintracht Frankfurt 1981/1982 0:7 gegen Eintracht Frankfurt 1963/1964 0:7 gegen Bayern München 1979/1980

[ännern] 1.Platz

• 119 mal 1. Platz in de 1. Bundsliga (bit: Enn vun de Saison 2005/06)

[ännern] Wie dat siet 1999 unner den Trainer Thomas Schaaf lopen is

• Düütsch Pokalwinner 1999, 6:5 n.E. gegen den FC Bayern
• Viez-Pokalwinner 2000, 0:3 gegen den FC Bayern
• UEFA-Cup-Viddelfinaal 2000, rut gegen den FC Arsenal London
• Platz 6 2002 un 2003

• Düütsch Meester 2004, vör den FC Bayern
• Düütsch Pokalwinner 2004, 3:2 gegen Aachen
• Ligapokal-Winner 2006, 2:0 gegen den FC Bayern
• Ligapokal-Finaal 2004, 2:3 gegen den FC Bayern
• Viez-Meester 2006 un 2008, achter den FC Bayern
• Drüdden 2005 un 2007
• DFB-Pokal-Halffinaal 2003, 0:3 gegen den 1. FC Kaiserslautern
• DFB-Pokal-Halffinaal 2005, 6:7 n.E. gegen Schalke
• UEFA-Cup-Halffinaal 2007
• 5 mol bi de Champions-League

[ännern] Spelers un Trainers

[ännern] Speler vundage (Saison 2008/2009)

De SV Werder Bremen speelt in de Saison 2008/2009 mit düsse Mannschop:

Naam un Positschoon	Trikot	Land
Doorhöder
Tim Wiese	1
Sebastian Mielitz	21
Christian Vander	33
Nico-Stéphàno Pellatz	40
Afwehr
Sebastian Boenisch	2
Petri Pasanen	3
Naldo	4
Duško Tošić	5
Clemens Fritz	8
Sebastian Prödl	15
Niklas Andersen	27
Per Mertesacker	29
Middelfeld
Frank Baumann	6
Jurica Vranješ	7
Diego	10
Mesut Özil	11
Said Husejinović	17
Daniel Jensen	20
Torsten Frings – Stellvertredend	22
Peter Niemeyer	25
Kevin Artmann	31
Max Kruse	36
Storm
Markus Rosenberg	9
Aaron Hunt	14
Hugo Almeida	23
Claudio Pizarro	24
Martin Harnik	34
(Allens so, as dat an'n 8. August 2008 stünn)

[ännern] Wen just weggahn is

Summer 2008:

• Tim Borowski (na’n FC Bayern München)
• Ivan Klasnić (na’n FC Nantes)
• Kevin Schindler (utlehnt an Hansa Rostock)
• Patrick Owomoyela (na Borussia Dortmund)
• Pierre Womé (na’n 1. FC Köln)
• John Jairo Mosquera (utlehnt an SønderjyskE)
• Amaury Bischoff (na’n FC Arsenal London)

Winter 2008/2009:

• Boubacar Sanogo (utlehnt an TSG Hoffenheim)

[ännern] Wen just kamen is

Summer 2008:

• Sebastian Prödl (vun SK Sturm Graz, Verdrag bit 2012)
• Niklas Andersen (vun Rot-Weiss Essen, Verdrag bit 2012)
• Said Husejinović (vun FK Sloboda Tuzla, Verdrag bit 2012)
• Claudio Pizarro (vun’n FC Chelsea, utlehnt för een Saison)

[ännern] Wen tokünftig noch dorto kamen schall

Summer 2009:

• Carlos Alberto (vun Botafogo FR, weer utlehnt)
• Kevin Schindler (vun Hansa Rostock, weer utlehnt)
• John Jairo Mosquera (vun SønderjyskE, weer utlehnt)

[ännern] Wen just to de Trainers tohören deit

Thomas Schaaf

Naam	wat he to doon hett
Thomas Schaaf	Chef-Trainer
Wolfgang Rolff	Co-Trainer
Matthias Hönerbach	Co-Trainer
Michael Kraft	Doorhöder-Trainer
Yann-Benjamin Kugel	Fitness-Trainer

