Gary Oldman

Vun Wikipedia
Wesseln na: Navigatschoon, Söök
Gary Oldmann (2011)

Leonard Gary Oldman (* 21. März 1958 in New Cross, London) is en britischen Schauspeler un Filmproduzent.

Leven un Wark[ännern | Bornkood ännern]

Oldman is de Söhn vun en Schweißer un en Huusfro. Optogen weer he vun sien Mudder un sien beiden Süstern, vun wegen dat sien Vadder vun wegen siene Alkoholkrankheit tomeist nich togegen weer. Invt Öller vun sössteihn Johren is he vun de School afgahn, hett aver in de Tiet blangen sien Arbeit in en Sportfackladen veel Literatur leest un sik sülvst dat Klavierspelen bibröcht.

Över den Schauspeelschoolmeester Roger Williams is he an’t Theater kamen. He hett em sülvst den eersten Theater-Ünnerricht geven. Mit en Stipendium künn he dat Rose Bruford Drama College besöken. In’t Johr 1979 hett he an’t Royal Court Theatre in London sien Loopbahn as Theaterschauspeler anfungen. 1985 is he för The Pope’s Wedding mit den Fringe Award as besten Nawassschauspeler un mit den Drama Magazine Award as besten Schauspeler uttekent worrn.

In de 1980er Johren hett he bi de BBC ok eerste Insichten vör de Kamera wunnen. Toeerst hett he in teemlich unbekannte Filmen mitspeelt un is denn wedder an’t Theater wesselt, bit he 1986 mit Sid and Nancy sien eersten Kinofilm harr, de över Sid Vicious, den Bassisten vun de Sex Pistols güng. De authentische Intrepretatschoon vun sien Rull is vun de Kritik loovt worrn. Sien nächsten grötteren Kino-Spood harr he 1991 mit den Polit-Thriller JFK, in den he Lee Harvey Oswald spelen de, de John F. Kennedy ümbrocht hebben schall. Siet de Tiet hett he dat Image vun den Bösen, den he dorna in vele annere Filmen wedder speelt hett. In de Verfilmen vun de Harry-Potter-Reeg hett Oldman de Rull Sirius Black speelt, wat för em mol en Rull vun de Goden weer. Toletzt weer he in de Batman-Filmen Batman Begins un The Dark Knight vun den Speelbaas Christopher Nolan to sehn.

Oldman is dorför bekannt, dat he sien Rullen mit ünnerscheedliche Akzenten utboet. In Interviews un buten de Filmen snackt he mit’n Cockney-Dialekt, mit den he opwossen is. Gary Oldman weer Enn vun de 1980er Johren mit Lesley Manville verheiraat un hett en Söhn mit ehr. Vun 1990 bit 1992 harr he en Eh mit Uma Thurman un bi de Dreiharbeiten to Immortal Beloved, in den he de Komponisten Ludwig van Beethoven speelt hett, hett he mit de Schauspelersche Isabella Rossellini anbannelt, mit de he sik 1994 verlöövt hett. Man, twee JOhren later sünd se wedder uteneen gahn.[1] Vun 1997 bit 2001 weer he tosamen mit de US-amerikaanschen Fotograafsche Donya Fiorentino, mit de he twee Söhnen hett. Vun 2002 bit 2005 leev he tohopen mit de Schauspelersche Ailsa Marshall.[2] An’n 31. Dezember 2008 hett Oldman de Singersche Alexandra Edenborough heiraat.[3] Oldman weer tietwies wegen Alkoholproblemen in en Afwennklinik.

Filmografie (Utwahl)[ännern | Bornkood ännern]

Johr Titel Synchroonsnacker
1986 Sid and Nancy
dt.: Sid und Nancy
Thomas Petruo
1987 Prick Up Your Ears
dt.: Das stürmische Leben des Joe Orton
Benjamin Völz
1988 Criminal Law
dt.: Der Frauenmörder
Joachim Tennstedt
1989 Chattahochee  
1990 Rosencrantz & Guildenstern are dead
dt.: Rosencrantz und Güldenstern sind tot
Stephan Schwartz
1990 State of Grace
dt.: Im Vorhof der Hölle
Thomas Petruo
1991 JFK
dt.: JFK – Tatort Dallas
Thomas Petruo
1992 Bram Stoker’s Dracula
dt.: Bram Stokers Dracula
Christian Brückner
1993 True Romance Thomas Petruo
1993 Romeo is Bleeding Thomas Petruo
1994 Léon
dt.: Leon – Der Profi
Thomas Petruo
1994 Immortal Beloved
dt.: Ludwig van B.
Rüdiger Joswig
1995 Murder in the First
dt.: Murder in the First – Lebenslang in Alcatraz
Till Hagen
1995 The Scarlet Letter
dt.: Der Scharlachrote Buchstabe
Rüdiger Joswig
1996 Basquiat Ulrich Frank
1997 Air Force One Udo Schenk
1997 The Fifth Element
dt.: Das Fünfte Element
Udo Schenk
1998 Lost in Space Udo Schenk
1998 Quest for Camelot
dt.: Das magische Schwert Die Legende von Camelot
Joachim Hübner (Singen)
K. Dieter Klebsch (Spreken)
1999 Jesus, Feernsehn
dt.: Die Bibel – Jesus
Bernd Vollbrecht
2000 The Contender
dt.: Rufmord – Jenseits der Moral
Ulrich Frank
2001 Hannibal Lutz Mackensy
2002 Interstate 60: Episodes of the Road
dt.: Interstate 60
Udo Schenk
2003 Sin
dt.: Sin – Der Tod hat kein Gewissen
Udo Schenk
2003 Tiptoes Udo Schenk
2004 Dead Fish  
2004 Harry Potter and the Prisoner of Azkaban
dt.: Harry Potter und der Gefangene von Askaban
Pierre Peters-Arnolds
2005 Batman Begins Udo Schenk
2005 Harry Potter and the Goblet of Fire
dt.: Harry Potter und der Feuerkelch
Pierre Peters-Arnolds
2006 Bosque de sombras
dt.: Backwoods – Die Jagd beginnt
Udo Schenk
2007 Harry Potter and the Order of the Phoenix
dt.: Harry Potter und der Orden des Phönix
Pierre Peters-Arnolds
2008 The Dark Knight Udo Schenk
2009 The Unborn Udo Schenk
2009 A Christmas Carol
dt.: Eine Weihnachtsgeschichte
Udo Schenk
2009 Planet 51, Stimm Udo Schenk
2010 The Book of Eli Udo Schenk
2011 Harry Potter and the Deathly Hallows: Part 2
dt.: Harry Potter und die Heiligtümer des Todes. Teil 2
Pierre Peters-Arnolds
2011 Red Riding Hood
dt.: Red Riding Hood – Unter dem Wolfsmond
Udo Schenk

Utteken[ännern | Bornkood ännern]

För siene Filmarbeiten is Oldman al över 25 mol för Priesen un Utteken vörslahn wesen, ünner annern ok för den Primetime Emmy. Uttekent worrn is Oldmann bit hüüt 10 Priesen:

Borns[ännern | Bornkood ännern]

  1. tiscali.co.uk Gary Oldman Biography, Siet 10
  2. tiscali.co.uk Gary Oldman Biography, Siet 14
  3. Gary Oldman marries fourth wife Alexandra Edenborough, telegraph.co.uk

Weblenken[ännern | Bornkood ännern]

Commons-logo.svg Gary Oldman. Mehr Biller, Videos oder Audiodateien to’t Thema gifft dat bi Wikimedia Commons.