A Few Good Men

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: A Few Good Men
Düütsch Titel: Eine Frage der Ehre
Produkschoonsland: USA
Johr vun’t Rutkamen: 1992
Läng: 138 Minuten
Originalspraak: Engelsch
Öllersfreegaav in Düütschland: FSK 12
Filmkru
Speelbaas: Rob Reiner
Dreihbook: Aaron Sorkin
Produkschoon: William S. Gilmore, Rachel Pfeffer
Musik: Marc Shaiman
Kamera: Robert Richardson
Snitt: Robert Leighton, Steven Nevius
Dorstellers

A Few Good Men (op Platt so veel as „’N poor go’e Lüüd“; dt. Titel: ''Eine Frage der Ehre) is en US-amerikaanschen Film vun den Speelbaas Rob Reiner ut dat Johr 1992. De Produkschoonskosten belöpen sik op 33 Millionen US-Dollar, wobi de Innahmen weltwiet ruchweg 250 Millionen bedragen hebbt.

Inholt[ännern | Bornkood ännern]

Op den US-Marineinfanterie-Stüttpunkt Guantanamo Bay is de Soldat William Santiago dod bleven, nadem he vun siene Kameraden Dawson un Downey angrepen worrn is. Santiago weer as Butensieter bekannt, man de beiden Verdächtigen sünd dorgegen Marines as se in’t Book steiht. Toeerst is nich klor, wat sik dat bi dissen Angreep üm en Straafakschoon hannelt, de vun’n Vörsetten anordent is, oder nich.

Nu warrt de beiden Marines vör’t Militärstraafgericht anklaagt, de disse Akschoon dorföhrt hett. De Anklaag luut op Moord, Verswören to’n Moord un „Unwöördig Verhollen för en Marine“. Dawson un Downey warrt vörhollen, Santiago mit Afsicht ümbröcht to hebben, üm to hinnern, dat he Informatschonen över en Fehlverhollen vun Dawson an den NCIS wietergeven deit. Jemehr Version na is dat en Straafakschoon wesen, de vun baven anordent worrn is – en so nöömten „Code Red“. De Ankläger is Cpt. Jack Ross. As Verdedigers warrt den beiden de Navy-Afkaaten Lt. Daniel Kaffee, de noch bannig gröön is achter de Ohren, un Lt. Cmdr. Joanne Galloway an’ne Siet stellt.

Ok Navy-Lt. Sam Weinberg is mit vun de Partie bi de Verdedigen, ofschoonst he wat gegen de beiden Anklaagten hett, de to tweet een angrepen hebbt, de sik nich wehren künn. Jemehr Strategie besteiht dorin, den vörsetten Offizeeren natowiesen, dat se den Befehl to’n Bestrafen geven hebbt. De Slötelfigur dorbi is Colonel Nathan R. Jessep, de bi de Boddentruppen vun den Stüttpunkt dat Kommando hett. He künn den Code Red anordent hebben.

Ok Lt. Kendrick, Utbiller bi de Marines, wiest sik as en wichtige Figur. As Santiago de Befehlskeed broken hett, weern sien Kameraden suer op em, man Kendrick hett jem Order geven, dat em nix doon warrn dröff. Man, Dawson un Downey verklort, dat dat en poor Minuuten later en tweetet Drapen geven hett, bi dat Kendrick jem den Code Red an Santiago anordent hett, wohrschienlich op Anorden vun Jessep.

Daniel wiest na, dat Dawson in’n Grunnen Code Reds aflohnen deit: Marine Jeffrey Barnes seggt ut, dat Code Reds ok för minner bedüdende Saken anwennt warrt. Santigao hett all disse lütten Fehlers maakt un hett liekers keen Code Red kregen, vun wegen dat Dawson em schuult hett. Jeffrey sülvst harr em geern en Code Red andoon, man he harr sik nich troet, vun wegen dat Dawson nienich Verlööf dorto geven harr. En anner mol hett he en annern Soldaten heemlich Nehrmiddel bröcht, as he mit söven Daag ahn Eten bestraaft worrn is. Dawson is to Straaf vun Kendrick bi’t Höger Setten övergahn worrn. Bi’n tweeten Code Red künn he also nich anners, as em dortoföhren.

