Naldo

Vun Wikipedia
Naldo
Spelerinformatschonen
Vullstännig Naam Ronaldo Aparecido Rodrigues
Geboortsdag 1982-09-1010. September 1982
Geboortsoort LondrinaBrasilien
Grött 1,98
Positschoon Afwehr-Zentrum
Vereensinformatschonen
Vereen VfL Wulfsborg
Trikottall 4
Verenen in de Jöögd
bit 2004 RS Futebol Clube Alvorada
Verenen as Speler1
Johren Vereen Spelen (Doren)
2004–2005
2005–2012
2012-
Esporte Clube Juventude
Werder Bremen
VfL Wulfsborg
36 (8)
108 (12)
Natschonalmannschop2
2007– Brasilien 4 (0)

1 Blots Liga-Spelen.
 Stand: 25. Oktober 2012
2Stand: 15. Dezember 2008

Ronaldo Aparecido Rodrigues, bekannt unner den Naam Naldo (* 10. September 1982 in Londrina, Brasilien) is en brasiliaanschen Footballspeler. In'n Momang speelt he för den VfL Wulfsborg in de Football-Bundsliga.

Sien Weg as Footballer[ännern | Bornkood ännern]

Naldo

In’n Vereen[ännern | Bornkood ännern]

In siene Jugendtied hett Naldo in Brasilien för RS Futebol speelt. Dat is en brasiliaanschen Jugendfootballvereen, de ok as Agentur to’n Utbillen un Vermiddeln vun Spelers arbeiden deit. In dat Johr 2004 weer he al Profi bi den Vereen Esporte Clube Juventude in de eerste Liga vun Brasilien. Dorbi is dat verscheden Utkiekers upfullen, dat he een vun de besten Spelers in’t Afwehr- Zentrum in de ganze Liga weer. Se menen, dor kunn noch mol richtig wat vun weern. In dat Johr 2005 hett denn de SV Werder Bremen den Brasilianer mit siene 1,98 m na Düütschland hoolt. Werder hett taxeerte twee bit dree Millionen € Aflöös för em betahlt. He scholl in Bremen an de Steed vun Valérien Ismaël treden, de na den FC Bayern München afwannert weer. He speelt sietdem an de Siet vun Per Mertesacker as Stammspeler in dat Afwehr-Zentrum. Sien eerst Door in de Champions-League för Werder hett he an’n 18. Oktober 2006 mit en Freeschööt gegen Levski Sofia ut Bulgarien maakt. An’n 9. Dezember 2006 hett he gegen Eintracht Frankfort bi dat 6:2 in Frankfort glieks dree Doren schaten. Dat weer de eerste „Dreer“ up sien ganzen Weg as Footballer överhaupt.

An’n 19. Mai 2007 hett Naldo sien Verdrag bi Werder al vör de Tied üm dree Johren verlängert bit to’n 30. Juni 2012. Dornah is he na'n WfL Wulfsborg gahn.

Natschonalmannschop[ännern | Bornkood ännern]

An’n 14. März 2007 is Naldo to’n eersten Mol to de brasiliaansche Football-Natschonalmannschop beropen wurrn. Tosamen mit sien Fründ Diego weer he bi de Frünschopsspelen gegen de Football-Teams ut de Törkei un England in de Mannschop un ok bi de Copa América 2007 in Venezuela. To’n eersten Mol speelt hett he an’n 1. Juni 2007 in dat nee Wembley-Stadion, as he bi dat 1:1 gegen England vun Anfang an dorbi weer.

Wat he kann[ännern | Bornkood ännern]

Naldo is bekannt för sien unbannig goden Tweekampf, för siene Leistungen in de Afwehr, wo he nix anbrennen lett un ok dorför, dat he unbannig hart scheten kann. Bi Freeschööt sund dor al Ballsnelligkeiten vun 125 km/h meten wurrn.

Privat[ännern | Bornkood ännern]

Nalso is verheiraat’ mit Carla un hett en Söhn, den sien Naam is Naldinho (Lütt Naldo). Sien Naber is sien Mitspeler Diego.

Wat he schafft hett[ännern | Bornkood ännern]

In’n Vereen[ännern | Bornkood ännern]

Natschonalmannschop[ännern | Bornkood ännern]

  • Copa América-Winner 2007 mit Brasilien

Snack[ännern | Bornkood ännern]

Sietdem he för Brasilien speelt hett, is he de gröttste Speler, de jemols de Seleçao ehr Trikot anhadd hett.[1].

Borns[ännern | Bornkood ännern]

  1. Bild online, 2. Juni 2007 [1]

Weblenks[ännern | Bornkood ännern]