Kiefer Sutherland

Kiefer Sutherland 2008

Kiefer Sutherland (vullstännig: Kiefer William Frederick Dempsey George Rufus Sutherland; *21. Dezember 1966 in London, England) is en kanaadschen Schauspeler.

Leven un Wark

Sutherland is de Söhn vun Donald Sutherland un Shirley Douglas, un vun sieten vun de Mudder her bito Enkelsöhn vun Tommy Douglas, de fröher Premierminister uvn de kanaadschen Provinz Saskatchewan weer. Sien nich wennten Vörnaam kummt vun den Speelbaas Warren Kiefer, de 1964 sien Vadder sien eerste Filmrull geven hett.

Sien Filmloopbahn güng 1983 los mit den Film Max Dugan Returns, in den he tosamen mit sien Vadder to sehn weer. En Johr later harr he sien Dörbrook mit den Film The Bad Boy, för den he en Nomineeren för den Genie Award kregen hett, watt dat kanaadsche Gegenstück to’n Oscar is.

Dorna speel he in tallrieke Filmen mit. To sien Fröhwark höört to’n Bispeel de Filmen Stand By Me oder The Lost Boys. In’t Johr 1990 is he denn richtig bekannt worrn mit den Psycho-Thriller Flatliners. In disse Tiet harr he ok wat mit de Schauspelersche Julia Roberts, man kort vör de plaanten Hochtiet in’n Sommer 1991 sünd de beiden wedder utenanner gahn.

Mitt vun de 1990er Johren güng dat mit de Loopbahn bargdaal un go’e Rullenanbotten bleven ut, vun wegen dat he sünners op dat Fack vun den Bösen fastleggt weer. He speel dorna in eenige Filmen mit, de nich den groten Spood harrn, beleev denn aver en Comeback, as he de Rull vun Jack Bauer in de Echttietreef 24 övernehmen künn. Vör sien Schauspeel hett he in de Folgtiet mehrere Priesen kregen. För sien Hööftrull in de Feernsehreeg 24 kreeg Sutherland alleen för de Staffeln 6 bit 8 ruchweg 40 Millionen US-Dollar. Dormit is he de Feernsehdorsteller mit de höchsten Gaasch weltwiet.

Sutherland hett en Tweeschensüster, de Rachel heet. He weer bit hüüt tweemol verheiraat un hett en Dochter.

Filmografie (Utwahl)

Johr	Titel	Synchroonsnacker
1983	Max Dugan Returns dt.: Max Dugans Moneten
1984	The Bad Boy
1986	Stand By Me dt.: Stand by Me – Das Geheimnis eines Sommers	Tobias Meister
1987	The Lost Boys	Hubertus Bengsch
1988	Bright Lights, Big City dt.: Die grellen Lichhter der Großstadt	Tobias Meister
1988	Young Guns dt.: Young Guns – Sie fürchten weder Tod noch Teufel	Tobias Meister
1990	Flashback	Rainer Schmitt
1990	Young Guns II dt.: Blaze of Glory – Flammender Ruhm	Tobias Meister
1990	Flatliners dt.: Flatliners – Ein schöner Tag zum Sterben	Tobias Meister
1992	Twin Peaks: Fire Walk with Me dt.: Twin Peaks – Der Film	Tobias Meister
1992	A Few Good Men dt.: Eine Frage der Ehre	Tobias Meister
1993	The Vanishing dt.: Spurlos	Tobias Meister
1993	The Three Musketeers dt.: Die drei Mustiere	Jan Odle
1996	Eye for an Eye dt.: Auge um Auge	Tobias Meister
1996	A Time to Kill dt.: Die Jury	Tobias Meister
1997	Truth or Consequences, N.M. dt.: Ort der Wahrheit	Tobias Meister
1998	Dark City	Tobias Meister
1998	Break Up dt.: Nackte Angst	Tobias Meister
1998	Ground Control dt.: Kollisionskurs – Panik im Tower	Tobias Meister
2000	Woman Wanted	Tobias Meister
2000	The Right Temptation dt.: Mörderische Versuchung	Tobias Meister
2001	To End All Wars dt.: Gefangen in der Hölle	Tobias Meister
2002	Dead Heat dt.: Dead Heat – Tödliches Rennen	Tobias Meister
2002	Phone Booth dt.: Nicht auflegen!	Tobias Meister
2003	Paradise Found dt.: Paradies – Die Leidenschaft des Paul Gauguin	Stephan Schwartz
2004	Taking Lives dt.: Taking Lives – Für Dein Leben würde er töten	Tobias Meister
2006	The Wild, Stimm dt.: Tierisch wild	Martin Umbach
2006	The Sentinel dt.: The Sentinel – Wem kannst du trauen?	Tobias Meister
2008	Mirrors	Tobias Meister
2001-10	24, Feernsehreeg	Tobias Meister
2011	The Confession, Feernsehreeg dt.: The Confession – Die Beichte	Tobias Meister
2011	The Confession
2012	The Reluctant Fundamentalist dt.: The Reluctant Fundamentalist – Tage des Zorns	Tobias Meister
2012-13	Touch, Feernsehreeg	Tobias Meister
2014	Pompeii	Tobias Meister
2014	24: Live Another Day, Feernseh-Minireeg	Tobias Meister
2014	Twin Peaks: The Missing Pieces
2015	Forsaken	Tobias Meister
2017	Where Is Kyra?
2017	Flatliners	Tobias Meister
2016-18	Designated Survivor	Tobias Meister

Utteken

Kiefer Sutherland is bit hüüt (Stand Oktober 2010) för meist föfftig Film- un Feernsehpriesen vörslahn wesen. Wunnen hett he dorvun twölv Utteken, dorünner:

• 1989: de Bronze Wrangler in de Kategorie Theatraalsch Speelfilm för Young Guns
• 2000: de Pries för’n besten Speelfilm vun’t Slamdunk Film Festival för Woman Wanted
• 2002: de Golden Satellite Award in de Kategorie Best Schauspeler in en Dramareeg för 24
• 2002: de Golden Globe in de Kategorie Best Serienhööftdorsteller – Drama för 24
• 2003: de Golden Satellite Award in de Kategorie Best Schauspeler in en Dramareeg för 24
• 2006: de Golden Nymph in de Kategorie Rutragen Hööftdorsteller in en Dramareeg för 24
• 2006: de Emmy in de Kategorie Rutragen Hööftdorsteller in en Dramareeg för 24
• 2008: sien Steern op’n Walk of Fame

Weblenken

Kiefer Sutherland. Mehr Biller, Videos oder Audiodateien to’t Thema gifft dat bi Wikimedia Commons.

• Kiefer Sutherland in de Internet Movie Database (engelsch)
• Ein Phönix im Steilflug – Schauspeler Kiefer Sutherland
• Kiefer Rocks-Fanwebsteed (engelsch)