De Laag vun de Verdedigen sütt nich goot ut, vun wegen dat de Anklaag de beiden Anklaagten in en wichtigen Punkt as Löger henstellen kann. De Fall sütt al meist verloren ut, as sik denn noch de wichtigste Tüüg vun de Verdedigen, Lt. Colonel Markinson, den Stellvertreder vun Colonel Jessep, sik sülvst ümbringt. Kort vörher harr Markinson noch togeven, dat Jessep den Code Red anordent hett. Man, dat hebbt se ünner veer Ogen afmaakt, so dat dat nu keen Tügen mehr gifft.

Also beslutt Kaffee nu, Jessep sülvst in den Tügenstand to laden un em so lang to provozeeren, bit he dat sülvst togeven deit, dat he den Befehl dorto geven hett. Sien Instinkt seggt em, dat Jessep disse Vörgahnswies för richtig hullt un he an sik keen Lust mehr hett, de Wohrheit heemlich to hollen. Kort bevör dat Verhöör ut de Kehr to gahn drauht un McKaffee sien tokamen Loopbahn op’t Speel sett, geiht de Strategie tatsächlich op. In’n Tügenstand gaht mit Jessep de Geföhlen dör un he gifft to, den Code Red anordent to hebben.

An’n Enn warrt Jessep in Haft nahmen. Dör sien Ingestahn, dat he den Code Red anordent hett, hett he bestätigt, wat Dawson un Downey utseggt hebbt un dormit ok, dat Santiago bi de Straafakschoon ümkamen nich, un dat dat even doch keen Moord weer. So warrt de Anklaagten vun den Moordverdacht freesproken, man in den Punkt „Unwöördig Verhollen“ warrt se för schullig befunnen un dormit unehrenhaft ut de Armee künnigt. För den naiven Downey brickt de Welt tohopen, vun wegen dat he meent, nix verkehrt maakt to hebben. Aver Dawson maakt em klor, dat se för de kämpen mööt, de swach sünd. Un dorüm harrn se ok för Santiago kämpen müsst.

Kritiken[ännern | Bornkood ännern]

Heyne Filmjohrbook 1994: Rob Reiner macht aus dem Bühnenstück einen formal und dramaturgisch überzeugenden Gerichtsfilm, in dem es um die Ausleuchtung militärischer Hierarchien geht, um den Unsinn des Kadavergehorsams und die Relativität jeder Rechtsprechung. Der Film verzichtet auf voyeuristische Action-Orgien, lebt von Milieuschilderung, Dialogen und überzeugendem Schauspiel.

Utteken[ännern | Bornkood ännern]

De Film weer för veer Oscars un wietere 21 Filmpriesen vörslahn. Uttekent worrn is he mit söven Priesen:

  • 1992: den NBR Award in de Kategorie Best Nevendorsteller för Jack Nicholson.
  • 1993: den MTV Movie Award in de Kategorie Best Film.
  • 1993: den People’s Choice Award in de Kategorie Leefst Film.
  • 1993: den People’s Choice Award in de Kategorie Leefst dramaatsche Film.
  • 1993: den SEFCA Award in de Kategorie Best Nevendorsteller för Jack Nicholson.
  • 1993: den CFCA Award in de Kategorie Best Nevendorsteller för Jack Nicholson.
  • 1994: den ASCAP Ward in de Kategorie Top Box Office Film för Marc Shaiman.

Anners wat[ännern | Bornkood ännern]

  • „Unwöördig Verhollen as US Marine“ is na den Uniform Code of Military Justice vun de USA keen Straafdaat.
  • Bi de US Marines warrt nich de Begreep „Ten-Hut“ (plattdüütsch: „stillstahn!“), man de Begreep „Attention on Deck“ (plattdüütsch: „Wohrschau an Deck!“) bruukt
  • De Begreep „Code Red“ warrt bi de US Marines nich bruukt un is ok nienich bruukt worrn. För disse Oort vun Straaf weer de Begreep „blanket party“ bruukt.

Weblenken[ännern | Bornkood ännern]