Guanacaste-Natschonaalpark (Belize)

Vun Wikipedia
Zur Navigation springen Zur Suche springen

De Guanacaste-Natschonaalpark (engelsch Guanacaste National Park) is en lüttjen Natschonaalpark bi de Hööftstadt Belmopan von dat Land Belize (liggt in’n Distrikt Cayo).

De Park is 1973 as Kroonreservaat inricht worrn un hett 1990 den Status von en Natschonaalpark kregen. He is blots 20 Hektar groot un steiht ünner de Opsicht von de Belize Audubon Society. He is nöömt na en groten Boom von de Oort Enterolobium cyclocarpum, de in Belize Guanacaste nöömt warrt.

De Park liggt an’n Noordwest-Stadtrand von Belmopan twüschen Belize River in’n Westen un George Price Highway in’n Oosten un Süden. In’n Süüdwesten reckt he bet an de Münn von’n Roaring Creek in’n Belize River.

De Park steiht daagsöver för Besökers apen, köst aver en Intridd. Dat gifft en Nett von Wannerweeg dör’n Park.

Weblenken[ännern | Bornkood ännern]


Koordinaten:17° 16′ N, 88° 47′ W