The Three Musketeers (1993)
| Filmdaten | |
|---|---|
| Plattdüütsch Titel: | — |
| Originaltitel: | The Three Musketeers |
| Düütsch Titel: | Die drei Musketiere |
| Produkschoonsland: | USA Grootbritannien Öösterriek |
| Johr vun’t Rutkamen: | 1993 |
| Läng: | 105 Minuten |
| Originalspraak: | Engelsch |
| Öllersfreegaav in Düütschland: | FSK 12 |
| Filmkru | |
| Speelbaas: | Stephen Herek |
| Dreihbook: | David Loughery Alexandre Dumas de Öllere (Roman) |
| Produkschoon: | Roger Birnbaum Joe Roth |
| Musik: | Michael Kamen |
| Kamera: | Dean Semler |
| Snitt: | John F. Link |
| Szenenbild: | Wolf Kroeger |
| Kledaasch: | John Mollo |
| Dorstellers | |
| |
The Three Musketeers (op Platt so veel as „De dree Musketeren“; dt. Titel: Die drei Musketiere) is de Titel vun en Action- un Mantel-un-Degen-Film ut dat Johr 1993. De Inholt vun den Film baseert op den Roman vun Alexander Dumas.
Inholt
[ännern | Bornkood ännern]De Film speelt in Frankriek in’t Johr 1626. De junge D’Artagnan ut de Gascogne hett sik vörnahmen en Musketier to warrn un maakt sik dorüm op’n Weg na Paris. Man, he kumt to laat, vun wegen dat dat Korps vun de Musketieren, de Liefwache vun Siene Majestät König Ludwig XIII., jüst vun den Kardinal Richelieu oplöst worrn is. D’Artagnan kann sik dormit aver nich affinnen un leggt sik toeerst gleik mit de dree bekanntesten Musketieren (Aramis, Athos und Porthos) – wat he nich weet – an un foddert jem to Duellen rut. Man, dorto kummt dat nich mehr, as dat Duell vun Soldaten vun’n Kardinal stört warrt, de kamen sünd, üm de dree Aftrünnigen fasttonehmen. Korterhand hollt de veer tosamen un winnt gegen de Soldaten.
Na den Kamp verswinnt de dree Musketieren, man D’Artagnan töövt to lang un warrt vun wietere Soldaten vun’n Kardinal ünner dat Regeer vun Rocherfort, de rechte Hand vun’n Kardinal, in’n Kerker bröcht. He schall nu vertellen, woneem sik de Aftrünnigen ophollt. D’Artagnan kann kort utneihn un warrt dorbi Tüüg, as de Kardinal en Komplott utklamüstert. De Kardinal schickt Lady De Winter na England, woneem se den Hartog vun Buckingham en Breef övergeven schall. D’Artagnan warrt aver bi’t opluern vun Rochefort överrascht un wedder fangensett. Und vun wegen, dat he vun dat Komplott wies worrn is, schall he nu’n Kopp körter maakt warrn.
Vun’t Schaffott warrt he aver vun de dree Musketieren reddt, de mit de Kutsch vun’n Kardinal dörbrennt. Op de Flucht vertellt D’Artagnan vun dat Komplott un de Musketeiren besluut, allen’s to doon, üm den Kardinal an sien Plaan to hinnern. Tatsächlich künnt se verhinnern, dat de Naricht an den engelschen Hartog Frankriek verlaten deit.
In de Twüschentiet plaant de Kardinal den König wiel sien Geboortsdagsfier dootscheten to laten. De dree Musketieren un D’Artagnan maakt op’n Rüchweg de ehmoligen Musketieren mobil, nadem se rutfunnen hett, wat Richelieu vörhett. In’t Slott kummt dat opletzt to’n Showdown, in den de Musketieren dat Leven vun den König reddt – jemehr egentliche Opgaav also – un Richelieus Macht en Enn sett. Man ok D’Artagnan kriggt opletzt, wat he jümmer wull: He warrt vun Louis XIII. to’n Musketier slahn.
Kritiken
[ännern | Bornkood ännern]- Roger Ebert, Chicago Sun-Times, 12. November 1993[1]: Gibt es eigentlich einen triftigen Grund, noch eine Version von „Die drei Musketiere“ zu drehen? Die Aufgabe eines neuen Filmes wäre es, uns davon zu überzeugen, dass die Antwort „ja“ lauten müsste - was dieser Film jedoch nicht macht. Es hat wohl großen Spaß gemacht (...), den Film zu drehen, ihn anzusehen macht jedoch keinen. Er besteht nur aus Sound und Energie ohne jeden Plan oder Bedeutung.
- Frankfurter Rundschau: Viel Tempo, wenig Eleganz.
- Lexikon vun’n internatschonalen Film (CD-ROM-Utgaav), Systhema, München 1997: Restaurative Neuverfilmung des Abenteuerromans, die den patriotischen Heldenmut der Leibgardisten ohne Witz und Distanz reproduziert.
- Kölnische Rundschau: (...) mit bombastischem Aufwand auf Zelluloid gestemmt.
Utteken
[ännern | Bornkood ännern]De Film weer för fief Filmpriesen vörslahn un hett twee dorvun wunnen:
- 1995: den ASCAP Award in de Kategorie Best Leed för en Speelfilm för Bryan Adams , Robert John Lange un Michael Kamen
- 1995: den BMI Film & TV Award in de Kategorie Fakensten speelt Leed ut en Speelfilm för Michael Kamen
Anners wat
[ännern | Bornkood ännern]De Film is an verscheden Öörd in Öösterriek un England dreiht worrn. De Kulisse vun Frankriek to de Tiet vun de Musketiere weern billt vun Nedderöösterriek (Perchtoldsdorf, Slott Petronell, Korneuburg, Hinterbrühl, Maria Enzersdorf), vun’t Burgenland (Markt Sankt Martin) un vun Wien.
Vun wegen dat Öösterriek keen Küst hett, de aver för den Film bruukt weer, weern de Szenen an’t Water in England dreiht. Eenige Szenen sünd in Perchtoldsdorf dreiht worrn, woneem Rebecca De Mornay as Kind na School gahn is.
För de Rull vun D’Artagnan sünd toeerst Brad Pitt un Johnny Depp fraagt worrn, de aver beide aflehnt hebbt. Den Kardinal Richelieu schüll toeerst Gary Oldman spelen.
Borns
[ännern | Bornkood ännern]Literatur
[ännern | Bornkood ännern]- Alexandre Dumas: Die drei Musketiere. Roman (OT: Les trois mousquetaires). Deutsch von A. Zoller und Michaela Meßner. (Vollständige Ausgabe.) Deutscher Taschenbuch-Verlag (dtv), München 2002, ISBN 3-423-20534-2
Weblenken
[ännern | Bornkood ännern]- The Three Musketeers in de Internet Movie Database (engelsch)
- Tonträger mit der Filmmusik