Emma Watson
Vun Wikipedia
Emma Charlotte Duerre Watson (* 15. April 1990 in Paris, Frankriek) is en britsche Schauspelerin. Se is bekannt worrn dör ehr Rull as Hermine Granger in de Filmen vun de Harry Potter-Romanen.
Inholtsverteken |
[ännern] Biografie
Emma Watson hett de eersten fief Johren vun ehr Kindheit in Paris verleevt. Dorna tög ehr Familie na England üm. Ehr Öllern Jaqueline Watson un Chris Watson, de beide Afkaten sünd, hebbt sik 1995 scheden laten. De Vadder is dorna na London gahn, woneem he sien egen Kanzlei apen maakt hatt. Ehr Mudder is mit Emma un den dree Johr jüngeren Broder Alex na Oxford togen. Dor leevt se bit hüüt.
Watson harr eersten Kontakt to de Schauspeleree in de Dragon School. Vör ehrn eersten Kino-Film hett se al bi mehrere Opföhren vun’t Schooltheater Hööftrullen speelt. Un in’t Öller vun söven Johr harr se ok al mol den eersten Pries wunnen bi de Daisy Pratt Poetry Competition, en Wettstriet, wo Gedichten vördragen warrt. To dat Casting to Harry Potter and the Sorcerer’s Stone is Emma Watson 2000 vun ehrn Theater-Lehrer anmellt worrn, de grote Stücken op ehr schauspelerisch Leistung hollen hett. Dor hett se sik gegen ruchweg 4000 annere Deerns dörsett un kreeg mit Hermine Granger de wieflich Hööftrull.
Vun wegen den groten Spood vun’n eersten Film in de Kino is Emma Watson sotoseggen över Nacht tosamen mit ehr Kollegen weltwiet bekannt worrn. De Gage, de se för den tweeten Film kasseert hett, weer denn ok meist teihnmol so hooch as för de eersten Deel.[1] In de Twüschentiet hett se aver ok blangen de Harry-Potter-Reeg noch bi annere Produkschonen mitarbeit.
Siet Mitt 2007 is Emma Watson de ne’e Warffigur vun Chanel, womit se sik in een Reeg stellt mit Stars as Nicole Kidman oder Kate Moss.
Man, Emma Watson hett bi all den Spood ok annere wichtige Saken nich schluren laten. Wat bi ehr Rull in de Potter-Reeg, woneem se en överkloke Streversche speelt, goot lett, is de Ümstand, dat se ehr Abitur ok in’t wirkliche Leven mit beste Noten afslaten hett.[2]
[ännern] Filmografie
| Johr | Titel | Synchroonsnacker |
|---|---|---|
| 2001 | Harry Potter and the Sorcerer’s Stone dt.: Harry Potter und der Stein der Weisen |
Gabrielle Pietermann |
| 2002 | Harry Potter and the Chamber of Secrets dt.: Harry Potter und die Kammer des Schreckens |
Gabrielle Pietermann |
| 2004 | Harry Potter and the Prisoner of Azkaban dt.: Harry Potter und der Gefangene von Askaban |
Gabrielle Pietermann |
| 2005 | Harry Potter and the Goblet of Fire dt.: Harry Potter und der Feuerkelch |
Gabrielle Pietermann |
| 2007 | Ballet Shoes, Feernsehn | |
| 2007 | Harry Potter and the Order of the Phoenix dt.: Harry Potter und der Orden des Phönix |
Gabrielle Pietermann |
[ännern] Priesen un Utteken
Liekers noch bannig jung, hett Emma Watson al en poor Priesen wunnen un weer ok al nomineert för beropen Utteken as t. B. för den Saturn Award, den britschen Empire Awards oder den MTV Movie Award. Wunnen hett se:
- 2002: den Young Artist Award in de Kategorie Beste Hööftdorstellerin in en Speelfilm för Harry Potter and the Sorcerer’s Stone
- 2003: den Phoenix Film Critics Society Award in de Kategorie Beste junge Dorstellerin in en Hööftrull för Harry Potter and the Chamber of Secrets.
- 2007: den National Movie Award in de Kategorie Beste Dorstellerin för Harry Potter and the Order of the Phoenix
Butendem hett se fief mol den düütschen Bravo Otto wunnen:
- 2003 in Sülver in de Kategorie Kinostar, Fro.
- 2004 in Bronze in de Kategorie Kinostar, Fro.
- 2005 in Gold in de Kategorie Kinostar, Fro.
- 2006 in Gold in de Kategorie Kinostar, Fro.
- 2007 in Gold in de Kategorie Kinostar, Fro.
[ännern] Bornen
- ↑ http://www.emmaempire.net/archives/cms.de.emmasfortune.html Emma’s Fortune
- ↑ Spiegel-Online: Emma Watson glänzt mit Spitzenabitur vun’n 16. August 2008
[ännern] Websteden
- Emma Watson in de Internet Movie Database
- offiziell Websteed (engelsch)
- Emma Watson Empire (düütsch)
