Josef Piontek

Vun Wikipedia
Sepp Piontek (2011)
Bild: Lars Schmidt

Josef Emanuel Hubertus "Sepp" Piontek (* 5. März 1940 in Breslau) is en ehmalger düütsch Footballspeler un -trainer.

He is mit sien Öllern as Flüchtling nah Oostfreesland kommen un hett anfungen mit Footbalspelen bi Germania Leer. Wiels he bannig good Football spelen kunn, is he dornah nah Werder Bremen wesselt. Piontek hett as Verdediger för Bremen 203 mal in Bundsliga speelt un dorbi 15 Doren schooten. He hett dat sogor bit in de düütsche Natschonalmannschap schafft un ok dor söss mal speelt. 1972 hett Piontek aber mit Footballspelen uphollen un is Footballtrainer wurrn.

Dorvör muss he noch nich mal de Vereen wesseln, he bleev bi Bremen (bit 1975). Sien nächste Statschoon weer denn Fortuna Düsseldörp. Dor hebbt se hüm aber nah een Saison entlaaten. Ok bi FC St. Pauli weer he noch kört Trainer.

Richtig bekannt wurrn is he aber as Trainer vun de Natschonalmannschap vun Däänmark vun 1979 bit 1990. Mit de däänsch Mannschap het he denn an de Europameesterschap 1984 un an de Weltmeesterschap 1986 deelnommen un ok noch en gooden Rull speelt. Dat weer ümso bemarkenswerter, as dat de Dänen dorvör in Football nichts reeten harrn.

Later henn weer he ok noch Natschonaltrainer vun Gröönland, Haiti un Törkie.

Weblenken[ännern | Bornkood ännern]

Sepp Piontek. Mehr Biller, Videos oder Audiodateien to’t Thema gifft dat bi Wikimedia Commons.