Roaring Creek (Belize River)

Vun Wikipedia
Zur Navigation springen Zur Suche springen

De Roaring Creek is en üm un bi 57 Kilometer langen Stroom in’n Distrikt Cayo von Belize, de in’n Belize River münnt.

De Stroom hett sien Born an de Noordsied von’n Baldy Beacon un an’n Rand von de Mountain Pine Ridge Forest Reserve in de Maya-Bargen. Von dor flütt he na Noorden un nimmt von rechts den 14 Kilometer langen Boomsma Creek op. De Roaring Creek löppt vörbi an de Tapir Mountain Nature Reserve un de Öörd Springfield un Agua Viva op dat rechte Över un Lower Barton Creek, Arizona, Teakettle un Camalote op dat linke Över. Twüschen de Hööftstadt Belmopan un den Oort Roaring Creek münnt de Roaring Creek in’n Belize River, de later in de Karibische See flütt. Kort vör de Münn geiht de George Price Highway mit en Brügg över den Stroom röver un an de Münn liggt de Guanacaste-Natschonaalpark.

An en Beek, de in’n Stroom münnt, doot ok de Thousand Foot Falls liggen.