Per Mertesacker

Vun Wikipedia
Wesseln na: Navigatschoon, Söök
Per Mertesacker
Per mertesacker.jpg
Spelerinformatschonen
Vullstännig Naam Per Mertesacker
Geboortsdag 1984-09-2929. September 1984
Geboortsoort HannoberDüütschland
Grött 1,98 m
Positschoon Afwehr
Vereensinformatschonen
Vereen SV Werder Bremen
Trikottall 8
Verenen in de Jöögd
Bit 1995
1995–2003
TSV Pattensen
Hannober 96
Verenen as Speler1
Johren Vereen Spelen (Doren)
2003–2006
2006–
Hannover 96
Werder Bremen
74 (7)
67 (4)
Natschonalmannschop2
2004
2004–
Düütschland U-21
Düütschland
3 (0)
49 (1)

1 Blots Liga-Spelen.
 Stand: 8. Dezember 2008
2Stand: 29. Juni 2008


Per Mertesacker (* 29. September 1984 in Hannober) is en düütschen Footballspeler. In'n Momang speelt he för den SV Werder Bremen in de Football-Bundsliga.

Sien Weg as Footballer[ännern | Bornkood ännern]

In’n Vereen[ännern | Bornkood ännern]

Per Mertesacker sien Weg as Footballspeler güng los bi den TSV Pattensen. 1995 is he mit ölben Johren na Hannober 96 wesselt. Dor speel he enige Johren unner sien Vadder Stefan Mertesacker. Vunwegen, dat he nich as en besunners goden Footballspeler ankeken wurrn is, harr he al överleggt, mit’n Football up to hören. Ünner Jugendtrainer „Jörg Goslar“ schaff he dat avers, bi dat Profi-Training mit to maken un as he in’n November 2003 19 Johre un een Maand oolt weer, hett de dormolige Trainer vun 96, Ralf Rangnick, em gegen den 1. FC Köln mitspelen laten. Man he dröff nich up siene Stammpositschoon in dat Afwehr-Zentrum spelen, man he möss rechts buten verdedigen. Sien Speel güng man so eben un he wurr in de Halftied rutnahmen.

Mertesacker hett denn en Profiverdrag kregen, man dat duer veer Maanden, ehr he in de Bundsliga wedder mitspelen dröff. Unner den neegsten Trainer Ewald Lienen is Mertesacker denn Stammspeler un Baas in’t Afwehr-Zentrum bi Hannober 96 wurrn. In de Speeltied 2004/2005 weer he ohn Twiefel al een vun de besten Spelers in siene Mannschop. Siene Profikollegen hefft em in de Henrunn 2004/2005 to’n „gröttsten Talent“ in de Bundsliga wählt. Mertesacker warrt as en Speler ansehn, de stark is in’n Tweekampf. Dorbi hett he avers bloß seven Gele Karten un ene Rode Kaart in 122 Spelen in de Bundsliga (Stand 13. März 2008) kregen un is somit een buten de Maten fairen Afwehrspeler. An’n 8. August 2008 hett he na Bremen to den SV Werder wesselt. Dor hett he en Verdrag bit 2010 unnerschreven. Midderwielen is de al verlängert wurrn bit 2012. Ok in Bremen speelt he as Stammspeler in’t Afwehr-Zentrum (an de Siet vun Naldo). He hett den olen Stammspeler Petri Pasanen dor gau an de Siet schaven. Pasanen speelt midderwielen up de rechte oder lunke Butenbahn.


Natschonalmannschop[ännern | Bornkood ännern]

Mertesacker weer noch nich lang vun de A-Jugend na de Profis rupkladdert, dor güng dat al wieter: He harr bloß man en poor Spelen in de Bundsliga as Stammspeler bi Hannober maakt, dor hett de vörmolige Bundstrainer Jürgen Klinsmann em al in de düütsche Natschonalmannschop beropen. Sien eerst Lännerspeel hett he an’n 9. Oktober 2004 in Teheran gegen den Iran maakt.

Vunwegen den goden Indruck, den he bi den „Confederations-Cup 2005“ in Düütschland maakt harr, is he ok in de düütsche Natschonalmannschop al bi de Weltmeesterschop 2006 Stammspeler ween. Sien eerst WM-Speel weer an’n 9. Juni 2006 in München gegen Costa Rica. An de Siet vun Jens Lehmann un Philipp Lahm weer he de eenzigste düütsche Speler, de bit to’n Halffinale all Spelen ganz mitspeelt hett. He weer een vun de besten Tweekampf-Spelers in de ganze WM un hett doch noch nich mol ene gele Kaart sehn. In dat Speel um den drüdden Platz konn he nich mitmaken. He harr Maleschen mit en Sliembüdelsweren.

Ok bi de Europameesterschop 2008 weer he vun Bundstrainer Joachim Löw beropen.

Per Mertesacker mit Werder Bremen gegen Bayern München

Wat he schafft hett[ännern | Bornkood ännern]

Vereen[ännern | Bornkood ännern]

  • Düütsch Viez-Meester 2007/08 mit Werder Bremen

Nationalmannschaft[ännern | Bornkood ännern]

  • WM-Drüdden 2006
  • Viez-Europameester 2008
  • WM-Drüdden 2010

Weblenks[ännern | Bornkood ännern]