Escape from Alcatraz (Film)

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: Escape from Alcatraz
Düütsch Titel: Flucht von Alcatraz
Produkschoonsland: USA
Johr vun’t Rutkamen: 1979
Läng: 107 Minuten
Originalspraak: Engelsch
Öllersfreegaav in Düütschland: FSK 12
Filmkru
Speelbaas: Don Siegel
Dreihbook: Richard Tuggle
Produkschoon: Don Siegel,
Robert Daley,
Fritz Manes
Musik: Jerry Fielding
Kamera: Bruce Surtees
Snitt: Ferris Webster
Szenenbild: Allen E. Smith
Kledaasch: Glenn Wright
Dorstellers

Escape from Alcatraz (op Platt so veel as „Flucht vun Alcatraz“; dt. Titel: Flucht von Alcatraz) is en Literaturverfilmen vun den Roman „Escape from Alcatraz“ vun J. Campbell Bruce. De Roman ist 1963 rutkamen un weer 1979 vun Don Siegel verfilmt. De Hööftrull weer mit Clint Eastwood besett.

Inholt un Achtergrund[ännern | Bornkood ännern]

Frank Morris, en mehrfachen Inbreker un övten Gefängnisutbreker, warrt na Alcatraz brocht - op de Gefängnisinsel, vun de seggt warrt, dat vun dor nümms flüchten kann. Wieldat he sik dör denn harden Alldag in’n Gefängnis kämpen deit, denkt Morris an nix anners as an Flucht un fangt an to planen. Tohopen mit twee annere Fangenen – en drütten plaant mit, blifft aver torüch – schapt he na lange Vörarbeit de Flucht över’t Dack vun’n Zellenblock un wieter na de See. Of de wietere Flucht mit en sülvst booten Gummiboot Spood hett, blifft in den Film apen, warrt aver in an’n End vun’n Film andüüdt.

Jüst so is dat nich klor, of de echte Koppel vun Utbrekers, de as Vörbild för den Roman un dormit ok för den Film deent, de Flucht schapt un vör allen överleeft hebbt. Doröver warrt jümmer wedder diskuteert un spekuleert. De teemlich utföhrliche Ünnersöken, de to de Tiet vun dat FBI maakt weern, harr to’n Ergevnis, dat de Utbrekers mit eenige Wohrschienlichkeit afsopen sünd. Mööglicherwies sünd de Lieken later op’t apen Meer sicht worrn, tomol ok an Land keen Teken funnen weer, dat op dat Wieterleven irgendwo hindüden de. Vundaag sünd de Ünnerlagen vun den Fall free togänglich.

Man, dat gifft liekers ok de Mööglichkeit, dat de Flucht Spood harr. Dormit weer de Koppel denn de eenzige, de en Flucht vun Alcatraz schapt hett. Offiziell harr man dat aver woll geern afstreden, nich toletzt ok, üm den Roop vun de Inrichten Alcatraz oprecht to hollen.

Anners wat[ännern | Bornkood ännern]

De Naam vun den Zellennaver Charles Butts is bi de düütsche Översetten in „Charlie Marsch“ ännert worrn, üm en Woortwitz mit den Originalnaam „Butts“ (engelsch för „Oors“, Mehrtall) to övernehmen.

In dissen Film harr de later düchtig beropen worrn Danny Glover sien eerste lütte Filmrull, as een vun de Fangenen, de sik üm English versammelt.

Literatur[ännern | Bornkood ännern]

J. Campbell Bruce: Escape from Alcatraz Ten Speed Press Mai 2005, ISBN 1-58008-678-0

Weblinks[ännern | Bornkood ännern]