Sebastian Prödl

Spelerinformatschonen
Sebastian Prödl
Geboortsdag	1987-06-2121. Juni 1987
Geboortsoort	Graz, Öösterriek
Positschoon	Afwehr-Zentrum
Vereensinformatschonen
Vereen	SV Werder Bremen
Trikottall	15
Verenen in de Jöögd
1993–1997 1997–2002 2002–2006	SV Kirchberg SV Feldbach SK Sturm Graz
Verenen as Speler¹
Johren	Vereen	Spelen (Doren)
2006–2008 2008–	SK Sturm Graz Werder Bremen	43 (4) 9 (0)
Natschonalmannschop²
2007–	Öösterriek U-19 Öösterriek U-20 Öösterriek	5 (0) 8 (1) 13 (2)
¹ Blots Liga-Spelen. Stand: 28. November 2008 ²Stand: 21. August 2008

Sebastian Prödl (* 21. Juni 1987 in Graz) is en ehmalger öösterriekschen Footballspeler. He speel in de Afwehr un is vun de Speeltied 2008/2009 af an bi den SV Werder Bremen in de Football-Bundsliga unner Verdrag ween.

Sien Weg as Footballspeler[ännern | Bornkood ännern]

Vereen[ännern | Bornkood ännern]

Sebastian Prödl hett in de Jugend bi sien Heimatvereen SV Kirchberg un bi den SV Feldbach speelt. 2002 is he na Graz to den SK Sturm Graz gahn. In de öösterrieksche Football-Bundsliga hett he to’n eersten Mol speeltt an’n 9. Dezember 2006. Dormols hett Graz sien Butenspeel bi de SV Mattersburg 0:1 verloren. An’n 9. Mai 2009 hett he sien eerst Door för Graz schaten. He hett mit’n Kopp to’n 1:0 Sieg gegen SC Rheindorf Altach drapen. In de Saison 2007/2008 hett Prödl dat to’n Stammspeler in dat Afwehrzentrum bröcht un hett dor oorntlich to bidragen, dat Graz dat in den UI-Cup schafft hett.

To de Speeltied 2008/2009 hett he för en Aflöös vun bi 2,5 Mio. € (taxeert) na Bremen to den SV Werder wesselt. He hett dor en Verdrag bit to’n 30. Juni 2012 unnerschreven. Sien eerst Speel för Bremen möök he an’n 9. August 2008 in den DFB-Pokal in de eerste Runn gegen Eintracht Nordhorn. He weer vun Anfang an dorbi un Bremen hett 9:3 wunnen. An’n 16. August hett he in Builefeld in dat eerste Speel vun de Bundsliga-Saison ok mitspeelt.

2022 hett he sien Loopbahn afslooten.

Natschonalmannschop[ännern | Bornkood ännern]

To’n eersten Mol för Öösterriek speelt hett Prödl an’n 30. Mai 2007 in en Frünschopsspeel gegen Schottland. Twuschen Juni un Juli 2007 weer he todem as Kaptein vunde öösterrieksche U-20-Mannschop bi de Juniorenweltmeesterschop 2007 in Kanada dorbi. Öösterriek is dormols up’n 4. Platz kamen. Vun de italieensche Sporttiedschrift La Gazzetta dello Sport is he vunwegen sien Spelen in dat „All-Star-Team“ vun dat Turnier wählt wurrn. He hett een Door schaten un bi all acht Spelen de ganze Tied up’n Platz stahn.

Wat he schafft hett[ännern | Bornkood ännern]

Krone-Fußballerwahl: 2008
4. Platz bi de Junioren-Weltmeesterschop 2007

Weblenks[ännern | Bornkood ännern]

Mannschop vun Werder Bremen in de Saison 2009/10