Harry Potter and the Order of the Phoenix (Film)

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: Harry Potter and the Order of the Phoenix
Düütsch Titel: Harry Potter und der Orden des Phönix
Produkschoonsland: USA
Grootbritannien
Johr vun’t Rutkamen: 2007
Läng: 138 Minuten
Originalspraak: Engelsch
Öllersfreegaav in Düütschland: FSK 12
Filmkru
Speelbaas: David Yates
Dreihbook: Michael Goldenberg
Joanne K. Rowling (Roman)
Produkschoon: David Heyman
Tim Lewis
Musik: Nicholas Hooper
John Williams (Hööftthema)
Kamera: Sławomir Idziak
Snitt: Mark Day
Dorstellers

Harry Potter and the Order of the Phoenix (op Platt so veel as „Harry Potter un de Phönix-Orden“; dt. Titel: Harry Potter und der Orden des Phönix) is de Titel vun en britisch-US-amerikaanschen Fantasy-Film ut dat Johr 2007. De Film stellt en Verfilmen vun den föfften Roman ut de Harry-Potter-Reeg vun Joanne K. Rowling dor. Speelbaas vun dissen föfften Film weer David Yates.

Inholt[ännern | Bornkood ännern]

As dat begäng is, verleeft Harry Potter sien Sommerferien mol wedder bi siene överdreihten Verwandten, de Dursleys, mit de he sik nich vergahn kann. Een Dag warrt he un sien Vedder Dudley vun twee Dementoren angrepen. Harry weet sik nich anners to helpen, as mit en Töver. Man, buten de School is dat nicht verlööft, dat de Schölers Töveree anwennen doot, un so warrt Harry toeerst vun Hogwarts suspendeert. In de glieken Nacht noch warrt Harry vun eenige Liddmaten vun’n so nöömten Phönix-Orden afhollt un in jemehr Hööftquarteer bröcht. Dor warrt em seggt, dat he nich suspendeert is, man in’t Tövereeministerium to en Anhören kamen schall. He warrt ok wies, dat de Phönix-Orden en Organisatschoon is, de dat al mehrere Johren gifft, un de inst vun Dumbledore grünnt weer, üm organiseert gegen Lord Voldemort un sien Anhangers to kämpen. Un nu, as de düstere Lord (in’n vörherigen veersten Deel) wedder torüchkamen is, weer de Orden wedder tosamenropen.

Man, dat Voldemort wedder torüch is, dat hett blots Harry sehn. De Töverminister, Cornelius Fudge, will vun sien Geschicht aver nix weten un sett de Presse ünner Druck, dat se Harry Potter un den Schooldirekter Prof. Dumbledore as nich ganz bi sik dorstellen schüllt. Butendem hett Fudge jemehr starker dat Geföhl, verfolgt to warrn, un glöövt, dat Dumbledore blots utnütten will, dat all Lüüd bang sünd för Voldemort, üm em opletzt ut sien Amt to verdrieven. In dissen Wahn stiegert he sik so dull rin, dat he sien eerste Ünnersekretäärsche, Dolores Umbridge, as ne’e Schoolmeestersche för’t Verdeffenderen gegen de düsteren Künst insetten deit, üm Hogwarts ünner Kontroll to bringen. Umbridge versöcht dorophen mit all Middels, Harry sien „Swinnelee“ uttodrieven un sett em dat hele Schooljohr bannig ünner Druck. Wieter sorgt se ok dorför, dat ehr Schölers sülvst keen Magie anwennen doot. Mit de Tiet wasst ehr Influss un Macht, bit se opletzt Dumbledore as Schoolleider aflösen deit. Harry lett sik dat aver nich gefallen un geiht gegen Umbridge, as heheemlich en Bund mit Naam „Dumbledores Armee“ in’t Leven röppt un sik doran maakt, sien Mitschölers in Töveree to’n Verdeffenderen to ünnerwiesen. Eerst na eenige Tiet kann Umbridge mit Help vun den Huusmeester Filch un eenige Liddmaten vun dat Huus Slytherin den geheemen Ruum utfinnig maken, woneem Dumbledores Armee jemehr Tövers öövt.

To’t Enn vun’n Film maakt sik betahlt, dat Harry sien Mitschölers ünnerricht hett. En ganze Reeg vun Doodeters neemlich, versöökt in’t Tövereeministerium intobreken, üm ut de Archiven en mysteriöse Prophezeiung to klauen. Harry un sien Lüüd stellt sik gegen jem. He warrt wies, worüm dat in de Prophezeiung geiht, neemlich dat he de Utwählte is, de Lord Voldemort ümbringen mutt, vun wegen dat „keen vun jem beiden leven kann, wenn de annere överleevt“.

