Waag (Steernbild)

Daten to dat Steernbild Waag
Naam	Waag
Latiensch Beteken	Libra
Latiensch Genitiv	Librae
Latiensch Afkörten	Lib
Laag	op d Ekliptik
Rektaszension	14h 21m bit 16h 2m
Deklinatschoon	-29° 59´ bit -0° 28´
Flach	538 Quadratgrad
Woneem to sehn	60° Noord bit 90° Süüd
Wanneer to sehn (in Düütschland)	Januar bit Juli
Tall vun de Steerns mit Magnitude < 3^m	2
Hellste Steern, Magnitude	Zuben-el-schemali 2,61^m
Meteorströöm	—
Naversteernbiller (vun Noord in’n Klockenwiesersinn)	Slang (Kopp) Jumfer Waterslang (Zentaur) Wulf Skorpion Slangdräger
Koort vun’t Steernbild Waag

De Waag (lat. Libra, astronoomsch Teken ♎) is een vun de modernen 88 Steernbiller un is op de Ekliptik to finnen. Dormit tellt de Waag to de Deerkreisbiller.

Utsehn un Beschrieven

Opnahm vun de Waag (Mitt), de hellen Steerns links ünnen höört to’n Skorpion

De Waag is en Steernbild twüschen den Skorpion un de Jumfer. Blots twee vun ehr Steerns sünd heller as de 3. Gröttenklass, wat dat Steernbild ’n beten weniger opfällig maakt as de annern Deerkreisbiller. Liekers is de Waag mit Free Oog to sehn.

De Positschoon vun de Waag is op de Ekliptik, so dat de Sünn, de Maand un de Planeten dör dat Steernbild dörlopen dörtehn künnt. Dormit höört se na Definitschoon to de Deerkreisbiller. Wegen de Präzesschoonsbewegen vun de Eerdass hett sik de Tiet vun’n Sünndörgang dör de Waag siet dat Öllerdom ännert. To Tiet steiht de Sünn vun’n 31. Oktober bit to’n 23. November in de Waag.

Historie un Mythologie

De Waag höört to de klass’schen 48 Steernbiller vun de Antike, de vun Ptolemäus beschreven worrn sünd. De Beteken „Waag“ harr se al bi de Sumerer (Giš-rin) – mööglicherwies wegen de Sünn, de vör 4.000 Johren to de Tiet vun’t Dag- un Nachtgliek dor stahn hett. Villicht weer dat aver ok wegen de Stüern, de to de Tiet vun’t Johr indreven worrn sünd. De Indrievers hebbt to’n Afmeten vun dat fällige Koorn en Balkenwaag bruukt.

Bi de Babyloniers un de antiken Greken weern de Steern dorgegen to dat Steernbild Skorpion torekent un hebbt sien Scheren dorstellt. Bi de Greken hett disse Konstellatschoon dorüm den Naam Chelai („de Klauen“) hatt. Ok de araabschen Astronomen hebbt de Steerns to den Skorpion tellt De Steerns β un γ weern de nöördliche Scheer, de Steerns α, υ un σ weern de süüdliche Scheer.

De hüütige Naam Waag is üm 100 n. Chr. vun de Römers inföhrt worrn. För jem stünn dat Steernbild as Teken för de Gerechtigkeit. De „süüdliche Scheer“ is eerst 1930 to de Wagg rekent worrn, as de Grenzen vun de Steernbiller dör de Internatschonale Astronoomsche Union (IAU) fastleggt worrn sünd. De Steern σ Librae is vörher noch as γ Scorpii betekent worrn.

Objekten

Steerns

B	F	Naams o. annere Beteken	Grött	Lj	Spektralklass
β	27	Zuben-el-schemali (Zubeneschemali)	2,61^m	120	B8 V
α²	9	Zuben-el-dschenubi (Zubenelgenubi)	2,75^m	77	A3
σ	20	Brachium, Cornu	3,29^m	292	M3 III
υ			3,60^m
θ	39		3,6^m	120	K4 III
τ	40		3,66^m	400	B3 V
γ	38	Zuben-el-Akrab	3,91^m	152	G8 IV
	16		4,47^m
ι			4,54^m
	37		4,61^m
κ			4,71^m
δ	13	Zuben-el-Akribi	4,4 bis 5,8^m	304	B9.5 V
ε			4,92^m
11			4,93^m
	48		4,95^m
	42		4,97^m
λ			5,04^m
	36		5,13^m
α¹			5,13^m
ν	21		5,19^m
	12		5,27^m
μ	7		5,32^m	250	A1 + A5
	41		5,36^m
η			5,41^m
	49		5,47^m
ξ²			5,48^m
ζ			5,53^m
	50		5,53^m
	32		5,64^m
	4		5,70^m
ξ¹			5,78^m
	34		5,82^m
	18		5,88^m
	47		5,95^m

De hellste Steern is β Lib, de en Afstand vun 120 Lichtjohren hett. Sien Naam Zuben-el-schemali kummt ut dat Araabsche un heet „nöördliche Scheer“ (vun’n Skorpion). γ Lib hett en Afstand vun ruchweg 152 Lichtjohren. He heet Zuben-el-Akrab, wat „Scheer vun’n Skorpion“ bedüüt.

Dubbelsteerns

System	Grötten	Afstand
α	2,8 /5,2^m	231"
ι	4,7/9,7^m	8,5"
μ	5,7^m/6,6^m	2,0"

De Steern α Lib is en Dubbelsteernsystem in ruchweg 77 Lichtjohren Afstand. De beiden Kumponenten staht 231″ ut’nanner un künnt dorüm al mit en eenfack Feernglas sehn warrn. Dat System liggt meist nipp un nau op de Ekliptik un warrt dorüm faken vun’n Maand bedeckt.

Dat Dubbelsteernsystem ι Lib is üm un bi 250 Lichtjohren wiet weg. Üm dat System to splitten bruukt een aver al en Teleskop mit tomindst 6 cm Apen.

Ännerliche Steerns

Steern	Grötten	Periood	Tyyp
δ	4,9 bis 5,9^m	2,327 Daag	bedeckenännerlich

δ Lib is ruchweg 304 Lichtjohren wiet weg. He is bedeckenännerlich na den Tyyp Algol, de sien Helligkeit regelmatig ännert.

Messier- un NGC-Objekten

Messier (M)	NGC	annere	Grött	Tyyp	Naam
	5897		8,6^m	Kugelsteernhopen

Annere enkelte Objekten

En intressanten Steern in de Waag stellt Gliese 581 dor, en Ro’en Dwargsteern in 20,5 Lichtjohren Afstand, de ruchweg 50 mol swacker strahlt as uns Sünn (Spektralklass: M3,5; schienbor Helligkeit: 10,56). Na ne’este Forschung hett disse Steern tomindst veer planetaarsche Objekten in’n Ümloop (Exoplaneten).

Weblenken

Steernbild Waag. Mehr Biller, Videos oder Audiodateien to’t Thema gifft dat bi Wikimedia Commons.

Steernbild Waag En fotograafsche Reis dör de Deerkreisbiller

De 88 modernen Steernbiller