Fred Astaire
Fred Astaire (* 10. Mai 1899 in Omaha; † 22. Juni 1987 in Los Angeles, börgerlich Frederick Austerlitz) weer en US-amerikaanschen Schauspeler, Singer un Danser.
Leven
[ännern | Bornkood ännern]Astaire is as Frederick Austerlitz un Söhn vun öösterrieksche Inwannerers in Omaha boren. Al as Jung füng he’t Dansen an. He weer op Dansschool un stünn mit siene Süster Adele op de Böhn. De beiden ehr eerst Film weer 1915 Fanchon the Cricket. 1917 treden de beiden op’n Broadway in Over the Top op. 1931 heiraat sien Süster un he müss nu alleen op de Böhn. De Filmsellschop RKO nehm em 1933 ünner Verdrag un hett em för den Film Dancing Lady an MGM utlehnt. Denn möök he bi RKO Flying down to Rio, wat sien eersten Film mit gröttern Spood weer. In dissen Film speel he ok toeerst mit Ginger Rogers. He möök noch negen Dansfilmen mit ehr.
He speel ok mit Rita Hayworth in You Were Never Lovelier, Eleanor Powell in Broadway Melody, Judy Garland in Easter Parade, Lucille Bremer in Yolanda and the Thief, Betty Grable, Cyd Charisse in The Band Wagon un mit Audrey Hepburn in Funny Face. As he öller worrn is, is dat mit de Dansfilmen weniger worrn un he möök mehrsttiets blots noch normal Schauspeel.
Filmografie (Utwahl)
[ännern | Bornkood ännern]| Johr | Titel | Synchroonsnacker |
|---|---|---|
| 1933 | Flying Down to Rio | |
| 1934 | The Gay Divorcee dt.: Scheidung auf amerikanisch |
Harry Wüstenhagen |
| 1935 | Top Hat dt.: Ich tanz mich in dein Herz hinein |
Rudi Schuricke (Singen) Harry Giese (Spreken) |
| 1936 | Swing Time | Eckart Dux |
| 1936 | Follow the Fleet dt.: Marine gegen Liebeskummer |
Eckart Dux |
| 1937 | A Damsel in Distress dt.: Ein Fräulein in Nöten |
Eckart Dux |
| 1940 | Broadway Melody of 1940 dt.: Broadway Melody 1940 |
Eckart Dux |
| 1941 | You’ll Never Get Rich dt.: Wer wird schon reich beim Militär? |
Eckart Dux |
| 1942 | You Were Never Lovelier dt.: Du warst nie berückender |
Eckart Dux |
| 1945 | Yolanda and the Thief dt.: Yolanda und der Dieb |
Eckart Dux |
| 1948 | Easter Parade dt.: Osterspaziergang |
Eckart Dux |
| 1949 | The Barkleys of Broadway dt.: Tänzer vom Broadway |
Erik Ode |
| 1950 | Three Little Words dt.: Drei kleine Worte |
Erik Ode |
| 1951 | Royal Wedding dt.: Königliche Hochzeit |
Eckart Dux |
| 1952 | The Belle of New York dt.: Die Schöne von New York |
Eckart Dux |
| 1953 | The Band Wagon dt.: Vorhang auf! |
Erik Ode |
| 1955 | Daddy Long Legs dt.: Daddy Langbein |
Hans Nielsen |
| 1957 | Silk Stockings dt.: Seidenstrümpfe |
Erik Ode |
| 1959 | On the Beach dt.: Das letzte Ufer |
Friedrich Joloff |
| 1961 | The Pleasure of His Company dt.: In angenehmer Gesellschaft |
Erik Ode |
| 1962 | The Notorious Landlady dt.: Noch Zimmer frei |
Friedrich Joloff |
| 1968 | Finian’s Rainbow dt.: Der goldene Regenbogen |
Leo Bardischewski |
| 1974 | The Towering Inferno dt.: Flammendes Inferno |
Leo Bardischewski (Kino) Kaspar Eichel (DVD) |
| 1976 | The Amazing Dobermans dt.: Mit Dobermännern spaßt man nicht |
Friedrich W. Bauschulte |
| 1981 | Ghost Story dt.: Zurück bleibt die Angst |
Friedrich W. Bauschulte |
Utteken
[ännern | Bornkood ännern]Fred Astaire is en spoodrieken Schauspeler wesen, de ünnern annern ok för den Oscar vörslahn wesen ist (1975 as Best Nevendorsteller in The Towering Inferno). Wunnen hett he för sien Wark 14 Filmpriesen:
- 1941: den Sour Apple
- 1950: den Ehrenoscar för sien eenmolige künstlerische Dorstellen un sien Bidrääg to’n Musikfilm
- 1951: den Golden Globe in de Kategorie Best Hööftdorsteller – Kummedie oder Musical för Three Little Words
- 1959: den Emmy in de Kategorie Beste Enkeltleistung vun en Schauspeler för An Evenening with Fred Astaire
- 1961: den Cecil B. DeMille Award
- 1968: den Golden Apple in de Kategorie Männlich Star vun’t Johr
- 1970: den UNICRIT Sünnerpries vun de Berlinale för sien Leistung un Bidrääg bi’t Entwickeln un Föddern vun Musik- un Dansfilm.
- 1973: den Gala Tribute vun de Film Society of Lincoln Center
- 1975: den Golden Globe in de Kategorie Best Nevendorsteller för The Towering Inferno
- 1975: den Sünner-David vun’n David di Donatello Filmpries
- 1976: den BAFTA Award in de Kategorie Best Nevendorsteller för The Towering Inferno
- 1978: den Emmy in de Kategorie Rutragen Hööftdorsteller in en Drama oder Kummedie för A Family Upside Down
- 1981: den Pries för’t Levenswark vun’t American Film Institute
- sien Steern op’n Walk of Fame
Literatur
[ännern | Bornkood ännern]- Stephen Harvey: Fred Astaire. Seine Filme - sein Leben (OT: Fred Astaire). Heyne, München 1982, ISBN 3-453-86043-8
- Neal Gabler: Ein eigenes Reich. Wie jüdische Emigranten Hollywood erfanden. Övers. u. d. Amerikaansche: Klaus Binder, Bernd Leineweber. Berlin: Berlin Verlag, 2004. ISBN 3-8270-0353-9.