[ännern] Trainers ut de verleden Jahren

vun de Bundesliga ehren Anfang 1963 af an

• Thomas Schaaf (vun 10. Mai 1999 af an)
• Felix Magath (22. Oktober 1998 – 9. Mai 1999)
• Wolfgang Sidka (1. September 1997 – 22. Oktober 1998)
• Dixie Dörner (14. Januar 1996 – 20. August 1997)
• Aad de Mos (1995 – 9. Januar 1996)
• Otto Rehhagel (2. April 1981 – 1995)
• Kuno Klötzer (1980 – 1981)
• Fritz Langner (20. Februar 1980 – 1980)
• Wolfgang Weber (1978 – 29. Januar 1980)
• Fred Schulz (2. Januar 1978 – 1978)
• Hans Tilkowski (1976 – 22. Dezember 1977)
• Otto Rehhagel (29. Februar 1976 – 1976)
• Herbert Burdenski (1975 – 28. Februar 1976)
• Josef Piontek (1972 - 1975)
• Fritz Langner (8. Mai 1972 - 1972)
• Josef Piontek (25. Oktober 1971 – 7. Mai 1972)
• Willi Multhaup (27. September 1971 – 24. Oktober 1971)
• Robert Gebhardt (1970 – 26. September 1971)
• Hans Tilkowski (17. März 1970 – 1970)
• Fritz Rebell (1969 – 16. März 1970)
• Fritz Langner (9. September 1967 – 1969)
• Günter Brocker (1965 – 4. September 1967)
• Willi Multhaup (1963 – 1965)

[ännern] Anner düütsch Natschonalspeler, de vör Bremen speelt hebbt

Günter Bernard, Marco Bode, Dieter Burdenksi, Dieter Eilts, Horst-Dieter Höttges, Max Lorenz, Rudi Völler, Mario Basler, Uwe Reinders

[ännern] Champions-League un UEFA-Cup 2008/2009

An’n 28. August 2008 sünd de Gruppen-Spelen för de Champions-League utloost wurrn. De SV Werder Bremen hett in Pott 2 steken. Dor sünd de Mannschoppen in, de to de tweetbeste vun veer Gruppen tohören doot. Werder weer dor tohopen mit AS Rom, Sporting Lissabon, PSV Eindhoven, Villareal, Bayern München, den FC Porto un Juventus Turin. För Werder is nu düsse Grupp utloost wurrn (Grupp B): Inter Mailand, Werder Bremen, Panathinaikos Athen un Anorthosis Famagusta. Allgemeen warrt seggt: Dat is en Grupp, wo dat mööglich ween schall, dat Achtelfinaal to schaffen. De Speelterminen för Werder sünd (In Klammern, wat rutkamen is): Dingsdag, 16. September: Werder-Famagusta (0:0). Middeweken, 1. Oktober: Inter Mailand- Werder (1:1). Middeweken, 22. Oktober: Panathinaikos- Werder (2:2). Dingsdag, 4. November: Werder- Panathinaikos (0:3). Middeweken, 26. November: Famagusta- Werder (2:2). Dingsdag, 9. Dezember: Werder- Inter Mailand (2:1). Dor weer Werder Drüdde in'e Tabell mit un möss ut de Champions-League utscheden. Man na de Winterpaus güng dat denn mit den UEFA-Cup wieter. Dor hett Werder eerst mol gegen den AC Mailand speelt. Tohuse in't Werserstadion hett dat en 1:1 geven. Un buten in Mailand hett Werder en 2:2 schafft. So is Mailand denn utscheedt un Werder hett sik dörsett un speel nu in't Achtelfinale gegen den franzööschen Vereen AS St. Etienne. Dor hett Werder dat ok schafft un weer in't ´Viddelfinale gegen Udinese Calcio. Gegen de Italieners hett Werder tohuse 3:1 wunnen un in Udine 3:3 speelt. Nu güng dat in't Halffinale gegen den Hamborger SV. Dor hett Werder dat Speel tohuse mit 0:1 verloren, man dat Trüggspeel in Hamborg denn mit 3:2 wunnen. Nu stünn Werder an'n 10. Mai in Istanbul in dat Finale vun den UEFA-Cup gegen Schachtjor Donezk. Düt Speel hett Werder mit 1:2 verloren.

[ännern] DFB-Pokal

De SV Werder Bremen hett in de Speeltied 2008/2009 den DfB-Pokal wunnen. An'n 31. Mai güng dat in Berlin gegen Bayer 04 Leverkusen. Dat Speel hett Werder mit 1:0 wunnen. Dat Door för Werder hett Mesut Özil in de 58. Min. schaten. Bit dorhen hett Werder bloß utwärts spelen mösst, man all Spelen wunnen. In't Halffinale hett dat bi den Hamborger SV na Verlängerung en Ölbenmeterscheten geven. Dor hett Tim Wiese dree Ölbenmeters holen un Werder is wieterkamen. In't Viddelfinaal harr Werder vördem utwärts bi den VfL Wulfsborg spelen mösst. De beiden eersten Doorhöders vun Werder kunnen nich antreden, dor hett de Mannschop mit den drüdden Doorhöder Pelletz 5:2 in Wulfsborg wunnen.

[ännern] Weblenken