Lexikon vun’n internatschonalen Film

Vun Wikipedia

Dat Lexikon vun’n internatschonalen Film is en mehrbännig Nakieksel mit Filmkritik un annere Indrääg to all Kino- un Feernsehnfilmen, de siet 1945 in Düütschland to sehn weern. Dat Nakieksel warrt jümmer wieter schreven, un Deelen dorvun sünd ok över verschedene Filmdatenbanken aftoropen.

Dat Lexikon[ännern | Bornkood ännern]

Dat Lexikon vun’n internatschonalen Film baseert op de Filmkritiken ut de Tietschrift Film-Dienst, de siet 1947 rutkummt un ehrn Oorsprung in de Kathoolschen Filmarbeit in de DDR hett. In’t Johr 1987 is dat LExikon as Wark in teihn Bännen in’n Rowohlt Verlag rutkamen. 1995 hett de Verlag en Neeoplaag rutgeven, de ok wedder teihn Bännen ümfaten de. De Verlag Zweitausendeins hett dat Nakieksel 2002 aktualiseert un as veerbännig Filmlexikon rutgeven, in dat de Filmen deelwies ok nee beweert worrn sünd. Jeed Johr gifft dat en wieteren Band, de dat Nakieksel op den Stand vun’t jüst aflopene Johr bringt. De Johrbännen vun’t Lexikon vun’n internatschonalen Film warrt siet 2001 in’n Schüren Verlag rutbröcht. De enkelten Kritiken gifft dat siet 2004 ok dat Munzinger-Archiv, wo man sik anmellen mutt[1], un aktuell (Juni 2011) in’t Internet op de Sieten vun kabeleins.de[2] un kabeleins.at[3], op Zweitausendeins.de[4] as ok op bs-net.de[5].

Opbo[ännern | Bornkood ännern]

Blangen den Originaltitel vun en Film sünd ok de düütsche Titel mit Alternativtitels, de bedüdenen Mitspielers un Krulüüd, dat Johr vun’t Rutkamen un dat Johr vun de Premiere oder Eerstsennen un annere technische Aspekten angeven. De Beschrieven in’n Hööftdeel ümfaat tomeist ut dree bit veer Sätz för jeden Indrag.

De Druckutgaav is op’n Stand vun 2001 un beschrifft ruchweg 52.000 Filmen. Bito bargt se 130 Essays to disse Themenrebeden:

Band I:

Band II:

Band III:

Band IV:

  • Index

Utgaven[ännern | Bornkood ännern]

  • Kathoolsch Institut för Medieninformatschoon (KIM) un Kathoolsche Filmkommisschoon för Düütschland (Rutgervers): Lexikon des internationalen Films. Kino, Fernsehen, Video, DVD, Zweitausendeins, Frankfort an’n Main, 2002, ISBN 3-86150-455-3
  • Lexikon des internationalen Films 2001. 48.000 Filme mit Kurzkritiken, Systhema, CD-ROM-Utgaav för Windows 95/98/ NT 4.0/ MacOS af 8.1
  • Zeitschrift film-dienst un Kathoolsche Filmkommisschoon för Düütschland (Rutgervers): Lexikon des internationalen Films: Das komplette Angebot im Kino, Fernsehen und auf DVD. Teiljahresbände: Filmjahr 2001/2002/2003/2004/2005/2006/2007, Schüren Verlag, Marburg, 2002 ff., ISSN 0430-4446

Kiek ok[ännern | Bornkood ännern]

Weblenken[ännern | Bornkood ännern]

Borns[ännern | Bornkood ännern]

  1. Publikation Film – Munzinger Online afropen an’n 13. Oktober 2013 (hoochdüütsch)
  2. Filmlexikon: Stars, Filme, Regisseure auf kabeleins.de afropen an’n 13. Oktober 2013 (hoochdüütsch)
  3. kabel eins: TV Programm, Sendungen, Videos & Games afropen an’n 13. Oktober 2013 (hoochdüütsch)
  4. Zweitausendeins. Filmlexikon Filme von A-Z afropen an’n 13. Oktober 2013 (hoochdüütsch)
  5. Filmkritiken des film-dienstes afropen an’n 13. Oktober 2013 (hoochdüütsch)