In letzte Sekunn kriggt se Help vun eenige Lüüd vun den Phönixorden, de de meisten vun de Doodeters utschalten künnt. Harrys Fründ un Paat Sirius Black kummt bi den Angreep aver dör de Hand vun Bellatrix Lestrange üm’t Leven. Ok Lord Voldemort sülvst is ünner de Doodeters un levert sik mit sien Arzfeend Dumbledore en gresig Gefecht. Voldemort versöcht sik den Lief vun Harry antoegen, man opletzt mutt sik de düstere Lord torüchtehn.

As dat nu in’t Ministerium passeert is, kann Fudge nich länger an de Wohrheit vörbikieken un mutt nu offiziell togeven, dat Voldemort torüch is, un he verkehrt legen hett.

Kritik[ännern | Bornkood ännern]

Lexikon vun’n internatschonalen Film: Atmosphärisch dichte, reich ausgestattete Fantasy-Adaption, die ihre fiktive Welt ebenso spektakulär wie sinnlich in Szene zu setzen weiß. Dabei sorgen die Selbstzweifel der Hauptfigur und die Auseinandersetzung mit dem Tod für nachdenklich-dunkle Töne.[1]

Cinema: Die rasante Story fesselt immer wieder durch atemberaubende Bilder. […] Ärgerlich ist dagegen, dass Regisseur David Yates Top-Schauspielern wie Alan Rickman oder Emma Thompson kaum Raum zur Entfaltung gibt. Selbst die Jungstars Emma Watson und Rupert Grint verkommen zu Stichwortgebern für Daniel Radcliffe. Der wiederum meistert seine Rolle beeindruckend. […] Harrys fünftes Abenteuer ist ein veritabler Fantasy-Thriller mit Horror-Elementen – und nichts für Kinder.[2]

Utteken[ännern | Bornkood ännern]

De Film hett groten Tospraak funnen, wat sik ok bi de Filmpriesen wiesen deit. Tosamen weer he vör meist 40 Priesen nomineert, wovun he mit teihn ehrt worrn is:

  • 2007: mit den Teen Choice Award in de Kategorie Sommer Film – Action/Drama-Aventüer
  • 2007: mit den Sierra Award in de Kategorie Best Bühnenbild
  • 2007: mit den National Movie Award in de Kategorie Best Familienfilm
  • 2007: mit den National Movie Award in de Kategorie Best Dorstellersche för Emma Watson
  • 2007: mit den National Movie Award in de Kategorie Best Dorsteller för Daniel Radcliffe
  • 2008: mit den Empire Award in de Kategorie Best Speelbaas för David Yates
  • 2008: mit den Golden Trailer Award in de Kategorie Best Animatschoons-/Familien-Feernsehspot
  • 2008: mit den Tokieker-Pries vun de European Film Awards in de Kategorie Best Film för David Yates
  • 2008: mit den People’s Choice Award in de Kategorie Leefst sehn Filmdrama
  • 2008: mit den VES Award in de Kategorie Rutragen Trickeffekten in en Speelfilm för John Richardson, Steve Hamilton, Ricky Farns, Stephen Hutchinson

Finanziell Spood[ännern | Bornkood ännern]

Harry Potter and the Order of the Phoenix höört to de Filmen, de an’n meisten Geld in de Kinokassen bröcht hebbt. Aleen in de USA hett de Film al an sien eersten Dag 44,2 Millionen US-Dollar inspeelt. Weltwiet hett de Film 938 Millionen US-Dollar inbröcht, dorvun ruchweg 290 Millionen alleen in de USA. [3]

In de USA harr de Film ok de meisten Tokiekers in’t Kino, neemlich 42.442.549 Lüüd, folgt vun Grootbritannien mit nich ganz 10 Millionen un Düütschland ’n beten mehr as 7 Millionen Minschen.

De Soundtrack is in de Düütschen Album-Charts op Platz 44 instegen, is aver al na een Week wedder ut de Top 50 rutfallen.

Literatur[ännern | Bornkood ännern]

Borns[ännern | Bornkood ännern]

  1. Harry Potter und der Orden des Phönix; Filmlexikon
  2. Harry Potter und der Orden des Phönix; Cinema-Kritik
  3. HP auf Boxoffice Mojo

Weblenken[ännern | Bornkood ännern]