Naked Gun 33⅓: The Final Insult

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: Naked Gun 33⅓: The Final Insult
Düütsch Titel: Die nackte Kanone 33⅓
Produkschoonsland: USA
Johr vun’t Rutkamen: 1994
Läng: 79 Minuten
Originalspraak: Engelsch
Öllersfreegaav in Düütschland: FSK 12
Filmkru
Speelbaas: Peter Segal
Dreihbook: David Zucker
Pat Proft
Robert LoCash
Produkschoon: Robert K. Weiss
Musik: Ira Newborn
Kamera: Robert M. Stevens
Snitt: James R. Symons
Szenenbild: Lawrence G. Paull
Kledaasch: Mary E. Vogt
Dorstellers

Naked Gun 33⅓: The Final Insult (op plattdüütsch so veel as „De naakte Kanoon 33⅓: De letzte Beleidigung“; dt. Titel: Die nackte Kanone 33⅓) is de Titel vun en Filmkummedie ut dat Johr 1994. Dat is de drüdde Deel vun de Naked-Gun-Reeg, de 1988 mit The Naked Gun: From the Files of Police Squad! losgüng un 1991 mit The Naked Gun 2½: The Smell of Fear wietergüng.

Inholt[ännern | Bornkood ännern]

Frank Drebin, de na den tweeten Deel pensioneert worrn is, hett sik intwüschen in sien ne’e Rull as Huusmann inleevt, man togliek drauht de Eh vun Jane un Frank in de Brüch to gahn, vunwegen dat se geern vun em en Kind hebben will, he doröver aver en annere Ansicht hett. Man een Dag kriggt Frank Besöök vun sien ollen Kollegen, de em dorvun vertellt, dat en Bombendrauhn ingahn is. En Spoor föhrt över Tanya Peters, de Frank vun Fröher kennt. Dorüm fraagt se em noch mol för jem as Undercover-Polizist to arbeiten. Frank geiht dorop in.

Man, as he na Huus kummt finnt Jane rut, dat he wedder as Polizist arbeiten deit, wat se op’n Dood nich utstahn kann. Frank harr he dorüm versproken nie wedder för de Polizei to arbeiten. Se sütt ehr Vertroen broken un neiht mit ehr Fründin Louise ut. Frank geiht dorophen wedder an de Arbeit un mellt sik freewillig för en Undercover-Insatz in’t Gefängnis, woneem he ut en Fangenen wat över de Bomb un dat Teel vun den Anslag rutkriegen schall.

As Frank in’t Gefängnis ankummt, hebbt Rocco un sien Mitfangenen Tyrone all Plään maakt, woans se utbreken künnt. As en Wachmann den Plaan finnen deit, hülpt Frank em ut de Klemm un winnt so sien Vertroen. He snackt em ok för, dör en Tunnel ut dat Gefängnis wedder ruttokamen. Tosamen gaht se den Bo an un kamt opletzt free. Rocco sien Mudder holt jem af un bringt jem in en Huus an en See, wiet af.

Dummerwies hett Frank aver Jane en Taschendook tosteken hatt, wo he de Adress vun jüst dat Huus opschreven harr. Se finnt dat Taschendook un fohrt dorhen, vunwegen dat se nu na em längen deit. Se kummt an, as Frank jüst mit Tanya anbanneln deit. Se doot so, as wenn se sik nich kennt, un Frank kann jüst noch hinnern, dat Rocco ehr an de Siet maakt. Se beholt ehr as Geisel, för den Fall dat wat scheev lopen schüll.

Den nächsten Dag finnt se rut, dat Rocco en Bomb wiel de Oscar-Utgaav tünnern will. De Bomd schall in en Winner-Ümslag versteken warrn, man Frank kann nicht rutkriegen, welk Ümslag de Bomb bargt. Wiel de Galafier schall he buten blieven un op de Geisel oppassen. Frank lett sien Tarnung opflegen, leggt Roccos Mudder op Ies un geiht mit Jane tosamen op de Söök na de Bomb. Opletzt slüppt Frank in de Rull vun een vun de Sprekers, de de Priesen ankünnigt – dat warrt fakener dorop henwiest, dat he utsütt as Phil Donahue – un de Bomb warrt opfunnen.

Rocco kann de Bomb woll in sien Fingers kriegen, üm allns in de Luft to jagen de Schannen vun sien Mudder torüch to betahlen, man wegen en överspannt Kavel warrt he in’n Himmel schaten. Dorbi brickt he dör den Bodden vun den Heevschruver vun sien Opdraggevers, mit de tosamen he explodeert. To’n Sluss versprekt sik Jane un Frank vör all de Tokiekers noch eenmol, dat se sik nu ewig troo blieven wüllt un Jane seggt em to, dat Frank noch en beten länger as Polizist arbeiten dröff.

Kritik[ännern | Bornkood ännern]

Dat Lexikon vun’n internatschonalen Film schrifft, dat de Satire mit ehr Respektlosigkeit jümmer noch funkschoneeren de. De Film Film harr aver mehr Glück mit de Parodie vun de bekannten Filmvörbiller as mit de plumpen Geschicht rundrüm un de gresigen Smacklosigkeiten[1]

Utteken[ännern | Bornkood ännern]

De Film weer för dree Filmpriesen nomineert, de he ok all dree wunnen hett:

Anspelen op annere Filmen[ännern | Bornkood ännern]

Ok in’n drüdden Deel warrt wedder verschedene Speelfilmen parodeert: So kummt de Szeen to Anfang mit de Kinnerwagens ut The Untouchables, de wedder mit de Szeen en Referenz to den Film Bronenossez Potjomkin weer. En Anspelen op Jurassic Park warrt in’n Vörspann wiest, woneem dat Polizeiauto vun en Dinosaurier tweipeddt warrt. As Jane mit ehr Frünin Louise dörbrennen deit warrt dormit op den Film Thelma & Louise anspeelt. De Duschszeen in’t Gefängnis, in de Drebin mit en homosexuellen Mitfangen to doon kriggt betütt sik op den Film Escape from Alcatraz. De Flucht ut dat Gefängnis un de Tunnelbo speelt op The Great Escape an un dat Verdeelen vun den Schutt ut’n Tunnelbo dör de Büxentschen op’n Gefängnishoff is en Paradie op den Film The Shawshank Redemption.

Anners wat[ännern | Bornkood ännern]

Borns[ännern | Bornkood ännern]

  1. Kritik in’t Lexikon vun’n internatschonalen Film afropen an’n 8. Juli 2012

Weblenken[ännern | Bornkood ännern]