Nedderlannsche Antillen

Vun Wikipedia
Nederlandse Antillen
Nedderlannsche Antillen
Flagg vun Nedderlannsche Antillen Wapen vun Nedderlannsche Antillen
(Flagg) (Wapen)
Wahlspröök: keen Motto
Natschonalhymne: Beautiful Islands
Woneem liggt Nedderlannsche Antillen
Hööftstadt Willemstad
12° 6′ N, 68° 56′ W
Gröttste Stadt Willemstad
Amtsspraak Nedderlannsch, Papiamentu, Engelsch
Regeren
Königin
Premierminister
Höört to dat Königriek vun de Nedderlannen
Beatrix
Emily de Jongh-Elhage
Grött
 • Allens
 • Water (%)
 
800 km²
? %
Inwahnertall
 • 2004 afschätzt
 • Inwahnerdicht
 
218.126 (Stand Juli 2004)
227,2/km²
Geldsoort Antillen-Gulden (ANG)
BBP $ (2007)
$ je Kopp
Tietzoon UTC (UTC-4)
Internet-TLD .an
ISO 3166 AN un no value
Vörwahl ++599
Koort vun dat Land
Koort vun dat Land

De Nedderlannschen Antillen sünd vun'n 15. Dezember 1954 bit 10. Oktober 2010 nedderlannsche Gemarken in Översee un Se hören, na de Geografie hen, to de Lüttjen Antillen in de Karibische See to. Se sünd, blangen de (europääschen) Nedderlannen sülms un Aruba een Deel vun dat Königriek vun de Nedderlannen ween un bestunnen ut sess, siet 1986 ut fiev Eilannen. An'n 10. Oktober 2010 hett dat Land sik uplööst. Curaçao un Sint Maarten hefft as unafhängige Länner in dat Königriek vun de Nedderlannen fudder maakt, just so, as vördem al Aruba. Saba, Sint Eustatius un Bonaire sund vun dor af an as sunnerliche Gemeenden vun den Staat vun de Nedderlannen upnahmen wurrn, ohn, datt se to en nedderlannsche Provinz tohöörn doot.

Geographie[ännern | Bornkood ännern]

To de Nedderlannschen Antillen höört fiev Eilannen in de Karibische See to, wo Minschen up wohnen doot. Dor kaamt noch en Reeg vun lüttjere Inseln ohn Inwahners to. Alltohopen sünd se bi 800 km² groot:

Geschichte[ännern | Bornkood ännern]

De Haben vun Willemstad up Curaçao

Alonso de Ojeda hett de Eilannen an't Enne vun dat 15. Johrhunnert funnen. 1634 hett de nedderlannsche West-Indische Compagnie jem vun de Soaniers erovert. In den Loop vun de Tied sünd de Eilannen en paar Mol in de Hand vun verschedene Mächte ut Europa ween un se sünd dor ok ganz unnerscheedlich bi regeert wurrn. An den Status as Kolonie is en Enn kamen an'n 15. Dezember 1954. Dormols is na acht Johre Verhanneln dat Statuut för dat Königriek vun de Nedderlannen dör de Nedderlannen, Suriname un de Nedderlannschen Antillen unnertekent wurrn.

An'n 25. November 1975 is Suriname en unafhängigen Staat wurrn un dat Königriek vun de Nedderlannen hett vun dor af an ut de Nedderlannen un de Nedderlannschen Antillen bestahn. Mit den 1. Januar 1986 hett Aruba en Sunnerlichen Status kregen. Dat bedüüd, dat Aruba den Status vun en egenstännig Land binnen dat Königriek kreeg. To desülbige Tied is afmaakt wurrn, datt Aruba an'n 1. Januar 1996 ganz unafhängig weern scholl. Man Aruba hett al 1994 dor üm beden, nich wieter up de Unafhängigkeit to to stüern.

An'n 2. November 2006 is twuschen de Nedderlannen, Curaçao un Sint-Maarten is Afspraak maakt wurrn, wat bedüden deit, datt düsse twee Eilannen en sunnerlichen Status binnen dat Königriek kriegt, just so, as Aruba. Vördem al weern Afspraken maakt wurrn mit Saba, Sint Eustatius un Bonaire, datt se en Status as en openbaar lichaam kriegen schöllt, wat to verglieken is mit en Gemeende in de Nedderlannen. Dor schall, unner sunnerliche Umstänne, Nedderlannsche Gesettgeven an Stäe vun de Antilliaansche treden. De Inwahners dröövt denn mit afstimmen bi de Wahlen to dat Nederlannsche Parlament, de Tweede Kamer, un to dat Europääsche Parlament. Curaçao un Sint Maarten blievt bi ehr egen Gesettgeven. Dat kummt ok en egen Meenheitlichen Hoff vun de Justiz vun de Nedderlannschen Antillen un Aruba för de Nederlannen, Curaçao un Sint Maarten. De Nedderlannen nehmt de Schullen vun de Antillen in Hööchte vun 4 Milliarden Gulden över. In'n Tuusch dor gegen dröövt de Eilannen keen Kredieten mehr upnehmen.

De Nedderlannschen Antillen weert uplööst[ännern | Bornkood ännern]

De Nedderlannschen Antillen schollen as Land binnen dat Königriek an'n 15. Dezember 2008 uplööst weern, man dat hett nich slumpt. Sarah Wescot (en Ministersche up St. Maarten) woll geern, datt de näächste deadline an'n Anfang vun 2010 liggen dö, man de Nedderlannen hefft dor nich tostimmt.[1] An'n 1. September 2009 hett Saba bekannt maakt, datt düt Eiland direktemang ut de Nedderlannschen Antillen uttreden will, vunwegen datt Saba nich länger töven will, wie dat mit dat Upbören vun de Nedderlannschen Antillen nu wietergahn schall.[2]. Na de Staatssekretäärsche Bijleveld vun dat Nedderlannsche Binnenministerium un Ministerium för Saken vun dat Königriek is dat för Saba avers rechtlich nich mööglich, ut de Antillen up düsse Wiese ut to treden.[3].

Denn is na polietsche Afspraken twuschen Staatssekretäärsche Bijleveld un tostännige Politikers vun de Nedderlannschen Antillen beslaten wurrn, de Nedderlannschen Antillen schöllt an'n 10. Oktober 2010 as Land binnen dat Königriek uplööst weern.[4]. Curaçao un Sint Maarten weert denn sülvstännige Länner binnen dat Königriek. Bonaire, Sint-Eustatius un Saba weert besunnere Nedderlannsche Gemeenden.[5]. So is dat denn ok maakt wurrn.

Belegen[ännern | Bornkood ännern]

  1. Overgangsakkoord – Afspraken over de inwerkingtreding van de nieuwe staatkundige verhoudingen binnen het Koninkrijk der Nederlanden
  2. NRC Handelsblad (1 september 2009): "Saba wil meteen uit Antillen stappen"
  3. De Telegraaf (1 september 2009): "Bijleveld: helder signaal van Saba"
  4. Jean Mentens, 'Antillen opgeheven op 10-10-10, De Volkskrant 1-10-2009
  5. Jean Mentens, 'Antillen opgeheven op 10-10-10, NOS 1-10-2009