Rupert Grint

Vun Wikipedia
Rupert Grint bi de Premiere vun Harry Potter and the Order of the Phoenix in Toronto

Rupert Lloyd Alexander Grint (* 24. August 1988 in Stevenage, Hertfordshire) is en britschen Schauspeler. Bekannt worrn is he dör sie Rull in de Harry-Potter-Filmen, in de he Ron Weasley dorstellt hett.

Biografie[ännern | Bornkood ännern]

Rupert Grint is de Söhn vun eenfache Lüüd: sien Mudder is Huusfro un sien Vadder Souvenirhännler. He hett veer jüngere Süsters un Bröder. In fröhe Johren hett he an de School al Theater speelt as ok in en öörtliche Laientheater-Grupp.

In’t Öller vu ölven Johren hett Grint, de sik sülvst as groten Fan vun de Harry-Potter-Romanen betekent, ahn Insichten in’t Filmgewarf för de Rull Ron Weasley beworven, mit en Video neemlich, in dat he en sülvst schreven Leed rappt. De grote Spood vun den eersten Potter-Film hett dorto föhrt, dat he tosamen mit sien Schauspeelkollegen weltbekannt worrn is. Över sik sülvst seggt Grint, dat he un sien Filmrull sik in vele Punkten teemlich glieken doot, so as de Band för Spinnen, de roden Hoor oder sien grote Familie[1].

2002 speel he denn in de britschen Kummedie Thunderpants mit, in den he en wehligen jungen Professer dorstellen de. Dorna harr he wedder noog to doen mit de wieteren Filmen ut de Harry-Potter-Reeg, in de he tosamen mit Daniel Radcliffe un Emma Watson wieter in en Hööftrull to sehn weer. Twüschendör stünn he 2006 för den Film Driving Lessons vör de Kamera. Anfang 2009 is de Film Cherrybomb mit Grint in de Hööftrull rutkamen.

Na en Angaav vun’t US-amerikaansche Forbes Magazine tellt Grint opstunns to de Jungdorstellers mit den hööchsten Verdeenst in Hollywood. In de Tiet twüschen Juni 2007 un Juni 2008 hett he Gaaschen in Hööch vun 5 Millionen US-Dollar kregen un liggt dormit tosamen mit de US-Amerikanerin Hilary Duff op’n achten Rang[2].

2004 hett Gringt de Richard Hale School mit dat General Certificate of Secondary Education afslaten.

Filmografie (Utwahl)[ännern | Bornkood ännern]

Johr Titel Synchroonsnacker
2001 Harry Potter and the Sorcerer’s Stone
dt.: Harry Potter und der Stein der Weisen
Max Felder
2002 Thunderpants  
2002 Harry Potter and the Chamber of Secrets
dt.: Harry Potter und die Kammer des Schreckens
Max Felder
2004 Harry Potter and the Prisoner of Azkaban
dt.: Harry Potter und der Gefangene von Askaban
Max Felder
2005 Harry Potter and the Goblet of Fire
dt.: Harry Potter und der Feuerkelch
Max Felder
2006 Driving Lessons
dt.: Driving Lessons – Mit Vollgas ins Leben
Max Felder
2007 Harry Potter and the Order of the Phoenix
dt.: Harry Potter und der Orden des Phönix
Max Felder
2009 Cherrybomb Max Felder
2009 Harry Potter and the Half-Blood Prince
dt.: Harry Potter und der Halbblut-Prinz
Max Felder
2010 Wild Target
dt.: Wild Target – Sein schärfstes Ziel
Max Felder
2010 Harry Potter and the Deathly Hallows: Part 1
dt.: Harry Potter und die Heiligtümer des Todes
Max Felder
2011 Harry Potter and the Deathly Hallows: Part 2
dt.: Harry Potter und die Heiligtümer des Todes: Teil 2
Max Felder
2012 Into the White Max Felder
2013 The Necessary Death of Charlie Countryman
dt.: Lang lebe Charlie Countryman
Max Felder
2013 Super Clyde, Feernsehn  
2014 Postman Pat: The Movie, Stimm  
2015 Moonwalkers Max Felder
2017 Sick Note, Feernsehreeg  
2017-18 Snatch, Feernsehreeg Max Felder

Utteken[ännern | Bornkood ännern]

De Afdrück vun Hannen, Fööt un Töverstääv vun Emma Watson, Daniel Radcliffe un Rupert Grint vör’t Grauman’s Chinese Theatre in Los Angeles vun’n Juli 2007[3]

Rupert Grint weer bit hüüt (Februar 2009) söven mol för Filmpriesen vörslahn, wovun he twee wunnen hett:

  • 2002: den Young Artist Award' in de Kategorie Veelversprekenste junge Needorsteller för Harry Potter and the Sorcerer’s Stone.
  • 2002: den Sünnerpries vun de Satellite Awards as Rutragen nee Talent för Harry Potter and the Sorcerer’s Stone.

Borns[ännern | Bornkood ännern]

  1. DVD „Harry Potter und der Feuerkelch“: Interview „Im Gespräch mit den Schauspielern“ op de Bonus-DVD
  2. vgl. Johnson, Wesley: Hollywood's Top Earners. Press Association Newsfile, 23. Juli 2008, 4:38 PM BST
  3. Daniel Radcliffe: Matsch-Hände sind «cool», afropen an’n 24. Februar 2008

Weblenken[ännern | Bornkood ännern]