Westerbeek (Gemeen Oosterholt-Scharmbeek)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27711 | |
| Vörwahl: | 04791 | |
| Geograafsche Laag: | Koordinaten:53° 15′ N, 8° 47′ O53° 15′ N, 8° 47′ O | |
|
| ||
Westerbeek (hoochdüütsch Westerbeck) is en Dörp in de Gemeen Oosterholt-Scharmbeek in’n Landkreis Oosterholt, Neddersassen.
Geografie
[ännern | Bornkood ännern]In’n Westen von Westerbeek op de Lange Heid hett de Scharmbeker Beek sien Born. De Borns von’n Giehler Beek un den Möhlenbeek sünd ok nich wied weg in’n Noordwesten un Noordoosten.
De Naveröörd sünd Hülsbarg in’n Noorden, Freißenbüttel un Sandhusen in’n Noordoosten, Pennigbüttel in’n Oosten, Oosterholt in’n Süüdoosten, Scharmbeek in’n Süden, Buschhusen un Bargten in’n Süüdwesten, Heilshorn in’n Westen un Garlst in’n Noordwesten.
Historie
[ännern | Bornkood ännern]Westerbeek kummt 1182 as Westerbeke toeerst in de Oorkunnen vör.
In’n Eersten Weltkrieg sünd 16 Soldaten ut Westerbeek fullen oder vermisst.[1]
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Westerbeek in’n Kanton Oosterholt höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Scharmbeek in’n Kanton Oosterholt.
De Oort hett vör 1848 to dat Gericht Sandbeek un denn von 1848 bet 1885 to de Vaagdie Sandbeek in dat Amt Oosterholt tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en, grötteren Kreis Oosterholt tohoopgahn is.
De Oort is an’n 29. September 1936 Deel von de Gemeen Oosterholt-Scharmbeek worrn.
Inwahnertall
[ännern | Bornkood ännern]| Johr | Inwahners |
|---|---|
| 1812[2] | 264 |
| 1824[3] | 53 Füürsteden |
| 1848[4] | 321 Lüüd, 49 Hüüs |
| 1. Dezember 1910[5] | 324 |
| 1925[6] | 303 |
Religion
[ännern | Bornkood ännern]Westerbeek is evangeelsch-luthersch präägt un höört to dat Kaspel von de Willehadi-Kark in Oosterholt-Scharmbeek.
För de Kathoolschen is de Hillige-Familie-Kark in Oosterholt-Scharmbeek tostännig.
Kultur
[ännern | Bornkood ännern]En Denkmaal för de Fullenen ut den Eersten Weltkrieg steiht in Westerbeek an de Hauptstraat.
Weertschop un Infrastruktur
[ännern | Bornkood ännern]In’n Westen von Westerbeek leeg von 1966 bet 1995 en HAWK-Raketenstellung von de Flugabwehrraketengruppe 31. Op dat 11 Hektar grote Gelänn is 2010 en Photovoltaik-Anlaag boot worrn, de en Leistung von 2,4 MW hett.
Verkehr
[ännern | Bornkood ännern]Dör Westerbeek löppt de Kreisstraat 46, de in’n Noordwesten na Hülsbarg un na Garlst löppt. In’n Süden geiht de K 46 na Scharmbeek un is verbunnen mit de Bundsstraat 74, de in’n Noordoosten na Bremervöör geiht un in’n Süüdwesten na Hu’e un Ihlpohl/Borgdamm. Lüttjere Straten gifft dat ans na Freißenbüttel, Pennigbüttel un Bargten.
De nächsten Autobahnen sünd de Autobahn 27 un de Autobahn 270. De Verkehrsknoten Bremen-Noord liggt so bi teihn Kilometer in’n Süüdwesten von Westerbeek.
De nächste Bahnhoff is so bi veer Kilometer wied weg in’n Süüdoosten in Oosterholt-Scharmbeek an de Bahnlien Bremen-Bremerhoben.
Footnoten
[ännern | Bornkood ännern]- ↑ Onlineprojekt Gefallenendenkmäler
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 105: http://books.google.de/books?id=Q 5OAAAAcAAJ&pg=PA105
- ↑ C. H. Jansen: Statistisches Handbuch des Königreichs Hannover. 1824, Sied 654: http://books.google.de/books?id=tG0AAAAAcAAJ&pg=PA654
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 138: http://books.google.de/books?id=eOI-AAAAcAAJ&pg=PA138
- ↑ http://www.gemeindeverzeichnis.de/gem1900/gem1900.htm?hannover/osterholz.htm
- ↑ http://www.verwaltungsgeschichte.de/osterholz.html